काठमाडौं : नक्कली भुटानी शरणार्थी प्रकरणमा थुनिएका कांग्रेस नेता एवं पूर्वगृहमन्त्री बालकृष्ण खाण आज रिहा हुँदै छन् ।
बिहीबार उच्च अदालत पाटनले ३० लाख रुपैयाँ धरौटी लिएर तारेखमा छोड्न आदेश दिएपछि नेता खाण शुक्रवार धरौटी बुझाएर रिहा हुन लागेका हुन् ।उच्चको आदेशबमोजिम शुक्रवार काठमाडौँ जिल्ला अदालतमा धरौटी बुझाएपछि खाण रिहा हुने जनाइएको छ ।
खाणलाई नक्कली भुटानी शरणार्थी प्रकरणमा गत बैशाख २७ गते प्रहरीले पक्राउ गरेको थियो । उनी विरुद्धको मुद्दामा जिल्ला अदालत काठमाडौँले पुर्पक्षका लागि कारागार चलान गर्न आदेश दिएकोमा उच्च अदालतले बदर गरिदिएको हो ।
प्रकाशित मिति:
शुक्रबार, २९ मंसिर २०८०
