प्रजातन्त्र डेली

काठमाडौँ : सर्वोच्च अदालतको न्यायाधीशमा नियुक्तिका लागि सिफारिस भएका सबै ६ जनाको नाम संसदीय सुनुवाइ समितिले अनुमोदन गरेको छ । न्याय परिषद्ले सर्वोच्च अदालतको न्यायाधीशमा सिफारिस गरेका सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुङ्गाना, सुनिल पोखरेल र बालकृष्ण ढकालको नाम अनुमोदन गरिएको हो । अब उनीहरूले राष्ट्रपतिबाट शपथ ग्रहण गरेपछि सर्वोच्च अदालतको न्यायाधीशका रूपमा कामकाज सुरु गर्ने छन् ।

काठमाडौँ : बारामा बस र ट्रक ठोक्किँदा ३ जनाको मृत्यु भएको छ। २७ जना घाइते भएका छन्। दुर्घटनामा ट्रक चालक तनहुँ घर भएका २८ वर्षीय पूर्ण गुरुङ, मकवानपुर हेटौँडाका बस चालक ४० वर्षीय हरि शम्शेर र अर्का एक पुरुषको मृत्यु भएको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक दधिराम न्यौपानेले जानकारी दिए । उनीहरूको हेटौँडा अस्पतालमा उपचारको क्रममा मृत्यु भएको हो । झापाको काँकडभिट्टाबाट काठमाडौँ आउँदै गरेको बा ३-००१ ख २५८७ नम्बरको बस र हेटौँडाबाट पथलैयातर्फ जाँदै गरेको ना ७ ख ७३०० नम्बरको ट्रक आज बिहान पुलमा जुधेका थिए । घाइतेहरूको हेटौँडा अस्पताल र पुरानो मेडिकल कलेज चितवनमा…

काठमाडौं : कोलोराडो सर्वोच्च अदालतले पूर्व राष्ट्रपति डोनाल्ड ट्रम्पलाई सन् २०२४ को राष्ट्रपति चुनावबाट हटाएको छ।आगामी चुनावमा राष्ट्रपतिको प्रमुख दाबेदार मानिएका ट्रम्पलाई अमेरिकी संविधानको विद्रोह खण्डलाई उद्धृत गर्दै चुनावबाटै हटाएको हो। ट्रम्प अमेरिकी संविधानको १४ औँ संशोधनको धारा ३ का कारण योग्य उम्मेदवार नभएको अदालतको भनाइ छ। तर, यो निर्णयमा ट्रम्पले अपिल गर्न पाउनेछन्। यसअघि अरु राज्यहरुमा ट्रम्पलाई चुनावी दौडबाट निकाल्ने प्रयासहरु असफल भएका थिए।सन् २०२१ मा अमेरिकी संसदमा भएको आक्रमणमा जिम्मेवार भएका कारण उनी चुनावमा भाग लिन नपाउने कोलोराडोको सर्वोच्च अदालतको निर्णयमा भनिएको छ। अमेरिकामा यसै हप्ता भएका सर्वेक्षणहरुले आउँदो वर्ष हुने राष्ट्रपति चुनावमा वर्तमान राष्ट्रपति जो वाइडेनभन्दा पूर्व…

काठमाडौँ – नेपाल खानेपानी संस्थानले कर्मचारीका लागि आवेदन आह्वान गरेको छ । करार सेवामा खुला प्रतिस्पर्धाबाट पदपूर्तिका लागि संस्थाले दरखास्त आह्वान गरेको हो । रिक्त पदहरूमा खुला प्रतिस्पर्धा अन्तर्वार्ता र प्रयोगात्मक परीक्षाद्वारा ६ महिनाका लागि करार सेवामा पदपूर्ति गर्न लागिएको संस्थानले जनाएको छ । खानेपानी संस्थानले आफ्ना विभिन्न शाखामा गरी ६१ जना कर्मचारी मागेको छ । योग्य नागरिकले एक महिनाभित्र आवेदन दिन सक्नेछन् । दोब्बर दस्तुर तिरेर थप सात दिनभित्र दरखास्त दिन सकिने संस्थाले जारी गरेको सार्वजनिक सूचनामा उल्लेख छ ।

काठमाडाैं: राष्ट्रिय प्रजातन्त्र पार्टी (राप्रपा) ले राजसंस्था पुर्नस्थापना र हिन्दू राज्य घोषणाका लागि सशक्त आन्दोलन गर्ने निर्णय गरेको छ ।आइतबारदेखि चलेको केन्द्रीय कमिटीको बैठकबाट उक्त निर्णय भएको हो । त्यस्तै बैठकले प्रदेश संरचनाको खारेजीको माग राख्दै समेत आन्दोलन गर्ने निर्णय गरेको छ । राप्रपाको आन्दोलन मूल आयोजक समितिको अध्यक्ष राजेन्द्र लिङ्देन र आन्दोलन परिचालन समितिको संयोजकमा महामन्त्री धवल शमशेर राणा रहने गरी निर्णय भएको छ । यस्तै केन्द्रीय कार्यसम्पादन समितिबाट भएका निर्णयहरु पनि अनुमोदन भएको छ । यस्ता छन् निर्णय:

काठमाडौँ : एनसेलको सेयर खरिदबिक्री भएको विषयमा स्वतन्त्र सांसद डा अमरेशकुमार सिंहले दायर गरेको रिटमा सर्वोच्च अदालतले विपक्षीको नाममा कारण देखाऊ आदेश जारी गरेको छ । न्यायाधीश प्रकाशमान सिंह राउतको एकल इजलासले मंगलबार यस्तो आदेश गरेको हो । अदालतले पुस १६ गते दुवै पक्षलाई छलफलमा बोलाएको छ । लामो समयदेखि हेर्न नभ्याउनेमा परेको सिंहको रिट मंगलबार भने सुनुवाइ भएको हो । यसअघि मङ्सिर २४ गतेदेखि लगातार हेर्न नभ्याइनेमा परेको सिंहको रिट मङ्सिर पुस १ गते भने रिट निवेदककै कानुन व्यवसायीले स्थगित गराएका थिए । पुस २ गते सोमबार न्यायाधीश नहकुल सुवेदीको एकल इजलासमा परेको रिट बेञ्च बस्न नभ्याएर स्थगितमा परेको…

काठमाडाैं :  राज्य व्यवस्था तथा सुशासन समितिले एनसेलबाट कर असुल गर्न सरकारलाई निर्देशन दिएको छ । मंगलबार सिंहदरबारमा बसेको समितिको बैठकले एनसेलले बुझाउनुपर्ने कर तत्काल असुल गर्न सरकारलाई निर्देशन दिएको हो । बैठकले एनसेलको शेयर खरिदब्रिक्री सरकारले गठन गरेको छानबिन समितिको प्रतिवेदन नआउँदासम्म रोक्न पनि निर्देशन दिएको समिति सभापति रामहरि खतिवडाले जानकारी दिए । उनका अनुसार समितिको बैठकले २०८६ मा एनसेललाई सरकारको मातहत ल्याउन पनि निर्देशन दिएको छ ।

काठमाडौं : राष्ट्रिय प्रजातन्त्र पार्टी (राप्रपा) ले पार्टीका केन्द्रदेखि वडा तहका कार्यक्रमहरूमा अबदेखि शाकाहारी(भेजं) खाना मात्रै खुवाउने भएको छ । राप्रपाले पार्टीका कार्यक्रममा नेता तथा कार्यकर्तालाई खानासँगै सागपात, दुधदही र फलफूललगायत सात्त्विक भोजन मात्रै खुवाउने भएको हो । अध्यक्ष राजेन्द्र लिङ्देनले जारी केन्द्रीय कार्यसमिति बैठकमा पार्टीका ब्यानरमा हुने कार्यक्रममा शाकाहारी खाना मात्र खुवाउन निर्देशन दिएका हुन् । गत आइतबारदेखि राप्रपाको केन्द्रीय कार्यसमिति बैठक आजपनि जारी छ ।

पोखरा- पर्वतको चुवामा गएराति स्कूटर दुर्घटना हुँदा एक युवकको ज्यान गएको छ । मृत्यु हुनेमा कुश्मा नगरपालिका–१३ खौलालाँकुरी कुनादीका ३२ वर्षका सागर कार्की रहेका छन् । सोमबार राति १० बजे कुश्माबाट पोखरातर्फ आउँदै गरेको ग२१प ९५ नम्बरको स्कूटर सडक छेउको बारमा ठोक्किएर दुर्घटना भएको जिल्ला ट्राफिक प्रहरी कार्यालयले जनाएको छ । प्रहरीले सीसीटिभी क्यामेराको माध्यममार्फत दुर्घटनाका बारेमा थप अनुसन्धान गरिरहेको जनाएको छ ।

कोशी:  कोशी प्रदेशमा सभामुख पद पाँच महिनादेखि रिक्त छ । अब भने राप्रपालाई सभामुख पद दिन सत्तागठबन्धन तयार भएको छ । कांग्रेसका केदार कार्की नेतृत्वको सरकारलाई टिकाइराख्न प्रदेश सभामा ६ सिट रहेको राप्रपा निर्णायक देखिएपछि सभामुख दिन सत्तागठबन्धन तयार भएको हो । गठबन्धनका नेताहरू अहिले राप्रपाका नेतृत्वसँग निरन्तर छलफलमा छन् । यसै साता सभामुख चयन प्रक्रिया सुरु गर्ने गरी राप्रपालाई गठबन्धनमा भित्राउने तयारी भइरहेको कांग्रेस संसदीय दलका नेता उद्धव थापाले बताए । तर, राप्रपाले भने सभामुख पद लिन सर्त अघि सारेको छ । राप्रपाका सांसदलाई सर्वसम्मत सभामुख बनाउनका लागि गठबन्धन र एमाले दुवैसँग छलफल भइरहेको राप्रपा कोशीका संसदीय दलका नेता भक्ति सिटौलाले बताए ।