प्रजातन्त्र डेली

काठमाडौं : जनकपुरधाममा ट्रेनको लिकमा किचिएर एक जनाको मृत्यु भएको छ। जनकपुरधामबाट जयनगरका लागि छुटेको ट्रेनको लिकमा किचिएर भारतको विहार मधुवनी जिल्लामा पर्ने खेरामाठका विन्देश्वर दासको मृत्यु भएको प्रहरीले जनाएको छ। धनुषाको बैदेही स्टेशनदेखि करिब ५ सय मिटर पूर्वमा रेल्वे लिकमा किचिएर उनको आज विहान मृत्यु भएको हो।

काभ्रे : काभ्रेको चौंरीदेउरालीमा मोटरसाइकल दुर्घटना हुँदा एक जनाको मृत्यु भएको छ । चौंरीदेउराली गाउँपालिका वडा नम्बर–६, स्थित बोक्सेमा मोटरसाइकल दुर्घटना हुँदा एक जनाको मृत्यु भएको छ भने अर्का एक जना घाइते भएका हुन् । मृत्यु हुनेमा चौंरीदेउराली- ६ बोक्सेकी ४५ वर्षीया गोमा चौलागाईं रहेकी छिन् । मोटरसाइकल चालक ४८ वर्षीय दिल्लीप्रसाद चौलागाईंको घाइते भएका छन् । मृतक गोमा मोटरसाइकल चालक दिल्लीको श्रीमती हुन् । जिल्ला प्रहरी कार्यालय काभ्रेका अनुसार सोमबार साँझ ४ बजेको समयमा चौंरीदेउराली गाउँपालिका वडा नम्बर–६ स्थित लोक मार्गअन्तर्गतको सडक खण्डमा बोक्सेबाट रामेछापतर्फ जाँदै गरेको बा ३४ प ८४५२ नम्बरको मोटरसाइकल आफैं अनियन्त्रित भई दुर्घटना भएको थियो…

काठमाडौं : नेपाल दूरसञ्चार प्राधिकरणले सरकारको निर्णयअनुसार टिकटक बन्द गर्न इन्टरनेट सेवा प्रदायकहरूलाई पत्राचार गरेकोले आज साँझसम्म सबैतिर टिकटक बन्द हुनसक्ने छ । सोमबार बसेको मन्त्रिपरिषद् बैठकले सामाजिक द्वेष फैलाएको भन्दै टिकटक बन्द गर्ने निर्णय गरेको थियो । लगतै दूरसञ्चार प्राधिकरणले सरकारको निर्णय कार्यान्वयनका लागि सेवा प्रदायकलाई पत्राचार गरेको थियो । दूरसञ्चार प्राधिकरणका अध्यक्ष पुरुषोत्तम खनालले भने, ‘हामीले टिकटकलाई पनि इमेल लेखेका छौँ । आजसम्म सबै ब्लक हुन्छ होला ।’

काठमाडौं : नेपाली कांग्रेसका नेता एवम् प्रतिनिधि सभाका सांसद डा. सुनिलकुमार शर्माले नेपालमा टिकटक बन्द गरेर सरकारले नागरिकको वाक स्वतन्त्रतामाथि अंकुश लगाएको बताएका छन् । उनले सामाजिक सञ्जालको प्रयोगमा नियमन गर्नुको साटो सरकारले प्रतिबन्ध लगाउनु लोकतन्त्रमा नागरिकको “अभिव्यक्ति तथा वैयतिक स्वतन्त्रता” माथि अंकुश लगाएको प्रतिक्रिया दिएका छन् । सोमबार मन्त्रिपरिषद् बैठकले टिकटकमाथि प्रतिबन्ध लगाउने निर्णय गरेसँगै उनले सरकारको निर्णयको विरोध गरेका हुन् । सांसद शर्माले भने, “प्रचण्ड सरकारको यो चरम तानाशाही र अधिनायकवादीशैली हो, नेपाललाई उत्तर कोरिया सम्झने सरकारको गलत मनोवृत्ति हो । यसको म घोर आतत्ति र भ्रत्सना गर्दछु ।” उनले सूचना तथा सञ्चारको प्रयोग र मिडियामाथि अंकुश लगाउने…

काठमाडौं: राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रले सबै राजसंस्थावादीहरुलाई सहकार्य गरेर अगाडी बढ्न आह्वान गरेका छन्। उनले एकअर्काको आलोचना गरेर होइन, सँगै मिलेर गए मात्रै राजसंस्था स्थापित हुनेमा जोड दिएका छन्। दोस्रो जनआन्दोलनको सिलसिलामा २०६२ सालमा १२ बुँदे सम्झौता गरेका तत्कालीन ७ दल र नेकपा माओवादी मिलेर अहिले आफूहरुसँग लड्न एकढिक्का हुँदा राजसंस्थावादी एकआपसमा लडिरहेको मिश्रले बताएका छन्। ‘सम्पूर्ण राजसंस्था पुर्नस्थापना गरौं भन्नेहरुलाई आग्रह के छ भने सके सहकार्य गरौं नसके एउटाले अर्कोलाई गाली नगरौं अनि मात्रै हाम्रो आदर्श स्थापित हुन्छ। अन्यथा भाई फुटे गवार लुटे भनेजस्तै १२ बुँदेहरु हावी हुन्छन्’ उनले भने। उनले १२ बुँदे सम्झौतामा हस्ताक्षर…

काठमाडौं: राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनले टिकटकमाथि प्रतिबन्धको निर्णय निरंकुशताको बाटो भएको टिप्पणी गरेका छन्। सरकारले प्रतिबन्धको निर्णय गरेपछि सामाजिक सञ्जाल फेसबूकमा लेख्दै उनले टिकटक माथिको प्रतिबन्ध अविलम्ब फिर्ता हुनुपर्ने माग गरे। उनले लेखेका छन्, ‘प्रजातन्त्र, मानवाधिकार र अभिव्यक्ति स्वतन्त्रताको ठूलठूला घ्वाँस दिनेहरूबाट टिकटक माथिको प्रतिबन्ध अनुचित र अनुपयुक्त छ । यो निर्णय निरंकुशताको बाटो हो । कुनै पनि प्रकारका सामाजिक सञ्जालबाट हुनसक्ने विकृतिको नियमन र नियन्त्रण आवश्यक छ तर त्यही नाममा प्रतिबन्ध स्वीकार गरिन्न । आज टिकटकमाथिको प्रतिबन्ध सुरुवात मात्र हो, भोलि एक्स (टुइटर), फेसबूक आदिमा प्रतिबन्ध हुनसक्छ । कुनै पनि नाममा अभिव्यक्ति स्वतन्त्रतामाथि लगाइने अंकुशको विरोध…

काठमाडौं : नेपाल सरकारले सामाजिक सञ्जल टिकटक बन्द गर्ने निर्णय गरेको छ । आज बसेको मन्त्रिपरिषद बैठकले टिकटक बन्द गर्ने निर्णय गरेको सरकारको प्रवक्ता एवम् सञ्चार तथा सूचना प्रविधि मन्त्री रेखा शर्माले जानकारी दिइन् । टिकटकबाट सामाजिक सद्‍भाव विगार्ने काम गरेकाले त्यसलाई बन्द गर्ने निर्णय गरिएको हो । मन्त्री शर्माका अनुसार टिकटक बन्द गर्ने निर्णय तत्काल कार्यान्वयनमा जानेछ, त्यसका लागि कुनै डेडलाइन तोकिएको छैन । ‘टिकटक बन्द गर्ने निर्णय कार्यान्वयनमा जान प्राविधिक रुपमा केही समय लाग्ला तर तत्काल बन्द गर्ने निर्णय भएको छ,’ मन्त्री शर्माले भनिन्, ‘त्यस सम्बन्धी आवश्यक व्यवस्था सञ्चार मन्त्रालयले मिलाउने छ ।’

भेरीगङ्गा : कात्तिक १७ गते जाजरकोट केन्द्रविन्दु भएर गएको भूकम्पका कारण ३० प्रतिशत विद्यार्थी प्रभावित भएको कर्णाली प्रदेश सरकारले जनाएको छ । प्रदेश सरकारको सामाजिक विकास मन्त्रालयका अनुसार प्रभावित विद्यालयमा अध्ययनरत कूल विद्यार्थीमध्ये ३० प्रतिशत भूकम्पबाट प्रभावित भएका हुन् । भूकम्पबाट क्षति भएका जाजरकोट र रुकुमपश्चिमका विभिन्न विद्यालयमा अध्ययनरत एक लाख ३३ हजार छ सय ८७ जनामध्ये ४० हजार एक सय १० विद्यार्थी भूकम्पबाट प्रभावित भएको सामाजिक विकास मन्त्रालय शिक्षा अधिकृत बलबीर सुनारले बताए । जाजरकोटमा ७५ हजार आठ सय ५३ विद्यार्थीमध्ये २२ हजार सात सय ५९ र रुकुमपश्चिममा ५७ हजार आठ सय ३४ विद्यार्थीमध्ये १७ हजार तीन सय ५१…

काठमाडौं: नेपाली कांग्रेसका सांसद विनोद चौधरीले एक कार्यक्रमा स्टेजमै गएर गीत गाएको भिडियो सार्वजनिक भएको छ। नवलपरासी पूर्वको निर्वाचन क्षेत्र नम्बर १ बाट विजयी भएर सिंहदरबार पुगेका अर्बपति सांसद चौधरीको रुची गायनमा समेत रहेको उक्त भिडियोले प्रष्टाएको छ। उनले ‘एकै नजरमा माया बस्या है’ बोलको गीत गाउदा कार्यक्रमा सहभागी विभिन्न सेलिब्रेटी रमाएका थिए। उक्त सार्वजनिक भएको भिडियोमा हास्य कलाकार मदनकृष्ण श्रेष्ठ, हरिवंश आचार्य र दिपकराज गीरी लगायत देखिएका छन्। उसो त उक्त मौलिक गीत नै विनोद चौधरीको स्वरमा सजिएको छ। पहिलोपल्ट गाइएको उक्त गीतमा चौधरीको स्वर, शम्भुजित बास्कोटाको संगीत र राजेन्द्र रिजालका शब्द रहेका थिए। उनले उक्त गीतको जिकिर आफ्नो…

हेटौँडा: हेटौँडा उपमहागनरपालिका–११ राप्ती पुलनजिक आइतबार राति मोटरसाइकल दुर्घटना हुँदा एक युवकको मृत्यु भएको छ। मृत्यु हुनेमा मोटरसाइकल चालक हेटौँडा उपमहानगरपालिका वडा नम्बर ४ कमलडाँडा बस्ने २२ वर्षीय महेन थापा मगर रहेको जिल्ला प्रहरी कार्यालय मकवापनुरका प्रहरी नायब उपरीक्षक लक्ष्मी भण्डारीले जानकारी दिए। थापाले चलाएको मोटरसाइकलमा दुई युवती सवार थिए। पछाडी सवार हेटौँडा उपमहानगरपालिका–२ संगमचोक बस्ने १८ वर्षीया बेबिसा खड्की र हेटौँडा–५ गर्दोही बस्ने १९ वर्षीया बिनिता थापा घाइते भएका छन्। खड्कीलाई थप उपचारको लागि गए राति साढे ११ बजे नयाँ मेडिकल कलेज भरतपुर रिफर गरिएको प्रहरीले जनाएको छ। थापा उपचारपछि डिस्चार्ज भएकी छन्। पूर्वपश्चिम राजमार्ग अन्तर्गत हेटौँडा बजारबाट थानाभर्याङतर्फ…