प्रजातन्त्र डेली

काठमाडौं: अवैध लागुऔषधसहित ६ जनालाई नेपाल प्रहरीले पक्राउ गरेको छ। प्रहरीले खैरो हेरोइनसहित तीन जना, ब्राउन सुगरसहित दुई जना र ब्राउन सुगर जस्तो देखिने पदार्थसहित एक जनालाई विभिन्न स्थानबाट पक्राउ परेको हो। त्यस्तै मोरङ, केराबारी गाउँपालिका-८ आमजुगी बस्ने २२ वर्षीय मिलन बिकलाई ३०० मिलिग्राम ब्राउन सुगर जस्तो देखिने पदार्थसहित बुधबार साँझ प्रहरीले पक्राउ गरेको छ। इलाका प्रहरी कार्यालय केराबारीबाट खटिएको प्रहरीले उनलाई उक्त पदार्थसहित पक्राउ गरेको हो। कैलाली, धनगढी उपमहानगरपालिका–१२ जुगेडा बस्ने २८ वर्षीय राकेश भट्ट, सोही उपमहानगरपालिका–७ मनेहरा बस्ने ३४ वर्षीय अमिर खाती र २३ वर्षीय नरेश थापा ३९० मिलिग्राम खैरो हेरोइनसहित बुधबार राति पक्राउ परेका हुन्। अस्थायी प्रहरी…

दाङ : दाङमा १६ दिने नवजात शिशुको हत्या प्रयास गरेको अभियोगमा सुत्केरी आमा पक्राउ परेकी छिन्। लमही नगरपालिका वडा नम्बर ७ कप्तानगञ्ज निवासी २५ बर्षिय निरम चौधरीलाई आफ्नै नवजात शिशुको हत्या प्रयास गरेको आरोपमा प्रहरीले नियन्त्रणमा लिएको छ। बुधबार दिउँसो उनले घरमा कोही नभएको अवस्थामा तरकारी काट्न प्रयोग गरिने चक्कुले घाँटीमा प्रहार गरेको पाइएको छ । वडा प्रहरी कार्यालय लमहीले आमालाई नियन्त्रणमा लिएर अनुसन्धान गरिरहेको प्रहरी निरिक्षक शंकर श्रेष्ठले जानकारी दिए। सुत्केरी आमाले आफैंले जन्मदिएको शिशुको हत्या प्रयास किन गरिन भन्ने बारेमा अनुसन्धान भइरहेको छ। घाइते बच्चालाई उपचारको लागि राप्ती स्वास्थ्य विज्ञान प्रतिष्ठान घोराही लगिएको छ।

काठमाडौँ : पूर्व प्रधानमन्त्री तथा नेपाल समाजवादी पार्टीका अध्यक्ष डा बाबुराम भट्टराईले पुरानै शक्तिलाई समेटेर नयाँ शक्ति निर्माण गर्ने प्रयास असफल भएको बताएका छन् । उनले सामाजिक सञ्जालमार्फत आफूले पुराना शक्तिमध्ये केहीलाई साथमा लिएर जान सकिन्छ कि भन्ने आदर्शवादी प्रयत्न गर्दा त्यसमा धोका खाएको बताएका छन्। ‘हामीले २०७२ सालमा यही कुराको पूर्वानुमान गरेर नयाँ अग्रगामी विचार सहितको ‘ नयाँ शक्ति’ को आवश्यकता भनेका हौँ र त्यसको निर्माणको प्रयत्न गर्दै आएका हौँ। परन्तु बिचबिचमा हामीले तिनै पतनशील पुराना शक्तिमध्ये केहीलाई साथमा लिएर जान सकिन्छ कि भन्ने आदर्शवादी प्रयत्न गर्दा त्यसमा धोका खाएर हाम्रो कोसिस अपेक्षित गतिमा परिणाममुखी बन्न सकिरहेको छैन’ सामाजिक…

मकवानपुर : काठमाडौं–कुलेखानी–हेटौँडा सडक खण्डअन्तर्गत मकवानपुरको भीमफेदी गाउँपालिका(६ जुरीखेतमा स्कुटर दुर्घटना हुँदा एक जनाको ज्यान गएको छ। एक जना घाइते भएका छन् । काठमाडौंबाट हेटौँडाका लागि छुटेको ०२–०२७–प ४८४२ नम्बरको स्कुटर हिजो बुधवार दुर्घटना हुँदा काठमाण्डौ महानगरपालिका–२७ बस्ने ६२ वर्षीया राज्यश्री थापा क्षेत्रीको ज्यान गएको हो । दुर्घटनामा उहाँका श्रीमान् ६५ वर्षका शशीराज पाण्डे घाइते भएकी छिन् । उनको हेटौँडा अस्पतालमा उपचार भइरहेको जिल्ला प्रहरी कार्यालयका प्रहरी नायब उपरीक्षक लक्ष्मी भण्डारीले जानकारी दिए । जुरिखेतको ओरालोमा स्कुटर अनियन्त्रित भइ सडकबाट तल खसेको थियो ।

कञ्चनपुर: शुक्लाफाँटा नगरपालिका–११ स्थित दीपनगर आधारभूत विद्यालयमा दरबन्दीका शिक्षक नहुँदा पठनपाठन पुनः सञ्चालन गर्न अप्ठेरो परेको छ। कक्षा ८ सम्म पठनपाठन हुने विद्यालयमा एकजना स्थायी दरबन्दी र एकजना राहत कोटामा कार्यरत शिक्षक छन्।अन्य छजना शिक्षक निजी स्रोतबाट तलब ब्यहोर्ने गरी राखिएको छ। अभिभावकको आर्थिक अवस्था कमजोर हुँदा निजी स्रोतको तलबको व्यवस्था विद्यालयले गर्न सकेको छैन। नगरपालिका कार्यालयबाट पाउने अनुदान रकम नआउँदा निजी स्रोतका शिक्षकले चालु शैक्षिक सत्रमा तलब थाप्न पाएका छैनन्। शिक्षकले तलब नै थाप्न नपाएपछि विद्यालयका प्रधानाध्यापकले आफ्नै तलबबाट केही रकम शिक्षकलाई दसैँ खर्चका लागि दिएका छन्।‘विद्यालयमा भौतिक पूर्वाधारको अभाव छैन’, विद्यालयका प्रधानाध्यापक धर्मा ऐरले भने, ‘कक्षा अनुसारका शिक्षकको…

सुर्खेत: ढोग नदिएको भन्दै एकजनामाथि मृत्यु हुनेगरी कुटपिट भएको छ। सल्यानको बागचौर नगरपालिका–७ कोटबारा पुरानछाप निवासी २० वर्षीय घनश्याम ओलीको मृत्यु भएको हो। उनलाई छिमेकी स्याँलाका गाउँका २५ वर्षीय केशर ओली र २३ वर्षीय सन्तोष ओलीले कार्तिक ४ गते कुटपिट गरेका थिए। भलिबल खेल्ने मैदानमा रहेका बेला केशर र सन्तोषले घनश्यामलाई ‘हामीहरू तेरो दाई पर्छौं ढोग गर’ भनेर भनेका थिए। तर, घनश्यामले ढोग दिएनन्। त्यसपछि उनीहरूले घनश्याममाथि कुटपिट गरेका थिए। कुटपिटपछी घनश्यामको उपचारका क्रममा बुधबार भारतको लखनउमा मृत्यु भएको जिल्ला प्रहरी कार्यालय सल्यानका प्रहरी नायव उपरीक्षक नवीन कार्कीले बताए। कुटपिट गर्ने सन्तोष ओलीलाई दाङबाट पक्राउ गरिएको छ भने केशर फरार…

धादिङ: पृथ्वीराजमार्ग अन्तरगत धादिङको गल्छी गाउँपालिका वडा ४ चिरौदीमा बुधबार भएको तीन सवारी एकआपसमा ठोक्किँदा १२ जना घाइते भएका छन् । धादिङबेसीबाट काठमाडौंतर्फ जाँदै गरेको बा ३ ख ८३९५ नम्बरको बसले विपरित दिशावाट आउँदै गरेको बा ६० प ४८६९ नम्बरको मोटरसाईकललाई ठक्कर दिँदा मोटरसाईकल उच्छिटिएर सोही दिशा तर्फ जाँदै गरेको बा प्रदेश ०१र०२८ च ९३३६ नम्बरको कारमा समेत ठोक्किएर दुर्घटना भएको जिल्ला प्रहरी कार्यालय धादिङका सुचना अधिकारी प्रहरी नायव उपरीक्षक सन्तुलालप्रसाद जैसवारले जानकारी दिए। घाइते मध्ये बा ६० प ४८६९ नम्बरको मोटरसाइकल चालक गल्छी गाउँपालिका वडा नम्बर ६ का २६ वर्षीय जितेन्द्र पाठक र उनको श्रीमती २४ वर्षीय ज्योती पाठक…

काठमाडौं : रुसी सेनामा कार्यरत एक नेपाली युवकलाई युक्रेनी सेनाले नियन्त्रणमा लिएको छ। युक्रेनको गृहमन्त्रीका सल्लाहकार एन्टोन गरास्चेन्कोले एउटा भिडिओ शेयर गर्दै बर्दियाका विवेक खत्री नियन्त्रणमा रहेको जानकारी दिएका हुन्। गरास्चेन्कोले ट्वीटरमा शेयर गरेको भिडिओमा विवेकले आफू पैसा कमाउनका लागि रसियन सेनामा भर्ती भएको बताएका छन्। उनले आफूलाई एकजना साथीले रसियन सेनामा भर्ती हुन सल्लाह दिएको पनि बताएका छन्। https://twitter.com/gerashchenko_en/status/1714955395037278371?s=46&fbclid=IwAR1th4CNdNwOakXq-_bSx5Y_5RuJpYp9NgIyDMzWB7fOBtfogx7qqfBXUso

काठमाडौँ : भारतको चर्चित गायन रियालिटी सो ‘इन्डियन आइडल १४’को अन्तिम १५ मा नेपाली गायिका मेनुका पौडेल पनि छनोट हुन सफल भएकी छन्। सोमबार रातिको शृंखलामा राउन्ड फिफ्टिनका प्रतिस्पर्धी घोषणा गर्दा उनको नामसमेत समावेश भएको छ। पौडेल अडिसन चरणबाटै नै धेरैको मन जितेर चर्चित भएकी छन्। उनले ‘तुम्हारे बिना हमारे कोनो नही’ बोलको शाष्त्रीय भजन गाउँदा गोल्डेन माइकसमेत जितेकी थिइन्।

काठमाडौं : हिजो पूर्वराजा ज्ञानेन्द्र शाहले सर्वसाधारणलाई बडादसैंको अवसरमा टीका लगाइदिएका थिए। मंगलबार दिउँसो ४ बजेदेखि निर्मल निवासमा सयौं शुभेच्छुकहरूको भीड लागेको थियो। पूर्वराजा शाहबाट टीका ग्रहण गर्न नेताहरूसमेत निर्मल निवास पुगेका थिए। पूर्वराजा ज्ञानेन्द्र तथा पूर्वरानी कोमलको हातबाट टीका ग्रहण गर्न सर्वसाधारण घण्टौंसम्म लामबद्ध थिए। उनीहरूले राजतन्त्र पक्षका चर्का नाराबाजी पनि गरेका थिए। उसो त राष्ट्रपति रामचन्द्र पौडेलको सरकारी निवास शितल निवासमा पनि टीकाको कार्यक्रम आयोजना गरिएको थियो। तर, निर्मल निवासमा लामबद्ध सर्वसाधारणको संख्या शितल निवासको भन्दा उल्लेख्य थियो। टीकापछि पूर्वराजा ज्ञानेन्द्र शाहले देशमा भइरहेको गतिविधिबाट पाठ सिकेर अघि बढ्न सुझाव दिएका छन्। दसैंको शुभकामना दिँदै उनले नेपाली राजनीतिप्रति…