प्रजातन्त्र डेली

काठमाडाैं : गृह मन्त्रालयले मेडिकल व्यवसायी दुर्गा प्रसाईले हतियार राख्न पाएको अनुमति(लाइसेन्स)को सम्बन्धमा अनुसन्धानका लागि छानबिन समिति गठन गरेको छ । मन्त्रालयले सहसचिव राजेन्द्रदेव पाण्डेको नेतृत्वमा मन्त्रालयका उपसचिव ऋषि पौडेल, प्रहरी उपरिक्षक सन्तोष भट्टराई र गृह मन्त्रालयका उपसचिव सदस्य रहने गरी समिति गठन गरेको हो । समितिलाई १५ दिनभित्र प्रतिवेदन बुझाउन भनिएको छ । चैत ५ गते प्रसाईका अंगरक्षक दीपक खड्का र रामकुमार धिमार सर्वोच्च अदालत परिसरबाट आधुनिक हतियारसहित पक्राउ परेका थिए ।

काठमाडौं : सिरहामा परिक्षा संचालन भएको १० मिनेट नबित्दै (SEE) परिक्षको नेपाली विषयको प्रश्न पत्र बाहिरिएको थियाे । एसईईको प्रश्नपत्र र उत्तर मोबाइलमा भेटिएपछि एक छात्रालाई प्रहरीले नियन्त्रणमा लिएको छ । सुखीपुर नगरपालिकास्थित रजत जनक माविकी एक छात्रालाई नियन्त्रणमा लिइएको प्रमुख जिल्ला अधिकारी बासुदेव दाहालले जानकारी दिए । गोलबजार नगरपालिकामा रहेको जनता मावि परीक्षा केन्द्रबाट परीक्षा दिएकी उनको साथमा रहेको मोबाइलका साथसाथै प्रश्नपत्र र उत्तरसमेत फेला परेपछि पक्राउ गरिएको दाहालले बताए ।

काठमाडौं :  त्रिभुवन विश्वविद्यालयले उत्तरपुस्तिका हराएको घटना छानबिन गर्न उच्चस्तरीय समिति गठन गरेको छ । उक्त घटना छानबिन गर्न त्रिवि कार्यकारी परिषद्को बिहीबारको निर्णयअनुसार तीन सदस्यीय समिति बनेको हो । त्रिविका पूर्वरजिस्ट्रार प्राडा चन्द्रमणि पौडेलको संयोजकत्वमा तीन सदस्यीय उच्चस्तरीय समिति गठन गरिएको त्रिविले विज्ञप्ति जारी गर्दै जानकारी दिएको छ । समितिलाई उत्तरपुस्तिका हराएको घटना के कसरी भएको हो भन्नेबारेमा विस्तृत छानबिन गरी ३० दिनभित्र प्रतिवेदन पेस गर्न कार्यादेश दिइएको छ ।गत वैशाखमा भएको स्नातक तह प्रथम वर्षको मानविकी तथा सामाजिकशास्त्र संकायअन्तर्गत जनसंख्या तथा स्वास्थ्य विषय (कोड नं. ४२२ ) र शिक्षाशास्त्र संकाय तर्फको शिक्षाको आधार विषय ( कोड नं. ४१२…

काठमाडौं : राष्ट्रिय प्रजातन्त्र पार्टी (राप्रपा) ले इलाम-२ मा प्रतिनिधि सभा सदस्यको उम्मेदवार चयन गरेको छ । राप्रपाले इलाम-२ मा बैशाख १५ मा हुने उपनिर्वाचनमा लक्ष्मी गुरुङलाई उमेदवार बनाउने निर्णय गरेको प्रवक्ता मोहनकुमार श्रेष्ठले जानकारी दिएका छन् । पार्टीको विहिबार बसेको संसदीय समितिको बैठकले गुरुङलाई उमेदवार बनाउने निर्णय गरेको हो । इलाम २ बाट निर्वाचित प्रतिनिधिसभा सदस्य सुवासचन्द्र नेम्वाङको गत भदौ २६ गते निधन भएपछि उक्त क्षेत्रमा बैशाख १५ गते उपनिर्वाचन हुँदैछ ।

काठमाडौं : यस वर्षको माध्यमिक शिक्षा परीक्षा (एसइई) बिहीबारदेखि सुरु हुँदै छ । राष्ट्रिय परीक्षा बोर्डका अनुसार परीक्षा सञ्चालनका लागि आवश्यक सम्पूर्ण तयारी पूरा भइसकेको छ । पहिलो दिन अनिवार्य अङ्ग्रेजी विषयको परीक्षा सञ्चालन हुने छ । परीक्षा चैत २७ गतेसम्म सञ्चालन हुने छ । परीक्षामा सहभागी हुन मुलुकभरबाट पाँच लाख चार हजार ४१४ जना परीक्षार्थीले रजिस्ट्रेसन फाराम भरेका छन् । सबैभन्दा बढी परीक्षार्थी काठमाडौँका ३८ हजार ८१३ जना र सबैभन्दा कम जापानका २३ जना रहेको पनि बोर्डका परीक्षा नियन्त्रक (कक्षा १०) नन्दलाल पौडेलले जानकारी दिए । तीमध्ये छात्राको सङ्ख्या दुई लाख ५० हजार ७७२ र छात्रको सङ्ख्या दुई लाख ५३ हजार ६२७ रहेको छ ।…

काठमाडौँ : नेपाल प्रहरीका ८ जना प्रहरी नायब उपरीक्षक (डिएसपी) प्रहरी उपरीक्षक (एसपी) पदका लागि बढुवामा सिफारिस भएका छन् । नेपाल प्रहरी प्रधान कार्यालयले ८ डिएसपीलाई एसपीमा बढुवाका लागि सिफारिस गरेकाे हाे । कार्यालयकाे बढुवा समितिको बैठक बुधबार बसेकाे थियाे। बढुवा सिफारिसको पहिलो नम्बरमा ढकेन्द्र खतिवडा र दोस्रो नम्बरमा अगुर जिसी रहेका छन् ।

काठमाडौं : सुनको मूल्य फेरि ‘रेकर्ड’ कायम गरेको छ ।चैत ८ गते ‘रेकर्ड’ कायम गर्दै १ लाख २७ हजार ८ सय रुपैयाँ पुगेको सुनको मूल्यले बिहीबार नयाँ ‘रेकर्ड’ कायम गरेको हो ।बुधबारको तुलनामा बिहीबार सुनको मूल्य ११ सय रुपैयाँले बढ्दा चाँदीमा प्रतितोला २० रुपैयाँको बढोत्तरी आएको नेपाल सुनचाँदी व्यवसायी महासंघले जनाएको छ ।महासंघका अनुसार बिहीबार छापावाल सुन तोलाको १ लाख २७ हजार ९ सय रुपैयाँ हुँदा तेजाबी सुन १ लाख २७ हजार ३ सय रुपैयाँ छ।चाँदीको मूल्य बिहीबार तोलाको १ हजार ५१० रुपैयाँ पुगेको छ ।

काठमाडौं : कान्ति बाल अस्पतालले उपचार नगरी फर्काएकी बागलुङ निसीखोलाकी सेन्जल शाहीको निधन भएपछि स्वास्थ्यमन्त्री उपेन्द्र यादवले कान्ति बाल अस्पतालको आकस्मिक अनुगमन गरेका छन् । मन्त्री यादवले बुधबार अस्पताल पुगेर उपचारका लागि अस्पताल ल्याइएका कुनै पनि बालबालिका आइसियु बेड खाली नभएर वा मेसिन बिग्रेर जस्ता कुनै पनि कारणले उपचार नगरी फर्काउने कार्य बन्द गर्न निर्देशन दिएका छन् । उनले आइसीयु बेड थपेर वा सेवा बिस्तार गरेर भएपनि आइन्दा बिरामी बालबालिकालाई भर्ना नलिई फर्काउने प्रवृत्ति अन्त्य गर्न निर्देशन दिएका छन् । मन्त्री यादव अस्पतालका सिटी स्क्यान, एमआरआई, एक्स रे जस्ता बिग्रेको अवस्थामा रहेका कुनै पनि मेसिन तत्काल बनाएर सेवा सुचारु गर्न,…

काठमाडाैं : प्रधानमन्त्री प्रचण्ड र  प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच छलफल भएको छ । बिहीबार बिहान बालुवाटारमा संसदमा जारी गतिरोध अन्त्य गर्ने विषयमा छलफल भएको छ । यस्तै सङ्क्रमणकालीन न्याय सम्बन्धी विधेयक पारित गरेर लैजाने विषयमा छलफल भएको प्रधानमन्त्रीका प्रेस सल्लाहकार गोविन्द आचार्यले जानकारी दिए । कांग्रेसले गृहमन्त्री रवि लामिछानेले सहकारी ठगी गरेको आरोप लगाएर संसदीय छानबिन समिति गठनको माग गर्दै प्रतिनिधि सभामा अवरोध गर्दै आएको छ । 

कैलाली : सुदूरपश्चिम प्रदेश सरकारका मुख्यमन्त्री कमलबहादुर शाहले विना विभागीय मन्त्रीमा नियुक्त भएका दुई जना मन्त्रीलाई जिम्मेवारी तोकेका छन् । फागुन २५ गते विना विभागीय मन्त्रीमा नियुक्त भएका नागरिक उन्मुक्ति पार्टीका सांसद खुशीराम चौधरीलाई उद्योग, पर्यटन, वन तथा वातावरण मन्त्री र २८ गते नियुक्त भएका लक्ष्मणकिशोर चौधरीलाई सामाजिक विकास मन्त्रालयको जिम्मेवारी दिएका हुन् । उनीहरूले अहिले ११ बजे कार्यभार सम्हाल्ने तयारी गरेको मुख्यमन्त्री तथा मन्त्रिपरिषद्‌को सचिवालयले जानकारी दिएको छ । योसँगै नाउपाबाट सरकारमा सहभागी भएका पाँचै जनाले जिम्मेवारी पाएका छन् । मुख्यमन्त्री शाहले यसअघि नाउपा दलका नेता घनश्याम चौधरीलाई आर्थिक मामिला र इन्दिरा गिरीलाई कृषि राज्यमन्त्रीको जिम्मेवारी दिएका थिए भने…