प्रजातन्त्र डेली

काठमाडौं : मेडिकल व्यवसायी दुर्गा प्रसाईंले नेतृत्व गरेको प्रदर्शन काठमाडौंको सिफलमा हुने भएको छ । जिल्ला प्रशासन कार्यालयले त्रिभुवन विमानस्थल नजिकै भएकाले तीनकुने क्षेत्रमा आन्दोलन गर्न नदिने भएपछि प्रसाईं समूहले प्रदर्शनका लागि ठाउँमा मागेको थियो । प्रशासनले शान्तिपूर्ण तरिकाले प्रदर्शन गर्ने शर्तमा गौशालाछेउको सिफल चौरका लागि अनुमति दिएको प्रसाईंले बताएका छन् । उनले बिहान ११ बजे सिफल चौरमा उपस्थित हुन आफ्ना समर्थकलाई आव्हान गरेका छन् । यसअघि शुक्रबार तीनकुनेमा गर्न भनिएको प्रदर्शन भने अनुमति नलिएको भन्दै प्रशासनले रोक लगाएको थियो । प्रदर्शनका लागि पुगेकाहरूलाई प्रहरीले पक्राउ गरेको थियो। पक्राउ परेकामध्ये पाँच जनाबाहेक सबैलाई प्रहरीले हिजै छाडेको छ ।

काठमाडौं : विद्रोही समूह हमासले इजरायलसँगको युद्धविरामको पहिलो दिन २४ जना बन्धकहरूलाई रिहा गरेको छ । अन्तर्राष्ट्रिय रेडक्रसले इजरायली महिला र बालबालिका र थाइल्यान्डका कामदारहरू रिहा भएको जनाएको छ । युद्धविरामको पहिलो दिन २४ जना बन्धक रिहा गरिएको रेडक्रसले पुष्टि गरेको छ । मुक्त गरिएका १३ जना इजरायली, १० जना थाई र एक जना फिलिपिनी नागरिक हुन् । इजरायल र हमासले अस्थायी युद्धविरामको अवधिमा चार दिनभित्र ५० बन्धक र १ सय ५० प्यालेस्टिनी कैदी बन्दीहरूलाई रिहा गर्ने सम्झौता गरेको थियो । शुक्रबारै इजरायली जेलमा राखिएका ३९ प्यालेस्टिनी बन्दीहरू पनि रिहा भएका छन् । गत अक्टोबर ७ मा इजरायलमा गरेको हमलाका…

गुुलरिया : बर्दियाको गुलरियामा आगलागी हुँदा चार जनाको मृत्यु भएको छ। नगरपालिका–४ स्थित तुलापुरस्थित एक घरमा आगलागी हुँदा चार जनाको मृत्यु भएको प्रहरीले जनाएको छ। जिल्ला प्रहरी कार्यालयका डीएसपी तुलसीराम अर्यालका अनुसार ३५ वर्षीय राधा बुढा, १० वर्षीया मानुषी बुढा, आठ वर्षीय कृष चन्द र दुई वर्षीय कार्तिक चन्दको मृत्यु भएको हो। यस्तै २८ वर्षीया करिश्मा चन्द घाइते भएकी छन्। आगलागीको कारणबारे खुल्न बाँकी रहेको अर्यालले बताए।

कञ्चनपुरः इजरायल र आतङ्कवादी समूह हमासबिच भएको युद्धविरामको घोषणापछि हमासको नियन्त्रणमा रहेका भनिएका विपीन जोशीको परिवार उनको सकुशल घरफिर्तीको प्रतीक्षा गरिरहेका छन्। इजरायल र हमासबिच चार दिन युद्धविराम गरी एकअर्काले बन्धक बनाएकालाई रिहा गर्न सहमति भएको समाचारले विपीन पनि चाँडै सकुशल घर फर्कनेमा जोशी परिवार आशावादी छ। ‘छोरो सकुशल फर्केको हेर्न तड्पिरहेका छौँ।’ विपीनका बुबा महानन्दले भने,’नेपाल सरकारले पहिलो चरणमै विपीनको रिहाइका लागि पहल गरिदेओस्।’ जोशी परिवारले पटक–पटक परराष्ट्रमन्त्रीलाई विपीनको रिहाइको लागि पहल गरिदिन आग्रह गर्दै आएका छन्। ‘भगवान्सँग प्रार्थना गर्छु मेरो छोरो सकुशल मेरो काखमा आइपुगोस्।’ आमा पद्माले भनिन्– ‘विपीन घर फर्किने बाटो कुरेर बसेका छौँ।’ शुक्रवार परराष्ट्रमन्त्री एनपी…

काठमाडौँ : पूर्वराजा ज्ञानेन्द्र शाहले आज झापाको बिर्तामोड पञ्चकन्यास्थित इकम कलेजको उद्घाटन तथा पृथ्वी नारायण शाहको सालिक अनावरण गर्ने भएका छन् । कार्यक्रममा सहभागी हुन पूर्वराजा शाह शुक्रबार नै झापा पुगिसकेका छन् । आज राजावादीहरूले शक्ति प्रदर्शन समेत गर्न लागेका छन् । त्यसका लागि राप्रपालगायतका राजावादी शक्तिहरू जुटेका छन् । आयोजकले कार्यक्रममा हजारौँ समर्थकको सहभागिता रहने दाबी गरेको छ । आज ८ हजार मोटरसाइकल र्‍याली र कम्तीमा ३० हजार समर्थकलाई उतार्ने राजावादीको दाबी छ ।

काठमाडौं: विभिन्न पार्टी परित्याग गरि नेताहरु राष्ट्रिय प्रजातन्त्र पार्टी(राप्रपा) मा प्रवेश गरेका छन्। नेकपा एमालेका विभिन्न जिम्मेवारीमा बसिसकेका सहकारीकर्मी हल्दिबारीका नेता हर्कबहादुर तामाङ, नेकपा एमालेकै रुपनारायण नेपाल, नेपाली कांग्रेस सम्बद्ध दलित संघका क्षेत्रीय अध्यक्ष मदन ठटाल, तरुण दल हल्दिबारीका पूर्वसचिव धनन्जय उप्रेती लगायतका नेताहरु आज राप्रपामा प्रवेश गरेका हुन्। उनीहरु सबैलाई राप्रपा अध्यक्ष राजेन्द्र लिङदेनले पार्टीमा प्रवेश गराएका छन्।

काठमाडौं: राष्ट्रिय प्रजातन्त्र पार्टी(राप्रपा) निटकको राष्ट्रिय युवा मोर्चाका केन्द्रिय अध्यक्ष कैलाश कटवालसहित दर्जनौंलाई प्रहरीले पक्राउ गरेको छ। आफूलाई खाना खाँदै गरेको अवस्थामा पक्राउ गरिएको उनले सामाजिक सञ्जालमार्फत बताएका छन्। यस्तै राप्रपा कागेश्वरी मनहरा नगरपालिकाका अध्यक्ष मणी सिंखडा, ८३ वर्षीय खड्गप्रसाद शिवकोटी लगायतलाई धरपकड गरिएको राप्रपा सहायक महामन्त्री दीपक राईले जनाएको छन्। उनले गिरफ्तार गरेकालाई तुरून्त रिहाईको माग समेत गरेका छन्। प्रहरीले शुक्रबार दुर्गा प्रसाईँका समर्थकहरुलाई तीनकुनेमा प्रदर्शन गर्न खोज्दा पक्राउ गरिरहँदा राप्रपाका नेता कार्यकर्तालाई पनि समातिरहेको बताइएको छ। यसैबीच राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले शान्तिपूर्ण ढंगले प्रदर्शन गर्नेमाथि सरकारले धरपकड गरेको बताएका छन्। शुक्रबार सामाजिक सञ्जालमा लेख्दै उनले…

काठमाडौँ : बलिउड अभिनेता रणवीर कपुरले नेपाली गायिका मेनुका पौडेलको प्रशंसा गरेका छन् । इन्डियन आइडलको मञ्चमा फिल्म ‘एनिमल’ प्रचारका लागि पुगेका कपुरले उनको गायकीबाट प्रभावित हुँदै प्रशंसा गरेका हुन् । रणवीरले मेनुकालाई ‘संगीतकी देवी’ भन्दै उनीसँग आशीर्वाद लिन चाहेको बताएका छन् । रणवीरले मेनुकाको पाउ छोएर सम्मान गर्दै आशीर्वाद लिएको इन्डियन आइडलको भिडियोमा देखिएको छ ।  कार्यक्रममा रणवीरसँग अभिनेत्री रश्मिका मन्दाना पनि सहभागी थिइन् । कार्यक्रममा रणवीरसँगै स्टेजमै चढेर रश्मिकाले पनि सम्मान दर्साएकी थिइन् । उक्त अवसरमा रणवीरले मेनुकाको लागि भोट पनि मागेका थिए ।

काठमाडौं : दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाऊँ महाअभियान’को समर्थनमा निस्किएकाहरुलाई प्रहरीले धमाधम पक्राउ गरेको छ । प्रसाईंले प्रदर्शन स्थल घोषणा गरेको काठमाडौँको तीनकुनेबाट अहिलेसम्म २६ जनालाई पक्राउ गरिएको जनाइएको छ । प्रहरीले शाही युवा शक्तिका अध्यक्षलगायत अन्य विभिन्न प्रसाईं समर्थित संगठनका पदाधिकारीलगायत प्रदर्शनका लागि तीनकुने पुगेकालाई पक्राउ गरेको छ भने सो बाटो प्रयोग गरि हिँड्ने यात्रुहरुलाई समेत सोधपुछ गरिरहेको छ । साथै प्रहरीले हतियार लुकाएको आशंकामा कतिपय पसलहरुमा समेत खानतलासी लिएको छ । यता प्रसाईलाई भने घरमै नजरबन्दमा राखिएको छ । प्रसाईंले दोस्रो दिन आजदेखि तीनकुनेबाट प्रदर्शनको घोषणा गरेपछि पदर्शन रोक्न तीनकुने क्षेत्रमा व्यापक प्रहरी…

काठमाडौं : परराष्ट्रमन्त्री एनपी साउदले कतारका विदेश राज्यमन्त्री सुल्तान बिन साद अल–मुखैरीसँग हमासको नियन्त्रणमा रहेका नेपाली विपिन जोशीको रिहाईका लागि पहल गरिदिन आग्रह गरेका छन् । शुक्रबार परराष्ट्र मन्त्रालयमा भएको भेटमा उनले कञ्चनपुरका जोशीलाई हमासको नियन्त्रणबाट रिहाईका लागि पहल गरिदिन आग्रह गरेका हुन् । विद्रोही हमासले रिहा गर्न लागिएको भनिएका ५० जनाको समूहसँगै जोशीको रिहाई गराइदिन विशेष अनुरोध गरिएको मन्त्री साउदका प्रमुख स्वकीय सचिव दिपकराज जोशीले जानकारी दिए । जवाफमा कतारका विदेश राज्यमन्त्रीले जोशीको रिहाईका लागि यथाशीघ्र सहयोग गर्ने आश्वासन दिए । भेटका क्रममा परराष्ट्रमन्त्री साउदले गाजामा युद्ध विराम र हमासले बन्धक बनाएका नागरिकको रिहाईका लागि कतार सरकारले निर्वाह गरेको…