प्रजातन्त्र डेली

काठमाडौं: राष्ट्रिय प्रजातन्त्र पार्टी(राप्रपा) को निर्देशन समिति अध्यक्ष डा प्रकाश चन्द्र लोहनीले नेपाली काँग्रेसका महामन्त्री गगन कुमार थापाको अभिव्यक्तिप्रति रुष्ट भएको जनाएका छन्। केही दिनअघि थापाले राजसंस्थामाथि लगाएको अरोपको खण्डन गर्दै डा. लोहनीले थापाप्रति दया लागेको बताए। ‘माननीय गगन थापालाई मैले एउटा उदाउदो युवा नेताको रुपमा सम्झेको थिए। तर उनको राजा ज्ञानेन्द्रप्रतिको निक्रिस्ट आरोप सुन्दा थापाजी प्रति दया पनि लागेको छ र दुरःख पनि लागेको छ’ उनले सामाजिक सञ्जालमा लेखेका छन्, ‘प्रजातन्त्रको नाममा देशमा लुट डाका प्रवृत्तिलाई संस्थाकरण गर्ने वर्तमान सरकारका लुरे समर्थक थापा जीलाई मेरो अनुरोध छ, यदि तपाईंमा प्रजातन्त्रप्रति अलिकति पनि विश्वास छ भने नेपालमा संवैधानिक राजसंस्था र…

कञ्चनपुर : राष्ट्रिय खेलकुद परिषदबाट कहिल्यै क्रिकेट प्रशिक्षक नपाएको कञ्चनपुर राष्ट्रियस्तरमा भने यहाँका क्रिकेट खेलाडीले बनाएको छविले परिचित छ। यहाँ क्रिकेटको खेल इतिहासमै पुराना र सिनियर राष्ट्रिय खेलाडीले स्वयंसेवक प्रशिक्षकका रूपमा काम गर्दै आएका भरमा प्रतिभावान् खेलाडी उत्पादन निरन्तर हुँदै आएको छ। पछिल्लो समय कञ्चनपुर घर भएका राष्ट्रियस्तरका खेलाडीले गरिरहेको उत्कृष्ट प्रदर्शनले गृहजिल्लामा क्रिकेटप्रतिको माहोल थप उत्साही छ। जिल्ला खेलकुद समितिअन्तर्गत १७ विभिन्न खेलका प्रशिक्षक हाल कार्यरत रहे पनि क्रिकेटले भने यहाँ प्रशिक्षक देख्नसमेत पाएको छैन।कञ्चनपुर क्रिकेट संघका अध्यक्ष वीरेद्रबहादुर चन्दले पछिल्लो समय जिल्लाभर क्रिकेट खेलको गतिविधिले तीव्रता पाउँदै गएको बताए । कीर्तिमानी खेलाडी दीपेन्द्रसिंह ऐरी, सन्दीप जोरा, भीम सार्की…

पोखरा: प्रदेश लोक सेवा आयोग गण्डकीले ६ सय भन्दा बढी पदका लागि दरखास्त आह्वान गरेको छ। गण्डकी प्रदेश सरकारको प्रदेश निजामती सेवा र स्थानीय सेवाका सहायक चौथो तहका विभिन्न प्राविधिक तथा अप्राविधिक पदका लागि आन्तरिक, खुला तथा समावेशी प्रतियोगिताका लागि दरखास्त आह्वान गरिएको छ। कार्यालयका अनुसार विभिन्न पदका लागि ६२३ जनाको दरखास्त आह्वान गरिएको हो । दरखास्त यही पुस ३ गतेसम्म दिन सकिने पनि सूचनामा जनाइएको छ।

नयाँ दिल्ली : विगत १७ दिनदेखि उत्तराखण्डको उत्तरकाशीस्थित सिल्क्यराको निर्माणाधीन सुरुङमा फसेका ४१ जना कामदारको सकुशल उद्धार गरिएको छ। उत्तराखण्ड सरकारले यसको पुष्टि गर्दै उद्धार कार्यको १७औँ दिनमा सबै कामदारलाई सकुशल बाहिर निकालिएको बीबीसीले जनाएको छ। बाहिर निकालिएका मजदुरलाई मुख्यमन्त्री पुष्कर सिंह धामीले स्वागत गरेका छन्। उनीहरूलाई एम्बुलेन्सबाट सिधै चिनयालीसौरको स्वास्थ्य केन्द्रमा लान लागिएको छ। त्यहाँ सरकारी चिकित्सकको निगरानीमा उपचार हुने बताइएको छ। उनीहरुलाई निकाल्न करिब ५८ मिटरको सुरुङ खनिएको थियो। रिपोर्टका अनुसार सुरुङमा फसेका सबै मजदुरको स्वास्थ्य अवस्था ठिक रहेको छ। पछिल्लो १६ दिनमा सुरुङमा फसेका मजदुरलाई टेलिफोन सेवा उपलब्ध गराइएको र उनीहरुले परिवारका सदस्यहरुसँग लगातार कुराकानी गरिरहेको उत्तराखण्ड…

काठमाडौं: रुसी सेनामा कार्यरत तीन जना नेपालीको मृत्यु भएको छ। युक्रेनसँगको युद्धका क्रममा उनीहरूको ज्यान गएको मस्कोस्थित नेपाली राजदूतावासले जानकारी दिएको छ।दूतावासका अनुसार मृत्यु हुनेमा स्याङ्जा पुतलीबजार ५ ठूलास्वाराका प्रितम कार्र्की, दोलखा मेलुङ ६ सुनारपानीका राजकुमार रोक्का र इलाम ५ इलामका गंगाराज मोक्तान छन्।नेपालीको मृत्युबारे रुसी सरकारले मस्कोस्थित नेपाली राजदूतावासलाई मृत्यु सर्टिफिकेटसहित टेलिग्राममार्फत जानकारी गराएको थियो। त्यसपछि नेपाली दूतावासले परराष्ट्र मन्त्रालयलाई पत्र पठाएको हो।रुसी सेनामा रहेका नेपालीहरूको गत १५ नोभेम्बर गते मृत्यु भएको हो।

काठमाडौँ : त्रिभुवन विश्वविद्यालय इञ्जिनियरिङ अध्ययन संस्थानको स्नातक (बिइ, बिआर्क) तहको प्रवेश परीक्षामा गत वर्षको तुलनामा आवेदन दिने विद्यार्थी धेरै भए पनि अनुपस्थित हुने विद्यार्थीको सङ्ख्या केही बढेका छन् । अध्ययन संस्थानभित्र विद्यार्थी सङ्गठनले शुल्क नबढाउन आन्दोलन गरेपछि परीक्षा बोर्डका पदाधिकारीको सामूहिक राजीनामा समेतका कारण मिति पछि सर्दा शैक्षिक वर्ष २०८०–८१ का लागि प्रवेश परीक्षामा करिब २० प्रतिशत विद्यार्थी सहभागी नभएको पाइएको छ । बोर्डले सुरुमा गत भदौ २५ गते परीक्षा लिने कार्यसूची बनाएका कारण आन्दोलन र विवादका कारण कात्तिक १४ गते मात्रै परीक्षा भएको थियो । ढिलो परीक्षा हुँदा चिकित्सा शिक्षा एमबिबिएस प्रवेश परीक्षासँग समय जुधेको र कतिपय विद्यार्थीले…

धनगढी : कैलालीको धनगढी उपमहानगरपालिकाअन्तर्गत सञ्चालनमा रहेका निजी अस्पतालहरूले यहाँका लक्षित वर्ग, गरिब (विपन्न), असहाय, बेवारिसे बिरामीको निःशुल्क उपचार गर्ने भएका छन्। मंगलबार निःशुल्क उपचार गर्नेबारेमा उपमहानगरपालिका र एसोसियसन अफ पब्लिक हेल्थ इन्सिच्युसन नेपाल तथा सुदूरपश्चिमबीच समझदारी भएको छ। उपमहानगरपालिकाको तर्फबाट नगर प्रमुख गोपाल हमाल र प्रमुख प्रशासकीय अधिकृत रामलाल श्रेष्ठ तथा निजी अस्पतालहरूको तर्फबाट एसोसियसन अफ पब्लिक हेल्थ इन्सिच्युसन नेपाल सुदूरपश्चिमका अध्यक्ष तीर्थराज पन्त, केन्द्रीय सदस्य जनकराज जोशी र अफिन सुदूरपश्चिमका उपाध्यक्ष रमेश पाण्डेले समझदारीपत्र (एमओयू) मा हस्ताक्षर गरेका छन्। सम्झौता अनुसार निजी अस्पतालहरूले अस्पतालको कूल शय्याको दश प्रतिशत शय्यामा ‘निःशुल्क शय्या’ भनेर उल्लेख गर्नुपर्नेछ। अस्पतालले निःशुल्क उपचारको सिफारिससहित…

चितवन : कृषि तथा वन विज्ञान विश्वविद्यालय (एएफयु) मा कृषि विषय अध्ययन गर्ने विद्यार्थी घट्दै गएका छन् । पछिल्ला वर्षहरूमा कतिपय आङ्गिक क्याम्पस र सम्बन्धन प्राप्त निजी क्याम्पसमा विद्यार्थी शून्य भएका हुन् । विश्वविद्यालयको कृषि सङ्कायमा विगतमा ४ हजार ५ सयसम्म विद्यार्थीले कृषि स्नातकका लागि आवेदन दिने गरेका थिए । पछिल्ला वर्षहरूमा क्रमशः घट्दै गएर यस वर्ष एक हजार तीन सय ६५ जनाले मात्रै आवेदन दिएका छन् । तीमध्ये एक हजार ५५ जना प्रवेश परीक्षामा उत्तीर्ण भएका छन् । कृषि सङ्कायका डिन प्रा. डा. अर्जुनकुमार श्रेष्ठका अनुसार विद्यार्थीको सङ्ख्या घट्दो छ । गत वर्ष एक हजार पाँच सय २३ जनाले…

बेलबारी: मोरङको बेलबारी-११ लक्ष्मीमार्गमा रहेको लक्ष्मी माध्यमिक विद्यालयका स्थायी शिक्षक वैदेशिक रोजगारीमा गएपछि विद्यालय व्यवस्थापन समितिका अध्यक्ष आफैँ विद्यार्थीलाई अध्यापन गराउन थालेका छन् । विद्यालयका माध्यमिक तह विज्ञान दरबन्दीका शिक्षक भूपराज अधिकारीले स्वैच्छिक अवकाश लिएर क्यानडा प्रस्थान गरेपछि विद्यार्थीको पठनपाठनमा बाधा नपुगोस् भनेर अर्को शिक्षकको व्यवस्था नभएसम्म आफैँ अध्यापन गर्न थालेको अध्यक्ष गोविन्द भण्डारी बताउँछन् । अध्यक्ष भण्डारी सोही विद्यालयका पूर्व विज्ञान शिक्षकका साथै प्रधानाध्यापकसमेत थिए । शिक्षक भूपराज अधिकारीसँगै उनकी श्रीमती भारती अधिकारी पनि बेलबारी-३ मा रहेको भगवती माविमा निम्न माध्यमिक तह विज्ञान दरबन्दीको शिक्षक थिइन् । उनले पनि शिक्षण पेसाबाट राजीनामा दिएर श्रीमानसँगै वैदेशिक रोजगारीमा गएकी छिन् ।…

एजेन्सी : हमासले बन्धक बनाएका थप ११ जनाको रिहाइ गरेको छ। इजरायली सेनाका अनुसार हमासको अक्टोबर ७ मा भएको आक्रमणपछि बन्धक बनाएका ११ जनालाई रिहा गरेको छ। ‘रेडक्रसबाट प्राप्त जानकारीको आधारमा ११ जना बन्धकहरू हाल इजरायली क्षेत्रतर्फ जाँदैछन्,’ सेनाले एक विज्ञप्तिमा भन्यो। उता, कतारी विदेश मन्त्रालयका प्रवक्ता माजिद अल अन्सारीले ट्वीटरमा भनेका छन् कि इजरायली जेलबाट ३३ प्यालेस्टाइनीहरूलाई रिहा गरिने छ। इजरायल र हमासले शुक्रबार देखि गाजामा चार दिनका लागि लडाइँ रोक्न सहमत भएपछि यस अवधिमा इजरायलले राखेका १५० प्यालेस्टिनी बन्दीहरूको बदलामा कुल ५० जना बन्धकहरूलाई रिहा गरिएको छ। यसैबीच गाजामा शुक्रबारदेखि सुरु भएको चार दिने युद्धविराम दुई दिन थपिएको…