प्रजातन्त्र डेली

कञ्चनपुर: हमासको नियन्त्रणमा रहेका कञ्चनपुरको भीमदत्त नगरपालिका–३ का विपिन जोशीको सकुशल उद्धारको माग गर्दै आइतबार महेन्द्रनगरमा प्रदर्शन गरिएको छ। विपिनका परिवारसँगै आफन्तले जोशीको रिहाइका लागि माग गर्दै कञ्चनपुरका प्रमुख जिल्ला अधिकारीमार्फत परराष्ट्र मन्त्रीलाई ज्ञापन पत्र बुझाएका छन्। विपिनका बुवा महानन्द जोशीले नेपाल सरकार, संयुक्त राष्ट्र संघ र मानव अधिकारवादी संघ संस्थाहरूले तत्काल छोराको उद्धार गर्नुपर्ने बताए। विपिनकी बहिनी पुष्पाले आफ्नो दाई बन्धक भएको ३० दिन भइसकेको अवस्थामा नेपाल सरकारलाई आग्रह गर्दै आफनो दाईलाई सकुशल घरमा आउने वातावरण मिलाई दिन आग्रह गरिन्। उनले भाईटीका आफनै दाईसँगै मनाउने वातावरण मिलाईदन सरकारलाई आग्रह गरिन्। प्रशासनमा पुगेर प्रमुख जिल्ला अधिकारीलाई ज्ञापनपत्र पनि बुझाइएको छ।…

काठमाडौं : जाजरकोट र रुकुमपश्चिममा गत शुक्रबार राति गएको भूकम्पका कारण ठूलो मात्रामा भएको जनधनको क्षतिप्रति आइतबार विहान बसेको मन्त्रिपरिषद् बैठकले गहिरो दुःख व्यक्त गरेको छ। बैठकले भूकम्पमा परेकाहरुको खोज, उद्धारका साथै तत्काल राहत र घाइतेहरुको निःशुल्क उपचारमा प्राथमिकता दिने निर्णय गरेको छ भने भूकम्पबाट विस्थापित भएका परिवारलाई अस्थायी आवास, खाद्यान्न र सुरक्षा प्रबन्ध मिलाउने जनाएकाे छ। त्यस्तै बैठकले मृतक परिवारलाई तत्काल दुई लाख रुपैयाँका दरले राहत उपलब्ध गराउने र छिमेकीलगायत मित्र राष्ट्र र अन्तर्राष्ट्रिय संघसंस्थाबाट औपचारिकरुपमा प्रस्ताव भएको सहयोग स्वीकार गर्ने निर्णय पनि गरेकाे छ। यी हुन् मन्त्रिपरिषद् बैठकका १८ निर्णय १) संवत २०८० कार्तिक १७ राति ११:४७ मा…

काठमाडौँ : इजरायल घटनामा मारिएका सबै नेपालीको शव नेपाल आइपुगेको छ। गत असोज २० गते हमास समूहको आक्रमणमा परी १० जना नेपाली विद्यार्थी मारिएका थिए। मारिएका १० जनाकै शव नेपाल आइपुगेको परराष्ट्र मन्त्रालयले जनाएको छ। आज सल्यानको शारदा–३ का प्रेम भण्डारी, डोटीको लामिखाल–८ का पदम थापा र डोटीकै राजन फुलाराका शव आइपुगेको छ। उनीहरूको शवलाई नेपाली सेनाको हेलिकप्टरमार्फत सुर्खेत लगिएको परराष्ट्र मन्त्रालयले जनाएको छ। सुर्खेतबाट भण्डारीको शव दाङ र थापा तथा फुलाराको शव हेलिकप्टरमार्फत नै डोटी लगेर आफन्तलाई बुझाईनेछ। यसअघि बझाङको जयपृथ्वी–६ का गणेशकुमार नेपाली, दार्चुला मालिकार्जुन–४ का लोकेन्द्रसिंह धामी, दार्चुला लेकम–५ का दिपेशराज विष्ट, धनुषा सापही– ६ का आनन्द…

काठमाडौँ : राष्ट्रिय प्रजातन्त्र पार्टी (राप्रपा) ले जाजरकोट भूकम्पबाट प्रभावित परिवारलाई संघीय सांसद तथा प्रदेशसभा सदस्यहरूको एक महिनाको तलब र पार्टीका तर्फबाट २५ लाख रुपैयाँ प्रधानमन्त्री दैवीप्रकोप उद्धार कोषमा प्रदान गर्ने निर्णय गरेको छ। धुम्बाराहीस्थित राप्रपा केन्द्रीय कार्यालयमा आइतबार कार्यवाहक अध्यक्ष बुद्धिमान तामाङको अध्यक्षतामा बसेको केन्द्रीय पदाधिकारी बैठकले उक्त निर्णय गरेको हो। भूकम्प प्रभावित क्षेत्रमा उद्धार कार्यमा पार्टीका तर्फबाट सहयोग गर्न जाजरकोट जिल्लाका लागि प्रतिनिधिसभा सदस्य ज्ञानबहादुर शाही र रुकुम पश्चिमका लागि सहायक महामन्त्री सौरेन्द्रबहादुर शाहको संयोजकत्वमा जनपरिचालन गने निर्णय समेत भएको छ। यसैगरी जाजरकोट र रुकुम पश्चिम जिल्लाका कार्यक्रमहरू २०८० मंसिर १५ गतेसम्मका लागि स्थगित गरेको छ। पार्टीले कार्तिक…

काठमाडौं : मन्त्रिपरिषद्को आज बसेको आकस्मिक बैठकले जाजरकोट केन्द्रबिन्दु भई शुक्रबार राति गएको भूकम्पबाट घाइते भएकाहरूको सबै अस्पतालमा निःशुल्क उपचार गराउने निर्णय गरेको छ। प्रधानमन्त्री तथा मन्त्रिपरिषद्को कार्यालय सिंहदरबारमा भएको बैठकले तत्काल उद्धार गर्नुपर्ने व्यक्तिहरू लगभग सबैको उद्धार गरिएको र उपचारका लागि काठमाडौंलगायतका सबै स्थानका अस्पताललाई तयारी अवस्थामा राखिएको स्वास्थ्य तथा जनसङ्ख्यामन्त्री मोहनबहादुर बस्नेतले पत्रकारलाई जानकारी दिए। उनले गोरखा भूकम्पपछि गरिएको राहत र पुनःस्थापनाका कामको सिकाइ र कमजोरीलाई ग्रहण गरी प्रभावकारी रूपमा राहत र पुनःस्थापनाका काम सञ्चालन गर्न तथा छिमेकी एवं मित्रराष्ट्रबाट प्राप्त हुने सहयोग कुन–कुन क्षेत्रमा कसरी लिने भन्नेबारेमा थप छलफल गरी निर्णय गरिने जानकारी दिए।

जुम्ला: जुम्लामा अटो दुर्घटनामा परी दुई जनाको मृत्यु भएको छ। मृत्यु हुनेमा जिल्लाको हिमा गाउँपालिका १ देयार गाँउका अटो चालक ४५ वर्षीय पदमबहादुर शाही र सोही ठाउँका ४२ वर्षीय बली रोकाय रहेको जिल्ला प्रहरी कार्यालय जुम्लाले जनाएको छ। उक्त घटनामा अटोमा सवार ४१ वर्षीय नन्द रोकाय गम्भीर घाइते भएका छन् । उनको कर्णाली स्वास्थ्य बिज्ञान प्रतिष्ठान जुम्लामा उपचार भइरहेको छ। गए राति हिमा १ बड्कीस्थित नाग्म मुगु सडक खण्ड भएर जुम्ला बजारदेखि देयारगाउँतर्फ जाँदै गरेको भे १ ह ३१९७ नम्बर को अटो सडकबाट अन्दाजी १५० मिटर तल हिमा नदी को किनारामा खसेको थियो।

काठमाडौं: जाजरकोट केन्द्रविन्दु भएर फेरि भूकम्प गएको छ। बारेकोट गाउँपालिका-१ रामीडाँडा केन्द्रबिन्दु भएर आइतबार बिहान २ पटक भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। केन्द्रका अनुसार आइतबार बिहान १:२२ बजे ४ रेक्टर स्केल र बिहान ४:५३ बजे ३.८ रेक्टर स्केलको भूकम्प गएको हो।

जाजरकोट : शुक्रबार बेलुकी खाना खाएर सुतेकी नलगाड नगरपालिका–३ का भावना पुनलाई मध्यरातमा अकल्पनीय रुपमा आएको भूकम्पले ब्युँतायो। उनी भूकम्पको त्यो धक्काको त्रास सम्झिएर सुत्न पाएको अवस्था छैन। उनको परिवारमा भूकम्पको त्रास भने जहाँको तहीँ छ। बस्ने घर भूकम्पले धुजाधुजा बनाएको छ, केही परिवारका सदस्य खुला आकाशमा रात बिताइरहेका छन् भने कोही अस्पतालमा बिरामी कुरुवाको काम गर्दै त्रासमा छन्। पुनजस्तै जुनिचाँदे गाउँपालिका लुहादहका सुरेन्द्र खड्का भेरीमालिका अपसेट प्रेसमा काम गरेर राति सुतेका थिए। राति निद्रामै भूकम्प आएपछि अहिले उनको बास खुला सडकै छ। पटक–पटक गइरहेका पराकम्पले उनको बास सडकमै भएको हो। यातायातका साधन एकातिरबाट गुड्छन् भने अर्को भागमा उनीलगायत अन्य…

खजुरा: जाजरकोट भेरी नगरपालिका–३ खलंगाका ४८ वर्षीय विमलकुमार कार्की भूकम्पमा परी घाइते भएका छन्। उनी शुक्रबार रातिको भूकम्पबाट घर भत्किएपछि च्यापिएका थिए। उद्धारपछि कार्कीले भने, ‘भाग्यले बाँचेँ।’ दुईतले कच्ची घरमा राति एक्लै सुतिरहेका बेला एक्कासी भूकम्प गएको र ब्युँझिएर अत्तालिएर घरबाट बाहिर निस्कन खोज्दा घर ढल्दा च्यापिएर घाइते भएको उनले बताए। उनले भने, ‘भूकम्प आएको थाहा पाएर झ्यालबाट बाहिर निस्कन खोज्दा झ्यालसँगै तल खसेँ र माटोले मेरो दुईवटै खुट्टा च्यापियो। रातिको समय थियो, एकछिन होसहवास गुम्यो। होस आउँदा म बेस्सरी कराएँ। आधा घण्टापछि भतिज मन्दीप कार्की आयो। राति साढे १ बजे अस्पताल पुगेँ।’ काका चिच्चयाएको आवाज सुनेर आफू दौडेर पुगेको…

काठमाडौँ: टी-२० विश्वकप छनौटको एसिया क्षेत्रको फाइनलमा आज नेपाल र ओमानबीच भिडन्त हुँदैछ। टियु क्रिकेट मैदानमा यो खेल बिहान ११ बजेदेखि सुरु हुनेछ। यसअघि समूह चरणको अन्तिम खेलमा भिडेका नेपाल र ओमान फाइनलमा फेरी आमने सामने हुँदैछन्। समूह चरणको खेलमा ओमानले नेपाललाई ५ रनले पराजित गरेको थियो। अब फाइनलमा एसिया क्षेत्रको छनौटको विजेता हुन नेपाल र ओमान भिड्दै छन्। फाइनलमा पुगेसँगै नेपाल र ओमान अर्को वर्ष अमेरिका र वेस्टइन्डिजमा हुने टी- २० विश्वकपका लागि छनौट भइसकेका छन्।