काठमाडौं : मेडिकल व्यवसायी दुर्गा प्रसाईंले नेतृत्व गरेको प्रदर्शन काठमाडौंको सिफलमा हुने भएको छ ।
जिल्ला प्रशासन कार्यालयले त्रिभुवन विमानस्थल नजिकै भएकाले तीनकुने क्षेत्रमा आन्दोलन गर्न नदिने भएपछि प्रसाईं समूहले प्रदर्शनका लागि ठाउँमा मागेको थियो । प्रशासनले शान्तिपूर्ण तरिकाले प्रदर्शन गर्ने शर्तमा गौशालाछेउको सिफल चौरका लागि अनुमति दिएको प्रसाईंले बताएका छन् ।
उनले बिहान ११ बजे सिफल चौरमा उपस्थित हुन आफ्ना समर्थकलाई आव्हान गरेका छन् ।
यसअघि शुक्रबार तीनकुनेमा गर्न भनिएको प्रदर्शन भने अनुमति नलिएको भन्दै प्रशासनले रोक लगाएको थियो । प्रदर्शनका लागि पुगेकाहरूलाई प्रहरीले पक्राउ गरेको थियो। पक्राउ परेकामध्ये पाँच जनाबाहेक सबैलाई प्रहरीले हिजै छाडेको छ ।
प्रकाशित मिति:
शनिबार, ९ मंसिर २०८०
