प्रजातन्त्र डेली

काठमाडौं : ठेक्का जिम्मेवारी लिएर अलपत्र बनाउने १७ वटा कम्पनी कालोसूचीमा परेको छ । प्रधानमन्त्री तथा मन्त्रीपरिषद्को कार्यालय अन्तर्गत सार्वजनिक खरिद अनुगमन कार्यालयले एक वर्ष देखि तीन वर्ष अवधिसम्मका लागि कालोसूचीमा राखेर सूचना सार्वजनिक गरेको छ ।

कञ्चनपुर: कञ्चनपुरको महेन्द्रनगर स्मारकमा पुनः स्वर्गीय राजा महेन्द्रको सालिक राखिने भएको छ। राप्रपा कञ्चनपुरको आयोजनामा स्व राजा महेन्द्रको शालिक पुनः निमार्ण गरिन लागेको राप्रपा कञ्चनपुरले जनाएको हो। राप्रपा कञ्चनपुरले आगामी मंसिर २८ गते कञ्चनपुरमा गर्न लागेको विशाल आमसभा संगै राप्रपा अध्यक्ष राजेन्द्र लिङदेनको उपस्थितिमा शालिक राखिने कार्यक्रम रहेको राप्रपा कञ्चनपुरका अध्यक्ष गजेन्द्र चन्दले जानकारी दिए। महेन्द्रनगर बजारमा २०६२ साल अघिसम्म स्व राजा महेन्द्रको शालिक थियो। दोस्रो जनआन्दोलन २०६/०६३ का बेला आन्दोलनरत राजनीतिक दलहरुले फुटाएका थिए। राजा महेन्द्रले नै बस्ती बसालेर निर्माण गरेको महेन्द्रनगरमा उनकै शालिक राखिनुपर्ने महेन्द्रगनरका अधिकांश स्थानीयको माग पनि छ।

काठमाडौँ: आज ३६औँ विश्व एड्स दिवस । ‘समुदायको नेतृत्वमा एड्सको अन्त्य’, भन्ने नारासहित देशभर चेतनामूलक कार्यक्रम गरी मनाइँदैछ । हरेक वर्ष डिसेम्बर १ का दिन यो दिवस मनाइने गरेको छ । स्वास्थ्य तथा जनसङ्ख्या मन्त्रालयअन्तर्गतको राष्ट्रिय एड्स तथा यौन रोग नियन्त्रण केन्द्र्ले यससम्बन्धी चेतना र सन्देशमूलक कार्यक्रम आयोजना गरी यो दिवस मनाइँदैछ । सन् १९८१ मा पहिलो एचआइभी सङ्क्रमित फेला परेदेखि सन् २०२२ को अन्त्यसम्ममा आठ करोड ५६ लाख जनामा सङ्क्रमण भएको छ । सङ्क्रमणका कारण चार करोड चार लाखजनाको मृत्यु भइसकेको छ । विश्वमा हरेक दिन तीन हजार ६ सय मानिस एचआइभी सङ्क्रमित हुने गरेका छन् । केन्द्रका अनुसार…

काठमाडौं : दुई सातादेखि चीनका बालबालिकामा फैलिएको श्वासप्रश्वाससम्बन्धी रोगको जोखिममा नेपाल पनि रहेको विज्ञहरूले औंल्याएका छन्। चीनको बेइजिङसहित आसपासका क्षेत्रमा फैलिएको उक्त रोगका बिरामीका कारण अस्पतालहरू भरिएको अन्तर्राष्ट्रिय सञ्चार माध्यमहरूले जनाएका छन्। रोग र त्यसको कारण भने पहिचान भएको छैन। बालबालिकामा ज्वरो आउने, रुघाखोकी लाग्ने र श्वासप्रश्वासमा बाधा उत्पन्न हुनेजस्ता लक्षण देखिएका छन् । बिरामीको जाँच गर्दा मायोप्लाज्मा कीटाणु, कोभिड १९ भाइरस, प्याथोगन्स, इन्फ्लुएन्जा र सिन्किस्थिर भाइरस देखिएको जनाइएको छ। चीनमा फैलिएको उक्त रोगप्रति विश्व स्वास्थ्य संगठनले पनि चासो देखाएको छ। संगठनले चीनसँग रोगसम्बन्धी रिपोर्ट मागेको छ। संगठनले यो समस्याबाट पाका उमेरका मानिसभन्दा बालबालिका बढी प्रभावित भएको जानकारीमा आएको भन्दै सचेत…

काठमाडौँ : इन्धनको मूल्य घटेको छ । नेपाल आयल निगमले इन्धनको मूल्य घटाएको हो । पेट्रोलमा प्रति लिटर २ रुपैयाँ तथा डिजेल र मट्टीतेलमा प्रति लिटर ४ रुपैयाँ घटेको छ।

नयाँदिल्ली: पश्चिमी भारतको गुजरात राज्यमा नक्कली (पेय) सिरप सेवन गर्दा विगत दुई दिनमा कम्तीमा पाँच जनाको मृत्यु भएको छ भने अन्य दुई जना अस्पताल भर्ना भएका छन् । प्रहरीले बिहीबार जनाएअनुसार सो घटना गुजरातको राजधानी गान्धीनगरबाट ६७ किलोमिटर दक्षिणपूर्वमा रहेको खेडा जिल्लामा भएको हो। प्रहरीका अनुसार उक्त सिरपमा मिथाइल अल्कोहल रहेको पाइएको थियो । ‘पछिल्ला दुई दिनमा सिरप खाँदा पाँच जनाको ज्यान गएको छ भने दुई जनाको अस्पतालमा उपचार भइरहेको छ,’ वरिष्ठ प्रहरी अधिकृत राजेश गढियाले सञ्चारमाध्यमलाई बताएका छन् । एक गाउँलेको रगत नमुना रिपोर्टले सिरपमा मिथाइल अल्कोहल रहेको पुष्टि गरेको उनको दाबी छ । प्रहरीले अनुसन्धानका क्रममा पसलेसहित तीन…

काठमाडौं :  सरकारले विशेष अदालतको अध्यक्षमा उच्च अदालत दिपायलका न्यायाधीश टेकनारायण कुँवरलाई तोक्ने निर्णय गरेको छ । ​बुधवार बसेको मन्त्रिपरिषद् बैठकले न्यायपरिषद्‌को सिफारिशमा कुँवरलाई विशेष अदालतको अध्यक्ष तोक्ने निर्णय गरेको हो ।यसअघिका अध्यक्ष रहेका श्रीकान्त पौडेल उच्च अदालत जनकपुरको मुख्य न्यायाधीश बनेका छन् । विशेष अदालतको सदस्यमा तेजनारायण सिंह राई, रामबहादुर थापा र मुरारीबाबु श्रेष्ठ तोकिएका छन् । ​

काठमाडौं : मिस नेपाल–२०१८ शृंखला खतिवडा र कान्तिपुर पब्लिकेसनका प्रबन्ध निर्देशक सम्भव सिरोहिया विवाह गर्दैछन् । उनीहरूले मंसिर २८ गते विवाह गर्न लागेका हुन् । उनीहरुको विवाह होटेल हायातमा आयोजना हुने शृङ्खलाको बुबा विरोध खतिवडाले जानकारी दिए । पेशाले इन्जिनियर रहेकी शृङ्खलाले इन्स्टाग्राममार्फत आफू सम्भवसँग प्रेममा रहेको सार्वजनिक गरेकी थिइन् ।

कैलाली: कैलालीको धनगढी उपमहानगरपालिका–१ मा रहेको त्रिनगर माध्यमिक विद्यालयमा अध्ययनरत विद्यार्थीहरु शिक्षकको माग गर्दै आन्दोलित भएका छन् । उनीहरु हिजो (बुधबार)देखि उपमहानगर घेराउ गर्दै आन्दोलित बनेका हुन् । आज पनि विद्यार्थीहरुले विद्यालयको गेटमा तालाबन्दी गरेर धनगढी उपमहानगरपालिका परिसर अगाडी नाराबाजी गरिरहेका छन् । दुई हजार तीन सय ८० विद्यार्थी अध्ययनरत सो विद्यालयमा शिक्षक नेत्र खडायतको पनि सरुवा भएपछि विद्यार्थी आन्दोलित बनेका थिए । गणित विज्ञान विषयका शिक्षक खडायतको सरुवा भएपछि विद्यार्थीहरूले विषयगत शिक्षक माग गरेका छन् । उक्त विद्यालयमा ९ जना शिक्षक कार्यरत रहेकामा एक जनाको सरुवा भएपछि अब ८ जना मात्र शिक्षक कार्यरत छन् ।

काठमाडौं: नेपाल एयरलाइन्सले विमानस्थल पुगेका यात्रुलाई अलपत्र पारेर प्रधानमन्त्री पुष्पकमल दाहालसहितको टोलीलाई लिएर उडेको छ। जलवायु परिवर्तन सम्बन्धी सम्मेलन कोप–२८ मा सहभागी हुन प्रधानमन्त्रीको टोली दुबई गएको हो। तर, प्रधानमन्त्री चढेको जहाजले बुधबार बेलुका टिकट लिएका ३१ यात्रुलाई विमानस्थलमै अलपत्र पारेर उडेको छ। बुधबार राति ११ः३० मा काठमाडौं–दुबई उडान भर्ने भनिएको नेपाल एयरलाइन्सको जहाजलाई समयभन्दा दुई घण्टा अघि सारेर प्रधानमन्त्रीलाई लिएर उडाउँदा यात्रु छुटेका हुन्। उडान तालिका अघि सरेको जानकारी नेपाल एयरलाइन्सले नगराएको यात्रुहरुले बताएका छन्। सोही जानकारी नपाउँदा ८ः३० बजेसम्म ३१ जना यात्रुहरु बोर्डिङ पास कक्षमा पुगेका थिए। यात्रुमध्ये प्रज्वल विक्रम राणा पनि कोप–२८ मा भाग लिन दुबई जाँदै…