प्रजातन्त्र डेली

काठमाडौं : नेपाली फिल्म ‘महाजात्रा’ नेपालसहित विश्वभर एकसाथ प्रदर्शन हुने भएको छ । षट्कोण आर्टसले निर्माण गरेको ‘जात्रा’ शृङ्खलाको तेस्रो भाग ‘महाजात्रा’ लाई लिएर नेपालझैं विदेशमा पनि दर्शकको बढ्दो चासोलाई मध्यनजर गर्दै यो नेपालसँगै प्रवासमा रहेका नेपालको लागि ४० देशको २५० बढी सहरमा प्रदर्शन हुँदैछ । यो अहिलेसम्मकै ठूलो रिलिज हो । विदेशमा प्रदर्शनका लागि वितरण गरिरहेको एमएसएम इन्टरटेन्मेन्टस् र यसका साझेदार कम्पनीले यसलाई भव्य रिलिज गर्दैछन् । प्रवासमा रहेका नेपाली यो पारिवारिक फिल्म नेपालझैं रमाइलोसँग हेर्न पाउने छन् । उक्त कम्पनीका अनुसार संयुक्त राज्य अमेरिका र क्यानाडामा नाम्लो इभेन्ट्स र कोसेली कोलोराडो, मिडलइस्ट अन्तर्गतका देशमा कन्सेप्ट भिजन र सुप्रिम…

रौतहट : रौतहटमा मनि ट्रान्फसरका सञ्चालकमाथि रौतहटमा गोली प्रहार भएको छ । शिव मनि ट्रान्सफरका सञ्चालक नितेश साहमाथि गोली चलेको हो । शुक्रबार दिउँसो मोटरसाइकलमा हतियारसहित तीन जनाको सङ्ख्यामा आएका लुटेराहरूले साहलाई  गोली प्रहार गरेका छन् ।जिल्ला प्रहरी कार्यालय रौतहटका प्रवक्ता तथा डीएसपी एजिला गिरीले गोली चलाउने समूहलाई  पक्राउ गरिएको बताइन् । पक्राउ पर्नेमा भारतीय नागरिकहरु मनिस कुमार यादव, राजाकुमार पासवान र चन्द्रभान सिंह छन्।पक्राउ परेकाहरुको साथबाट हतियार समेत बरामद भएको छ । घाइतेलाई भने उपचारका लागि वीरगञ्ज पठाइएको छ । लुटेराको समूहले लुटपाट गर्ने उदेश्य गोली चलाएको पाइएको उनले बताइन् ।प्रहरीले घटनामा प्रयोग भएको मोटरसाइकल पनि बरामद गरेको छ…

काठमाडौं : इन्स्टाग्रामले फेसबुक र टिकटकलाई उछिनेर पहिलो नम्बरमा पुगेको छ । सेन्सर टावरको रिपोर्ट अनुसार विश्वमा इन्स्टाग्रामको डाउनलोड २० प्रतिशतले बढेको छ । सन् २०२३ मा इन्स्टाग्राम एप ७६ करोड ७० लाख पटक डाउनलोड भएको थियो । टिकटक भने ७३.३ करोड पटक डाउनलोड गरिएको थियो । यो चिनियाँ एप नेपाल लगायत भारतमा प्रतिबन्धित छ ।

काठमाडौं : काठमाडौंको पशुपतिनजिक जंगलमा एक किशोरीको शव भेटिएको छ । गोरखनाथ मन्दिरमाथिको जंगलमा बिहान मर्निङ वाक गएकाले बिहान रुखमा झुण्डिएको अवस्थामा एक युवतीको शव देखेपछि प्रहरीलाई खबर गरेका थिए । जानकारी प्राप्त हुनासाथ घटनास्थलमा पुगेको प्रहरीले उक्त शव सिन्धुली घर भई हाल कपनमा बस्ने सुस्मिता थापाको भएको जनाइएको छ । प्रहरीका अनुसार प्रारम्भिक अनुसन्धानमा उनले आत्महत्या गरेको हुनसक्ने देखिएको छ । थप अनुसन्धान भइरहेको उनले बताए । केही दिनअघिदेखि सुस्मिता हराएको भन्दै उनका आफन्तले खोजी गरिदिन सामाजिक सञ्जालमा अपिल गरेका थिए ।

सिन्धुली : सिन्धुलीमा शक्तिशाली प्रेसरकुकर बम विस्फोट भएको छ । सुनकोशी गाउँपालिका-१ दुम्जास्थित नेपाल टेलिकमको टावरमा कुकर बम विस्फोट भएको हो । जिल्ला प्रहरी कार्यालय सिन्धुलीका अनुसार बम विस्फोटबाट दुम्जामा रहेको विपी पार्क नजिकै रहेको टेलिकमको टावर तथा घरमा क्षति पुगेको छ । उक्त स्थानमा शुक्रबार बिहान करिव ३ बजे बम विस्फोट भएको सिन्धुली प्रहरीले जनाएको छ । विस्फोट कसले गराएको भन्ने पुष्टि नभए पनि घटना स्थलमा पिपुल विब्रेसन आर्मी लेखेको जनमुक्ती सेना लेखेको पर्चा भेटिएको प्रहरीले जनाएको छ । विस्फोट स्थलमा दुईवटा पेट्रोलको बोतलसमेत फेला पारिएको प्रहरीले जनाएको छ ।

काठमाडौं : भारतको सिलगुडीमा रेलको चक्कामुनी खस्दा एक नेपाली नागरिकको मृत्यु भएको छ । झापा भद्रपुर नगरपालिका–५ निवासी अन्दाजी ५० वर्षीय विष्णु शर्माको मृत्यु भएको जनाइएको छ । उनी गत बुधबार काम विशेषले सिलगुडी गएका थिए । घर फर्किनका लागि दौडिएर रेल चढ्न खोज्दा खुट्टा चिप्लिएर उनी दुर्घटनामा परेका थिए । रेलको चक्कामुनि खसेर गम्भीर घाइते भएका उनलाई तत्काल भारतीय रेल्वे प्रहरीले उद्धार गरी अस्पताल भर्ना गराएका थिए । उनको उपचारको क्रममा शुक्रबार बिहान मृत्यु भएको पारिवारिक स्रोतले जनाएको छ । उनको शवको कानुनी प्रक्रिया पूरा गरी आजै भद्रपुर बताइएको छ ।

एजेन्सी : लिबियाको तटमा भएको जहाज दुर्घटनामा ६० भन्दा बढी आप्रवासीको डुबेर मृत्यु भएको बताइएको छ । युनाइटेड नेशन्स एजेन्सी इन्टरनेशनल अर्गनाइजेसन फर माइग्रेसन (आईओएम) ले बाँचेकाहरूलाई उद्धृत गर्दै शनिबार उक्त जहाज लिबियाको तटीय सहर जुवाराबाट करिब ८६ जना यात्रु लिएर प्रस्थान गरेको बताएको छ। समाचार अनुसार समुद्रको उच्च छालले डुंगा पल्टिँदा बालबालिकासहित ६१ जना बेपत्ता भएका छन् । उनको मृत्यु भएको अनुमान गरिएको छ ।लिबिया अफ्रिकाबाट भूमध्यसागर पार गर्न खोज्ने आप्रवासीहरूको मुख्य केन्द्र हो। यो वर्ष मात्रै यस्ता प्रयासका क्रममा २ हजार २ सयभन्दा बढीको डुबेर मृत्यु भएको आईओएमको अनुमान छ । समाचार एजेन्सी एएफपीको रिपोर्टका अनुसार आईओएमले यो…

काठमाडौं : सुन तस्करी सम्बन्धी जाँचबुझ आयोगको प्रतिवेदन प्रधानमन्त्री पुष्पकमल दाहाल प्रचण्डले बुझेका छन् । गृहमन्त्री रवि लामिछानेले शुक्रबार बिहान शुक्रबार बिहान प्रधानमन्त्री निवास बालुवाटार पुगेर प्रधानमन्त्रीलाई आयोगको प्रतिवेदन बुझाएका हुन् । यसअघि जाँचबुझ आयोगले विहीबार गृहमन्त्री लामिछानेलाई प्रतिवेदन बुझाएको थियो । गृहमन्त्रीबाट प्रतिवेदन बुझ्दै प्रधानमन्त्री प्रचण्डले सुन तस्करी प्रकरणमा मुछिएका जोसुकैलाई पनि कारबाहीको दायरामा ल्याउन निर्देशन दिएका थिए । गृहमन्त्री लामिछानेसँगै नेपाल प्रहरीका महानिरीक्षक बसन्तबहादुर कुँवर पनि प्रधानमन्त्री निवास बालुवाटार पुगेका थिए ।

भोजपुर : धरानबाट भोजपुर आउँदै गरेको जीप दुर्घटनामा मृत्यु भएकाको पहिचान खुलेको छ । धरानबाट छुटेको को १ ज २५९३ नम्बरको जीप आज बिहान साढे ११ बजेतिर उदयपुरको बेलका-७ बाखाकुवामा दुर्घटना भएको थियो । ६ महिने शिशुसहित ७ जनाको घटनास्थलमै र उपचारको क्रममा थप एकजनाको मृत्यु भएको प्रहरीले जनाएको छ । ९ जना घाइते भएका छन् । मृतक अधिकांश भोजपुर हतुवागढी गाउँपालिकाका छन् । उनीहरूलाई उपचारका लागि धरान लगिएको छ । मृत्यु घटनास्थलमै१) मान बहादुर बस्नेत- हतुवागढी गाउँपालिका-२ (चालक) २) चन्द्रप्रकाश राई- हतुवागढी-२ ३) रामकुमारी राई (ममता)- हतुवागढी-५ ४) पदमबहादुर थापा- बराहक्षेत्र- ३ ५) दिशान राई- हतुवागढी-२ (६ महिनाको) ६)…

काठमाडौं : लामो समयदेखि त्रिभुवन अन्तर्राष्ट्रिय विमानस्थलमा कार्यरत ५४ प्रहरी अधिकारीलाई एकैपटक हटाइएको छ । उपत्यका प्रहरी कार्यालय, रानीपोखरीले ५ वर्षभन्दा बढी र १६ वर्षसम्म त्यहीँ कार्यरताहरुलाई एकसाथ हटाएको हो । उपत्यका प्रहरी प्रमुख एआईजी दिपक थापाले उनीहरुलाई हटाएर नयाँ टोली पठाइसकिएको पुष्टि गरेका छन् । यसरी जिम्मेवारीबाट हटाइएकामा प्रहरी कार्यालय सहयोगीदेखि वरिष्ठ सईसम्म छन् । थप ५० बढी प्रहरी समेत लामो समयदेखि त्यहीँ कार्यरत रहेको भए पनि तत्काल हटेका छैनन् । ‘उनीहरु स्क्रिनिङमा खटिएका रहेछन्, त्यसलाई रिप्लेस गर्न तालिम प्राप्त जनशक्ति चाहिने रहेछ’, एआईजी थापाले भने, ‘विमानस्थल प्रशासनसँग समन्वय गरेर नयाँ टोलीलाई तालिम गराउन थालेका छौं, उनीहरुलाई पनि क्रमशः…