प्रजातन्त्र डेली

काठमाडौं : काठमाडौंको ठमेल र दरबारमार्ग बजार क्षेत्र २४ सै घण्टा खुला राख्ने तयारी भएको छ । उपप्रधान तथा गृहमन्त्री रवि लामिछानेले काठमाडौंका ठमेल र दरबारमार्ग क्षेत्र चौबिसैघण्टा खुलाउने तयारी गर्दै मातहतका निकायलाई निर्देशन दिएका छन् । निर्देशनपछि जिल्ला प्रशासन कार्यालय काठमाडौंले सुरक्षा र अन्य व्यवस्थापनको जिम्मेवारी लिनेगरी योजना बनाउन लागेको छ । “आन्तरिक तयारी सुरु भइसक्यो । ढिलोमा नयाँ वर्षको वैशाख १० गतेभित्रै खुला हुन्छ,” काठमाडौंका प्रमुख जिल्ला अधिकारी जितेन्द्र बस्नेतले भने, “सुरक्षाको पूर्ण प्रत्याभूति हुन्छ ।” सुरुवाती चरणमा उक्त क्षेत्रमा प्रकृतिअनुसार चार समूहमा व्यवसाय गर्ने गरी समय निर्धारण गर्ने तयारी गरिएको स्थानीय प्रशासनले जनाएको छ ।

काठमाडौं : आज काठमाडौंसहित देशका पहाडी तथा उच्च पहाडी क्षेत्रका केही ठाउँमा वर्षा भइरहेको छ । कोशी, बागमती र गण्डकी प्रदेशका उच्च हिमाली भागमा हिमपात पनि भइरहेको छ । पश्चिम तथा सुदूरपश्चिमका क्षेत्रहरूमा भने बादल लागिरहेको छ । भूमध्य सागरबाट आएको जलवाष्पयुक्त वायु र स्थानीय बादल बन्ने प्रणालीबाट हाल देशका विभिन्न ठाउँमा वर्षा र बदली भइरहेको मौसमविद् बताउँछन् । मनसुन पूर्वको समयमा यसरी वर्षा हुनु सामान्य भएको बताउँदै वर्षा र बादल लाग्ने क्रम झन्डै ३ दिनपछि हटेर जाने बताइएको छ । मौसम विभाग, पूर्वानुमान शाखाले भोलि र पर्सि पनि कोशी, मधेश र बागमती प्रदेशमा पनि बदली र वर्षाको सम्भावना रहेको…

काठमाडौं : अब इसेवाको प्रयोग गरेर भारतीय नागरिकले नेपालमा रकम तिर्न सक्ने भएका छन् । यो सुविधाबारे इसेवाले एक सूचनामार्फत जानकारी दिएको हो । कम्पनीका अनुसार इसेवाबाट फोनपे क्यूआर मर्चेन्ट नेटवर्कमा जोडिएका नेपाली व्यवसायीहरुले अब भारतीय पर्यटकहरुसँग नेशनल पेमेन्ट कर्पोरेसन अफ इन्डिया (एनपीसीआई) मार्फत सिधै इसेवाबाट प्रदान हुने फोनपे क्यूआरमा भुक्तानी पाउन सक्नेछन् ।भारतीय पर्यटकहरुबाट फोनपे, भीम एप र गुगल पेबाट भुक्तानी पाउन सक्ने कम्पनीले जनाएको छ । यो सेवा इसेवामार्फत फोनपे क्यूआर मर्चेन्ट संजालमा जोडिएका मर्चेन्टहरुका लागि मान्य हुने कम्पनीले जनाएको छ । यो सेवा उपयोग गरेको सेवा शुल्क लाग्ने कम्पनीले उल्लेख गरेको छ । नेपाल र भारतबीच क्रस…

काठमाडौं : आयरल्यान्ड वुल्भ्स (ए) विरुद्धको सुरुआती दुई ट्वान्टी–२० खेल र भारतमा हुने मैत्रीपूर्ण क्रिकेट प्रतियोगिताका लागि नेपाली राष्ट्रिय क्रिकेट टिमको घोषणा भएको छ । नेपाल क्रिकेट संघ (क्यान)ले बुधबार रोहितकुमार पौडेलको कप्तानीमा १५ सदस्यीय नेपाली टिमको घोषणा गरेको हो । नेपालले घरेलु मैदानमा आयरल्यान्ड ‘ए’ सँग पाँच खेलको ट्वान्टी–२० र तीन खेलको एकदिवसीय शृंखला खेल्ने तालिका छ । यसमध्ये बुधबार घोषणा भएको टिमले ट्वान्टी–२० शृंखलाको सुरुआती दुई खेल खेलेपछि गुजरात र बरोडासँगको एसएमएस मैत्रीपूर्ण कपका लागि भारत प्रस्थान गर्नेछ । नेपालले आयरल्यान्डसँगको ट्वान्टी–२० शृंखलाको पहिलो खेल मार्च २४ र दोस्रो खेल मार्च २५ मा खेल्नेछ । नेपालले बरोडा र…

काठमाडौं : केन्द्रीय अनुसन्धान ब्यूरो (सीआईबी) ले नेकपा माओवादी केन्द्र उपाध्यक्ष कृष्णबहादुर महरासँग आज (बुधबार) देखि बयान लिने भएको छ । सीआईबीले विद्युतीय चुरोट (भेप) मा लुकाएर ल्याएको ९ किलो सुन तस्करी प्रकरणमा आजदेखि पुनः बयान लिने तयारी गरेको हो । सीआईबीले यसअघि पनि महरासँग बयान लिएर छाडेको थियो । पहिले उन्मुक्ति दिएको सीआईबीले सुन तस्करी जाँचबुझ आयोगको प्रतिवेदनपछि पुनः अनुसन्धान गरेर पूरक अभियोग दर्ता गर्ने भएको हो । महराको विषयमा जाँचबुझ आयोगको प्रतिवेदनलाई आधार बनाएर बुधबारदेखि अनुसन्धान अगाडि बढाइने सीआईबीका एक अधिकारीले जानकारी दिएका छन् । ‘यसअघिको अनुसन्धानमा औंल्याएका त्रुटि र अब गर्नुपर्ने विषय पनि प्रतिवेदनमा निर्देशित गरिएको छ,…

माेरङ : मोरङको बेलबारीमा श्रीमतीको हत्या गरेर श्रीमानले पनि आत्महत्या गरेका छन् । मोरङको बेलबारी-१ का ६० वर्षीय बमबहादुर लिम्बूले गएराति श्रीमती गीता लिम्बुको हत्या गरी आफूले पनि आत्महत्या गरेका छन् । धारिलो हतियार प्रयोग गरी ४५ वर्षीया श्रीमती गीताको हत्या गरेका बमबहादुरले सोही हतियारले घाँटी रेटेर आत्महत्या गरेको जिल्ला प्रहरी कार्यालय मोरङका प्रहरी प्रमुख एसपी नवराज कार्कीले जानकारी दिए । गम्भीर घाइते अवस्थामा भेटिएका बमबहादुरलाई विराटनगरको नोबेल अस्पताल लगिएकोमा उपचारका क्रममा उनको मृत्यु भएको प्रहरीले जनाएको छ । उनीहरूको ८ वर्षका छोरा भने भागेर बाँचेका छन् । हत्याको कारण भने खुलिनसकेको उनले बताए ।

सुनसरी : सशस्त्र प्रहरीले सप्तकोसी नदीमा डुंगामा लैजाँदै गरेको १६४ किलो गाँजा बरामद गरेको छ । सशस्त्र प्रहरी बल, नेपाल नं. ४ गण हे.क्वा सुनसरीले बुधबार बिहान १ः३५ बजेको समयमा बराहक्षेत्र नगरपालिका १ स्थित सप्तोकोशी नदीको किनारमाबाट गाँजा बरामद गरेको हो । आधा दर्जन व्यक्तिहरुले डुङ्गाबाट निकाल्दै गरेको अवस्थामा सशस्त्र प्रहरी बल नेपाल सुरक्षा बेस चतराले गाँजा बरामद गरेको बताइएको छ । रातको समय भएकोले डुंगा लिई ब्यक्तिहरु फरार भएको र उक्त गाँजा नियन्त्रणमा लिई थप अनुसन्धान तथा कारबाहीको लागि ईलाका प्रहरी कार्यालय महेन्द्रनगर चक्रघट्टीमा बुझाएको छ । दुई दिनअघि मात्र सो गणले ५५ किलो गाँजा बरामद गरेको थियो भने…

काठमाडाैं : विभिन्न ठाउँका अस्पतालहरुमा कार्यरत नर्सहरुमाथि श्रम शोषण गर्नहरुलाई कारबाही गर्न नेपाल नर्सिङ संघले आग्रह गरेको छ । मंगलबार एक विज्ञप्ति जारी गर्दै संघले नर्सहरुलाई नियूक्ति पत्र नदिएरै काममा लगाएको, तलब भत्ता समयमा नदिएको, विना सूचना जागिरबाट निकालेको पाइएको भन्दै स्वास्थ्य तथा जनसंख्या मन्त्रालय र श्रम तथा रोजगार मन्त्रालयलाई ध्यानाकर्षण गराएको छ । ‘नेपाल सरकारले तोकेको न्युनतम पारिश्रमिक समेत नदिइएको र श्रम शोषण गरेको भनि यस संघमा निवेदन पर्न आएकोमा संघको गम्भिर ध्यानाकर्षण भएको छ’ विज्ञप्तिमा भनिएको छ, ‘नर्स जस्तो दक्ष जनशक्ति र नर्सिङ पेशाको अवमुल्यन गर्ने, उचित पारिश्रमिक नदिई शोषण गर्ने अस्पताल तथा स्वास्थ्य संस्थाहरुलाई अविलम्व कारवाहीको दायरामा…

काठमाडौं : जनमत पार्टी नयाँ दलका रूपमा संसद्मा प्रवेश गरेको छ । बाहिरबाट हेर्दा र संसदीय प्रक्रियामा प्रवेश गर्दा निकै नै फरक अनुभव महसुस हुँदोरहेछ । संसदीय गतिविधिका बारेमा पत्रपत्रिकाबाट थाहा पाउँदै आएका हामी सांसद भएर प्रतिनिधिसभामा प्रवेश गरेपछि भने गतिविधि प्रत्यक्ष हेर्न पाइयो । जनप्रतिनिधिका रूपमा निर्वाचित भइसकेपछि सांसदको संसद् बैठकमा दह्रिलो उपस्थिति हुन्थ्यो होला भन्ने सोचेको थिएँ, तर अवस्था बिलकुल फरक हुँदोरहेछ । संसद् बैठकमा सांसदको भूमिका जे सोचिएको थियो, त्यस्तो हुँदो रहेनछ । संसद्मा आउने, आफ्ना कुरा राख्ने र निस्कने दृश्य पनि देखिएको छ । जनप्रतिनिधि भएका नाताले सांसदले आफ्ना क्षेत्रका जनताका समस्या तथा गुनासो संसद्मा राखेर…

काठमाडौँ : स्थानीय बजारमा पहेँलो धातुको मूल्य प्रतितोला ७ सयले वृद्धि भएको छ । नेपाल सुनचाँदी व्यवसायी महासङ्घका अनुसार आज छापावाला सुन प्रतितोला १ लाख २५ हजार दुई सय कायम भएको छ । सोमबार छापावाला सुन प्रतितोला १ लाख २४ हजार पाँच सयमा कारोबार भएको थियो । यस्तै, तेजाबी सुन पनि प्रतितोला ७ सयले वृद्धि भएको छ । महासङ्घले आजका लागि तेजाबी सुन प्रतितोला १ लाख २४ हजार ६ सय कायम गरेको छ । सोमबार तेजाबी सुन प्रतितोला १ लाख २३ हजार ९ सय मूल्यमा कारोबार भएको थियो ।यसैगरी, चाँदीको मूल्यमा सामान्य वृद्धि भएको छ । सोमबार प्रतितोला १ हजार…