प्रजातन्त्र डेली

काठमाडौं :  अभिनेत्री रेखा थापाले छोरीलाई जन्म दिएकी छन् । अमेरिकाको कोलोराडोको अस्पतालमा उनले पहिलो सन्तानलाई जन्म दिएकी हुन् । सामाजिक सञ्जालबाट तस्वीर सार्वजनिक गर्दै उनले यसबारे जानकारी दिएकी हुन् । ‘हेर आकाशमा कालो बादल वरिपरि चाँदीको घेरा छ, हेर धर्तीमा तिमी जन्मनुको महान् कारण छ । वैभवी राज्यलक्ष्मी शाही ठकुरी,’ उनले लेखेकी छन् ।

काठमाडौं : रुसी सेनामा भर्ना भएका २ सय ४० जना नेपालीले उद्धारका लागि निवेदन दिएका छन्  । उनीहरूका आफन्तमार्फत परराष्ट्र मन्त्रालयमा निवेदन दिएका हुन् । उजुरी दिएको आधारमा कन्सुलर सेवा विभागले आवश्यक प्रक्रिया अगाडि बढाएको छ ।  रुसी सेनामा कार्यरत ४५ जना नेपाली स्वदेश फर्किसकेका छन् । रुसी सेनामा कार्यरत १३ जना नेपालीको मृत्यु भइसकेको छ । रुसले मृत्यु भएका नेपालीका परिवारलाई क्षतिपूर्ति दिन तयार भएको छ । 

चितवन : बिपी कोइराला मेमोरियल क्यान्सर अस्पतालमा चार शय्याको बोनम्यारो ट्रान्सप्लान्ट युनिट निर्माण गरिने भएको छ । चीन सरकारको आर्थिक सहयोगमा युनिट निर्माण गर्न लागिएको हो । अस्पतालका कार्यकारी निर्देशक डा.शिवजी पौडेलका अनुसार युनिट निर्माणका लागि सर्भेको काम सकिएको छ । सर्भेको काम सकेर चीन सरकारलाई पहिलो कार्ययोजना पठाइएको भन्दै परियोजना अघि बढ्ने बताए । उनका अनुसार रु ११ करोडको लागतमा युनिट निर्माण गर्न लागिएको हो । चिनियाँ प्राविधिकसँग यस विषयमा छलफल भइरहेको डा पौडेलले बताए । “बोनम्यारोलाई चलनचल्तीको भाषामा यसलाई रगतमासी भनिन्छ । क्यान्सरका कारण बोनम्यारो फेर्नुपर्ने बिरामीलाई विदेश जानबाट रोक्नका लागि यो काम थालेका छौँ”, उनले भने ।…

काठमाडौं- राप्रपाका संसद दीपकबहादुर सिंहले किसानले दूधको भुक्तानी नपाएको बताएका छन् । प्रतिनिधिसभा बैठकमा बोल्दै उनले भुक्तानी नपाएर किसानले दूध पोखिरहेको बताएका छन् । ‘सरकार पैसा छैन भन्छ, किसानलाई काठमाडौँ आइज र आत्मदाह गर भन्न खोजेको हो’ उनले प्रश्न गरे । संसद विकास कोषमा रहेको ५ करोड किसानलाई भुक्तानी दिन उनले आग्रह गरे ।उनले सरकारले मिटरब्याजी र ठगलाई  संरक्षण गरिरहेकोसमेत आरोप लगाए । ‘टाढाबाट जनता काठमाडौँ आएको छ पानीले बस्न दिएको छैन सरकार के हेरेर बसेको छ’, उनले प्रश्न गरे ।  

काठमाडौं : राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले बालकुमारी घटनाका सन्दर्भमा संसद्मा प्रधानमन्त्री वा सरकारका प्रतिनिधिहरुले जवाफ नदिएसम्म संसद् चल्न नदिने बताएका छन् । आज (शुक्रबार) प्रतिनिधि सभाको बैठकलाई सम्बोधन गर्दै उनले प्रधानमन्त्री पुष्पकमल दाहाल ‘प्रचण्ड’ ले गत फागुन ६ गते संसद्मा सम्बोधन गर्ने क्रममा बालकुमारी घटना ‘हत्या हो’ भनेको भन्दै उनले यदि हत्या हो भने सरकारले हत्याराहरुलाई पक्राउ गरेर अनुसन्धान गर्नुपर्ने बताए । संसद्मा जनताका प्रतिनिधिहरुले उठाएका विषयमा सरकारले जवाफ दिन छाडेको भन्दै उनले आपत्ति जनाए । ‘आज प्रधानमन्त्री, गृहमन्त्री आउने हो कि कुनै मन्त्री आउने हो ? हत्या गरेका हत्यारालाई किन पक्राउ नगरेको ? रोस्टमबाट जवाफ चाहिन्छ…

काठमाडौं : प्रमुख प्रतिपक्ष दल नेकपा (एमाले) ले तीन मन्त्रीको राजीनामा माग गर्दै संसद् अवरोध गरेको छ । शुक्रबार बसेको प्रतिनिधिसभा बैठकको विशेष समय सकिनासाथ प्रमुख प्रतिपक्ष एमालेसहितका अन्य विपक्षी दलहरू उठेर विरोध जनाएका हुन् । त्यसक्रममा एमाले सचिवसमेत रहेका सांसद योगेश भट्टराईले बोल्दै सरकारमा रहेका मन्त्रीहरूमाथि नैतिक प्रश्न उठेको बताए । त्यसक्रममा उनले तीन मन्त्रीको राजीनामा माग गरे । बालकुमारी घटना जाँचबुझ आयोगले भौतिक पूर्वाधार तथा यातायातमन्त्री प्रकाश ज्वालामाथि नैतिक प्रश्न उठाएको भन्दै उनले राजीनामा मागे । यस्तै टेरामक्स घोटाला प्रकरणमा अख्तियार दुरूपयोग अनुसन्धान आयोग टंगाल पुगेर स्वास्थ्य तथा जनसंख्यामन्त्री मोहन बस्नेतले बयान दिएको भन्दै सांसद भट्टाईले उनको पनि…

काठमाडौँ : अमेरिकी निजी कम्पनी इन्ट्युटिभ मेसिनको ल्यान्डर ओडिसिएसले चन्द्रमाको दक्षिणी ध्रुवमा अवतरण गरेको छ । ओडिसिएस चन्द्रमामा अवतरण गर्ने निजी कम्पनीको पहिलो अन्तरिक्ष यान बनेको छ । त्यस्तै, अमेरिका चन्द्रमाको दक्षिणी ध्रुवमा अवतरण गर्ने दोस्रो देश बनेको छ । अवतरण गर्नुअघि ओडिसिएसको नेभिगेसन प्रणालीमा खराबी आउँदा पनि अवतरण गरिएको थियो । अमेरिकी सञ्चारमाध्यम ‘न्यूयोर्क टाइम्स’ को रिपोर्टका अनुसार ओडिसिएसको अवतरणपछिको अवस्थाबारे औपचारिक भने जानकारी सार्वजनिक गरिएको छैन । तर, मिसन निर्देशक टिम क्रेनले चन्द्रमाको सतहमा ओडिसियस रहेको बताए ।ओडिसिएसले अवतरण गर्नुअघि स्पेसक्राफ्टको गति बढेकोले ओडिसिएसले चन्द्रमाको वरिपरि एक अतिरिक्त यात्रा गरेको बताइएको छ ।  ‘बीबीसी’का अनुसार ल्यान्डर ओडिसिएसले अवतरण…

विराटनगर : मोरङको बुढीगंगा गाउँपालिका-४ प्रगति टोलमा ट्रक दुर्घटना हुँदा तीन जनाको मृत्यु भएको छ ।दुर्घटनामा बुढीगंगा गाउँपालिका-४ का इसिता अधिकारी, निशान्त अधिकारी र रिहा खवासको मृत्यु भएको हो । मृत्यु हुनेमध्ये एकै परिवारका दुई जना रहेको प्रहरीले जनाएको छ । अधिकारीद्वय दिदीभाइ हुन् ।उनीहरूको शव भने निकाल्न नसकिएको मोरङ प्रहरीका प्रवक्ता डीएसी रन्जनकुमार दाहालले जानकारी दिए । घटनास्थलबाट ढुंगा पन्छाएर शव निकाल्ने प्रयास गरिरहेको उनले बताए ।उनीहरू सुतेको बेला सामान बोकेको ट्रक दुर्घटना भएर घरमा पल्टिएको थियो । दुर्घटनामा ज्योती अधिकारी र सन्जु खवास घाइते भएका छन् । उनीहरूको अवस्था सामान्य रहेको प्रहरीले जनाएको छ ।आज बिहान ७ बजे भारतीय…

काठमाडाैं : अवैधरुपमा अमेरिका पुगेका ८ जना नेपालीलाई स्वदेश फर्काइएको छ । उनीहरुलाई अमेरिकी चार्टर उडानको विमानले हिजो काठमाडौंमा झारेको हो । विभिन्न मुलुक हुँदै अवैधानिक रुपले अमेरिकाको विभिन्न राज्यमा प्रवेश गरेका उनीहरुलाई अमेरिकाको होमल्याण्ड सेक्युरिटीले समातेको थियो । त्यसपछि ट्राभल डकुमेन्ट बनाएर ती सबैलाई चार्टर उडानमा अमेरिकी अधिकारीहरुले ल्याएका हुन् । फर्काइनेहरुमा अशोक छन्त्याल, छिरी शेर्पा, दिपेन्द्र अदाई, द्रोण अधिकारी, गणेश बोहरा, निमा शेर्पा, नयेन्द्र पुन र राजु बानिया रहेका छन् । अमेरिकी अधिकारीहरुले उनीहरुलाई विमानस्थलमा रहेको नेपाल प्रहरीको मानब बेचबिखन ब्यूरोका प्रतिनिधिहरुलाई बुझाएका थिए ।

काठमाडौं : नेकपा एकीकृत समाजवादीले बालकुमारी घटना जाँचबुझ आयोगको प्रतिवेदन अविलम्ब सार्वजनिक गर्न सरकारसँग माग गरेको छ। बिहीबार बसको सचिवालय बैठकले प्रतिवेदनको थप अध्ययनपछि भौतिक योजना तथा निर्माणमन्त्री प्रकाश ज्वाला वा पार्टी नै सरकारबाट बाहिरिने विषयमा कदम चाल्ने निर्णय गरेको छ। प्रतिवेदन पूरै नहेरी ज्वालाबारे निर्णय गर्न नहुने निषकर्षमा पुगेको पार्टीका केन्द्रीय प्रचार विभाग प्रमुख जगन्नाथ खतिवडाले बताए। गत पुस १३ गते बालकुमारी घटनामा दुई युवकको मृत्यु भएको विषयमा छानबिन समितिले मन्त्री ज्वालालाई पनि दोषी देखाएको थियो। दोषी देखिँदा पनि राजीनामा नआएको भन्दै उनको र प्रधानमन्त्री पुष्पकमल दाहालको चौतर्फी आलोचना भइरहेको छ। बिहीबार बसेको संसद् बैठकमा पनि सांसदले ज्वाला र…