नवलपरासी : पूर्वी नवलपरासीको देवचुली नगरपालिका गोरे घुम्तिमा आइतबार जीप दुर्घटना हुँदा ६ यात्रुको मृत्यु भएको छ। यात्रुमध्ये १ जना गम्भीर घाइते भएका छन्।
आइतबार बिहान साढे ११ बजे जीप दुर्घटना हुँदा ६ जनाको घटनास्थलमै मृत्यु भएको जिल्ला प्रहरी प्रमुख देवबहादुर पौडेलले जानकारी दिए।
मृतकमध्ये ३ जना महिला र ३ पुरुष रहेको पौडेलले बताए। वौदिकाली गाउँपालिकाको माझडाँडाबाट महेन्द्रराजमार्गको दलदले बजारतर्फ आउँदै गरेको लु १ ज ३२७० नम्बरको जीप दुर्घटनामा परेको जिल्ला प्रहरी प्रमुख वेदबहादुर पौडेलले जानकारी दिए। मृतक कसैको पनि सनाखत हुन सकेको छैन।
प्रहरीका अनुसार जीपको ब्रेक फेल भएका कारणले दुर्घटना भएको हो।
प्रकाशित मिति:
आईतवार, २६ कार्तिक २०८०
