प्रजातन्त्र डेली

काठमाडौँ : संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक, २०८० संसद्मा दर्ता भएको छ । संघीय मामिला तथा सामान्य प्रशासन मन्त्रालयले आइतबार प्रतिनिधिसभामा उक्त विधेयक दर्ता गरेको हो । संघीय निजामती सेवा सञ्चालनका लागि कर्मचारीको सेवा सर्त र सुविधासम्बन्धी कानुनलाई संघीयताअनुरुप सञ्चालन गर्न आवश्यक रहेको भन्दै सरकारले यो विधेयक ल्याएको हो । मुलुकको प्रशासनिक प्रणालीलाई व्यवस्थित, कार्यात्मक र नतिजामुखी बनाउन यो विधेयक ल्याइएको जनाइएको छ । संसद्मा दर्ता भएको विधेयकमा निजामती कर्मचारीलाई श्रेणीगतबाट तहगत प्रणालीमा लगिने प्रस्ताव गरिएको छ । साथै आवास सुविधा, सरकारी सुविधा, विशेष आर्थिक सुविधा तथा स्वास्थ्य बीमा योजनालगायत व्यवस्था प्रस्ताव…

बागलुङ : बागलुङ नगरपालिकाले काठेखोला र कालीगण्डकी करिडोर नजिकैको सुतुर्केमा फोहोर फाल्न थालेको एक दशक भयो । त्यसअघि नगरपालिकाले २०५४ सालदेखि कालीगण्डकी किनारमा फोहोर व्यवस्थापन गर्दै आएको थियो । तर अहिले सुतुर्केको ‘डम्पिङसाइट’ पनि भरिएपछि फोहोर व्यवस्थापनमा चुनौती थपिएको छ । अव्यवस्थित फोहोर व्यवस्थापनबाट सोही स्थान हुँदै दैनिक गुड्ने सयौँ सवारीसाधन र यात्रु प्रभावित भएका छन् । कुहिने र नकुहिने फोहोर नछुट्याइ व्यवस्थापन गर्दा त्यहाँको १० रोपनी जग्गा भरिएको छ भने सुतुर्केको ‘डम्पिङसाइट’को असर नजिकैको प्रसिद्ध बागलुङ कालिका मन्दिरमा पनि असर पर्न थालेको छ । अव्यवस्थित फोहोर व्यवस्थापनका कारण सो ठाउँ हुँदै यात्रा गर्न सकस हुने गरेको सवारी चालक देवीबहादुर…

पोखरा : केन्द्रमा बदलिएको सत्ता गठबन्धनको परकम्प प्रदेशहरुमा पनि देखिन थालेको छ । गण्डकीमा नेपाली कांग्रेसबाट मुख्यमन्त्री बनेका सुरेन्द्रराज पाण्डेले माओवादी केन्द्रका दुई जना मन्त्रीलाई बर्खास्त गरेका छन् । मंगलबार विहानै मुख्यमन्त्री पाण्डेले माओवादी केन्द्रबाट सामाजिक विकास मन्त्री बनेकी सुशीला सिम्खडा र भौतिक पूर्वाधार तथा यातायात मन्त्री बनेका रेशमबहादुर जुग्जालीलाई बर्खास्त गरेका हुन् । १५ बैशाखमा सिम्खडा सामाजिक विकास मन्त्री भएकी थिइन् भने १९ बैशाखममा जुग्जाली भौतिक पूर्वाधार मन्त्री नियुक्त भएका थिए । मुख्यमन्त्री पाण्डेले माओवादी मन्त्रीले सम्हालेका दुवै मन्त्रालय आफैसँग राखेका छन् ।

काठमाडौँ : सुनको मूल्य हालसम्मकै उच्च भएको छ । मंगलबार एकैदिन २ हजार रुपैयाँले बढेपछि सुनको मूल्यले नयाँ उचाइ कायम गरेको हो । योसँगै छापावाल सुन १ लाख २३ हजार, तेजाबी सुन १ लाख २२ हजार ४ सय र चाँदी १ हजार ४ सय ४५ रुपैयाँमा कारोबार भएको छ । अघिल्लो दिन छापावाल सुन १ लाख २१ हजार, तेजाबी सुन १ लाख २० हजार ४ सय र चाँदी १ हजार ४ सय १० रुपैयाँमा कारोबार भएको थियो ।

काठमाडौं : अमेरिकी सर्वोच्च अदालतले सन् २०२४ को राष्ट्रपतीय निर्वाचनसँग सम्बन्धित अमेरिकी पूर्व राष्ट्रपति डोनाल्ड ट्रम्पलाई ठूलो राहत दिएको छ । ‘न्यूयोर्क टाइम्स’को रिपोर्टका अनुसार सर्वोच्च अदालतका ९ न्यायाधीशको इजलासले कोलोराडो राज्यको अदालतको फैसलालाई उल्टाएको हो । सर्वोच्च अदालतले भन्यो, ‘कोलोराडोको प्राइमरी मतपत्रबाट ट्रम्पको नाम हटाउन सकिँदैन । यस निर्णयको अर्थ अमेरिकाका सबै ५० राज्यको मतपत्रमा ट्रम्पको नाम रहनेछ ।’ यसको अर्थ डोनाल्ड ट्रम्पले मंगलबार हुन लागेको अमेरिकी चुनावको प्राथमिक चरणमा भाग लिन सक्नेछन् ।

सुर्खेत : कर्णाली प्रदेश सरकारमा सामेल नेपाली कांग्रेसका तीन जना मन्त्रीले राजीनामा दिने भएका छन् । केन्द्रमा सत्ता समीकरण बदलिएसँगै कर्णालीमा सरकारमा सहभागी मन्त्रीहरूले राजीनामा दिने भएका हुन् । कांग्रेसबाट अर्थमा बेदराज सिंह, सामाजिक विकासमा खड्गबहादुर पोख्रेल र उद्योग, पर्यटन, वन तथा वातावरण मन्त्रालयमा कृष्णकुमार बिसीले मन्त्री पदबाट राजीनामा दिन लागेका छन् । सोमबार नै मुख्यमन्त्री राजकुमार शर्मा समक्ष राजीनामा बुझाउने तयारी भइरहेको कांग्रेसबाट सहभागी उद्योग, पर्यटन, वन तथा वातावरण मन्त्री कृष्णकुमार विसीले बताए । उनीहरू गत वैशाखमा मात्रै मन्त्री बनेका थिए ।

काठमाडाैं : हाइटीमा ४ हजार कैदी भागेपछि आपत्काल घोषणा गरिएको छ । हाइटीको राजधानी शहर पोर्ट-अउ-प्रिन्समा रहेको मुख्य जेलमा सशस्त्र समूहले हमला गर्दा करिब १२ जना कैदीको हत्या भएको र ४ हजारभन्दा धेरै कैदीबन्दी भागेपछि आइतबार ७२ घण्टाको लागि आपत्काल घोषणा गरिएकाे हाे । घटनापछि विदेश भ्रमणमा रहेका प्रधानमन्त्री एरियल हेनरीको राजीनामा समेत मागिएको छ । पोर्ट-अउ-प्रिन्समा थुनामा रहेकामा सन् २०२१ मा राष्ट्रपति जोभेनल मोइजको हत्यामा संलग्न सशस्त्र समूहका सदस्य पनि थिए ।

विराटनगर : मोरङमा सशस्त्र प्रहरी बलका सशस्त्र प्रहरी नायव उपरीक्षक (डीएसपी) सोमबार दिउँसो झुन्डिएको अवस्थामा मृत फेला परेका छन् । धनपालथान गाउँपालिका-३ स्थित बोर्डर आउट पोस्ट (बीओपी) सोराभागका इन्चार्जसमेत रहेका डीएसपी उपेन्द्र बस्याललाई मृत फेला पारिएको कोशी प्रदेश प्रहरी कार्यालय विराटनगरका प्रवक्ता एसपी सुमनकुमार तिमल्सिनाले जानकारी दिए । उनका अनुसार कार्यालयभित्र डोरीको पासो लगाएर झुन्डिएको अवस्थामा डीएसपी बस्यालको शव फेला परेको हो । घटनाका सम्बन्धमा थप जानकारी आइनसकेको तिमल्सिनाले बताए ।

काठमाडौं : अख्तियार दुरुपयोग अनुसन्धान आयोगले मुगुको जिल्ला प्राविधिक कार्यालयका तत्कालीन कार्यालय प्रमुख इन्जिनियरसहित १० जनाविरुद्ध भ्रष्टाचारको मुद्दा दायर गरेको छ । अख्तियारले सिँचाई आयोजनाका इन्जिनियर कार्यालय प्रमुख इन्जिनियर देवीप्रसाद पाण्डे, महेश सिंह कठायत, वडा नम्बर ९ का वडाध्यक्ष परुनाथ योगीसमेत १० जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोपपत्र विशेष अदालतमा दायर गरेको हो । मुगुको साबिकको कालै गा.वि.स. वडा नम्बर ४ हाल सोरु गाउँपालिका वडा नम्बर ९ स्थित तन्दवाडा-छडा सिँचाई आयोजनामा आयोजनाका अध्यक्ष र कर्मचारीको मिलेमतोमा भ्रष्टाचार भएको आरोप पत्रमा उल्लेख छ । लागत अनुमान लुकाई इस्टिमेट अनुसार काम नगरी सरिया र सिमेन्ट पनि कम…

काठमाडाैं : प्रधानमन्त्री पुष्पकमल दाहाल ‘प्रचण्ड’ ले आफू नमर्दासम्म देशमा उथलपुथल भइरहने बताएका छन् ।  सोमबार दिउँसो काठमाडौंमा शहीद प्रतिष्ठान नेपालले आयोजना गरेको कार्यक्रममा बोल्दै आफू जीवित रहुञ्जेलसम्म देशमा उथलपुथल भइरहने बताएका हुन् ।  घेरा हालेर सिध्याउने कोशिश भएपनि त्यसलाई तोड्दै आएको भन्दै प्रधानमन्त्री प्रचण्डले भने, ‘म नर्मदासम्म देशमा उथलपुथल भइराख्छ ।’ माओवादी केन्द्र पार्टी निरन्तरतामा रमाएर बस्न नसक्ने पनि उनले बताए ।