प्रजातन्त्र डेली

काठमाडौं : अब ट्राफिक प्रहरीले सवारी चालक अनुमतिपत्र(लाइसेन्स) जाँच गर्दा नागरिक एपमार्फत देखाउन पाइने भएको छ। यसअघि ट्राफिक प्रहरीलाई सक्कलै चालक अनुमतिपत्र देखाउनुपर्ने बाध्यता थियो। तर यो व्यवस्था अन्य ट्राफिक नियम उल्लङ्घन गरेर प्रहरीले रोकेको अवस्थामा नभई चालक अनुमतिपत्र लिएको छ वा छैन भनेर जाँच गरेको अवस्थामा मात्रै लागू हुने छ। यो व्यवस्था आजैदेखि कार्यन्वयनमा आएको भन्दै एपमा लाइसेन्स लिंक गर्न समेत आग्रह गरिएको छ।

बारा : बाराको सदरमुकाम कलैयामा अज्ञात समूहले प्रहार गरेको गोली लागेर घाइते भएका प्रधानाध्यापकको ज्यान गएको छ। ज्यान गुमाउनेमा कलैया उपमहानगरपालिका- ६ मदरसा टोलमा बाल एकता बोर्डिङ स्कुलका प्रअ रुपेश सरार्फ( गुडु) रहेका छन्। टाउको र छातीमा गाेलि प्रहार भएको थियोे। गोली प्रहार भई घाइते भएका उनलाई उपचारका लागि वीरगंजकाे गण्डक स्थित नेपाल मेडिसीटी ब्योधा अस्पतालमा लगिएको थियो। तर, उनी बाँच्न सकेनन्।

धनगढीः धनगढी उपमहानगरपालिकाले फोहर सडक फाल्ने पसल र ब्यवसायीलाई पाँच हजार जरिवाना गरेको छ। कुखुराको प्वाँख सडकमा फाल्नेलाई ५ हजार जरिवाना भएको हो। आफ्नो मासु पसलका कुखुराको प्वाँखहरू रातिको समयमा जथाभाबी सडकमा फाल्नेलाइ धनगढी उपमहानगरपालिकाले ५ हजार जरिवाना गरेको छ। उपमहानगरपालिकाको सरसफाइ शाखाले सडकमा प्वाँख फाल्नेलाई सम्झाई बुझाइ समेत गरेको जनाएको छ। स्वच्छ धनगढी निर्माणकालागि सम्पूर्णले आ–आफ्नो क्षेत्रबाट महत्त्वपूर्ण योगदान गरिँदिन समेत उपमहानगरपालिकाले अनुरोध गरेको छ ।

काठमाडौं: बाराको कलैयामा एक प्रधानाध्यापकमाथि गोली प्रहार भएको छ। बाल एकता बोर्डिङ स्कुलका प्रिन्सिपल गुड्‍डु भनिने रुपेश सर्राफमाथि सोमबार दिउँसो करिब १ बजे अज्ञात समूहले गोली प्रहार गरेको हो। गोली लागेर घाइते भएका सर्राफलाई कलैया प्रादेशिक अस्पताल लगिएको थियो । त्यहाँ उपचार हुन नसकेपछि अहिले बीरगञ्जस्थित वयोधा अस्पतालमा लगिएको छ ।

काठमाडौं : आफ्नो श्रीमानका हत्यारा रिगल भनिने योगराज ढकाललाई सरकारले आममाफी दिएकोविरुद्ध अनशन बसेकी भारती मानन्धरको स्वास्थ्यमा समस्या आएको छ। रिपोटर्स क्लबमा पत्रकार सम्मेलन गर्दागर्दै एक्कासी स्वास्थ्यमा समस्या आएपछि उनलाई उपचारका लागि वीर अस्पताल लगिएको छ। उनले दशैंसँगै स्थगित गरेकी रिले अनशन शनिबारदेखि फेरि सुरु गरेकी थिइन्। श्रीमान चेतन मानन्धरको हत्या अभियोगमा जेल परेका रिगललाई गत असोज ३ गते सरकारको सिफारिसमा राष्ट्रपति रामचन्द्र पौडेलले आममाफी दिएका थिए। २०७२ साल असारमा दुई समूहबीच आपसी विवाद हुँदा बाँके नेपालगञ्जका चेतन मानन्धरको हत्या भएको थियो।

काठमाडौं: राप्रपाको शुभेच्छुक संगठन ‘प्रवासी नेपाली एकता समाज (पानस)अमेरिका’ को अध्यक्षमा रवि रावल निर्वाचित भएका छन्। अमेरिकाको डालास टेक्सासमा सम्पन्न भएको तेस्रो अधिवेशनबाट उनी निर्वाचित भएका हुन्। समाजको वरिष्ठ उपाध्यक्षमा दिपु भुसाल निर्वाचित भएका छन्। राप्रपा अध्यक्ष राजेन्द्र लिङ्देन उक्त कार्यक्रमको प्रमुख आतिथि रहेका थिए।

महेन्द्रनगर : नेपाल रेडक्रस सोसाइटीले सुदूरपश्चिमका भूकम्प पीडितका लागि दुई सय ५० अस्थायी आवास बनाउन सहयोग गर्ने भएको छ। गत असोजको तेस्रो साता सुदूरपश्चिममा आएको भूकम्पले बझाङ र बाजुरामा बढी क्षति पु-याएको थियो। रेडक्रस तथा रेडक्रिसेन्ट सोसाइटीहरुको अन्तराष्ट्रिय महाङ्घ (आइएफआरसी) आर्थिक सहयोगमा रेडक्रसले बाजुरा र बझाङमा भूकम्प प्रभावितका लागि शौचालयसहितको अस्थायी आवास बनाउन सहयोग गर्न लागेको हो। त्यसैगरी ती दुई जिल्लाका छ सय भूकम्प प्रभावित परिवारलाई १५ हजारका दरले अत्यावश्यक सामग्री खरिदका लागि रकम वितरण गर्ने रेडक्रसले जनाएको छ। सुदूरपश्चिममा भूकम्पपछि राहत र पुनःनिर्माणका सक्रियता देखाएको नेपाल रेडक्रसले गत असोजमा बझाङ र बाजुरामा गएको भूकम्पबाट पीडित नागरिकको सहयोग विभिन्न पालिकामा…

दोलखा: राष्ट्रिय प्रजातन्त्र पार्टी(राप्रपा)ले आफ्नो सगठन बलियो बनाउँदै लगिरहेको छ । जस अन्तरगत हिजो(आइतबार) मात्रै दोलखाको गौरीशंकर गाउँपालिकामा ३३ सदस्यीय कार्यसमिति गठन भएको छ। जसको अध्यक्षमा नरेन्द्र जोशी चयन भएका छन्। साथै सोही गाउँपालिकाको नौ वटै वडाका अध्यक्षसमेत चयन भएका छन्। राष्ट्रिय प्रजातन्त्र पार्टी, नविन राप्रपा २०८० को कार्ययोजना अन्तर्गत, भूगोल केन्द्रित उक्त कार्यक्रम राप्रपाका केन्द्रीय सहायक प्रवक्ता प्रबिन कुमार थोकर तामाङको प्रमुख आथित्यतामा सम्पन्न भएको थियो। साथै केन्द्रबाट भूगोल केन्द्रित जिम्मेवारी लिएर आएका केन्द्रीय सदस्य रन्जन कार्कीको विशेष आथित्यमा आयोजना भएको उक्त कार्यक्रममा सक्रिय सदस्यता नविकरण, नयाँ सदस्य वितरण तथा पार्टी प्रवेश पनि भएको थियो। उक्त कार्यक्रममा बागमती प्रदेश…

काठमाडौँ । नेपाल प्रहरीका २२ जना अधिकारीहरू हाजिर हुन नआएको पाइएको छ। यसरी सम्पर्कमा नआउनेमा प्रहरी सहायक निरीक्षकदेखि प्रहरी जवानसम्म रहेका छन् ।नेपाल प्रहरी प्रधान कार्यालय नक्सालले सोमबार  हाजिर हुन आउने बारेको सूचना प्रकाशित गरेको छ । उनीहरूलाई सूचना प्रकाशित भएको मितिले बाटोको म्याद बाहेक सात दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफ दिन भनिएको छ। हाजिर नभए  सेवाबाट हटाइने बताइएको छ ।

काठमाडौँ : अर्ना बियरले टी–२० विश्वकपको एसिया छनोटमा नेपाली खेलाडीका लागि नगद पुरस्कार घोषणा गरेको छ। नेपालका खेलाडीले बनाउने प्रत्येक रनको १ हजार, चौकाको थप १० हजार, छक्काको थप २० हजार रुपैयाँ दिने घोषणा गरिएको हो। यसैगरी बलिङतर्फ एउटा डट बल बराबर १ हजार, मेडन ओभरको १० हजार र हरेक विकेटमा २५ हजार रुपैयाँ दिने कम्पनीले घोषणा गरेको छ। अर्ना बियरले गत भदौमा भएको एसिया कप क्रिकेटमा चौका, छक्का र विकेट लिने खेलाडीलाई पुरस्कार दिएको थियो। सोमबारदेखि काठमाडौंमा टी–२० विश्वकपको एसिया छनोट सुरु हुँदै छ।