प्रजातन्त्र डेली

काठमाडौं :  प्रधानमन्त्री पुष्पकमल दाहाल ‘प्रचण्ड’ले पूर्वाधार विकासमा नागढुङ्गा सुरूङमार्ग नेपाली माटो सुहाउँदो नयाँ दस्तावेज हुने बताएका छन् । नागढुङ्गा सुरूङमार्ग निर्माण आयोजनाको मुख्य सुरूङ ‘ब्रेक–थ्रु’ भएको अवसरमा आज आयोजित कार्यक्रमलाई सम्बोधन गर्दै प्रधानमन्त्री प्रचण्डले नेपालको भौगोलिक बनौटका आधारमा सुरूङमार्ग निर्माणलाई प्राथमिकता दिनुपर्ने बताए ।राष्ट्रिय गौरवका आयोजना र राष्ट्रिय प्राथमिकता प्राप्त आयोजनाहरूको निर्माण कार्य समयमै सम्पन्न गर्नुपर्नेमा जोड दिँदै प्रधानमन्त्री प्रचण्डले भने, ‘मैले प्रत्यक्ष रूपमा आयोजनाको समस्या समाधान र सहजीकरणका लागि प्रधानमन्त्री तथा मन्त्रिपरिषद्को कार्यालयबाट आयोजनाहरूको ‘भर्चुअल मनिटरिङ्ग’ गर्दै आएको छु ।’ उनले सुनकोशी मरिन डाइभर्सन सिँचाइ आयोजनाको सुरूङ छिटै ‘ब्रेक–थ्रु’ हुने उल्लेख गरे ।‘निर्माणाधीन कोशी, कर्णाली करिडोरहरूले पहाडी क्षेत्रलाई…

काभ्रेपलाञ्चोक – काभ्रेपलाञ्चोकको रोशी गाउँपालिका–५, नागबेलीस्थित बहुमूल्य बोधिचित्त (बुद्धचित्त)को रुख काटेको आरोपमा प्रहरीले चार युवकलाई पक्राउ गरेको छ । पक्राउ पर्नेमा स्थानीय प्रभात तामाङ, श्यामकृष्ण मैनाली, मानबहादुर तामाङ र दुर्गालाल तामाङ रहेका जिल्ला प्रहरी कार्यालय काभ्रेका प्रवक्ता एवं प्रहरी नायब उपरीक्षक राजकुमार श्रेष्ठले जानकारी दिए । उक्त समूहले गएको बिहीबार राति विस्फोटक पदार्थसहित नागबेलीस्थित ठाकुरानी तामाङको बगैँचामा रहेको बहुमूल्य बोधिचित्तको एउटा रुख काटेको थियो ।फूल फुल्दै गरेको बोधिचित्तको रुख काटिएको थियो । उक्त रुखमा फल्ने बोधिचित्त दाना यस वर्ष तीन करोड रुपैयाँमा बिक्री गर्न बैना गरिएको तामाङले बताइन् । उनका अनुसार, बिहीबार राति करिब १ बजे हातहतियारसहित आएका झन्डै २०…

काठमाडौं- नेपाली राष्ट्रिय क्रिकेट टिमका पूर्वकप्तान तथा लेग स्पिनर सन्दीप लामिछानेको बलात्कार मुद्दामा आज सोमबार उच्च अदालत पाटनमा पेसी रहेको छ । जिल्ला अदालतले बलात्कार मुद्दामा दोषी ठहर गरेपछि उनी उच्च पुगेका थिए । त्यस्तै, १ चैतमा सरकारी पक्ष पनि पीडित ‘गौशाला २६’ नाबालिक रहेको भन्दै उच्च अदालतमा पुगेको थियो । त्यसपछि अदालतले गत २३ फागुनमा औपचारिक रूपमा मुद्दालाई प्रवेश दिँदै आजका लागि पेसी तोकेको हो । उच्च अदालत, पाटनका न्यायाधीश नृपधोज निरौला र कृष्णराम कोइरालाको संयुक्त इजलासले मुद्दाको प्रारम्भिक सुनुवाइ गर्दै दुबै पक्षलाई नियमअनुसार जानकारी गराउन आदेश दिँदै आजका लागि पेसी तोकेको थियो । अदालत स्रोतका अनुसार यो मुद्दालाई…

काठमाडौं :  सर्लाहीमा पूर्व सांसद प्रमोद साहमाथि आक्रमण भएको छ । ईश्वरपुर नगरपालिका–६ घर भएका साहमाथि वैशाख २ मा राति लालबन्दी नजिकै आक्रमण भएको हो । साहको निधार र टाउकोमा ७ वटा टाँका लागेकाे छ । आक्रमणमा संलग्न आरोपमा स्थानीय अर्यन चौधरी, सिद्धान्त चौधरी र सरोज माझी पक्राउ परेका छन् । अन्य ४ जना फरार छन् ।स्थानीय राजेन्द्र महतोसँग विवाद भएपछि उनले सांसद साहलाई फोन गरेर बोलाएका हुन् । त्यसपछि दुवै पक्षको बीचमा लफडा हुँदा पूर्व सांसद साहसहित निकेश साह, रवि पासवान र राजेन्द्र महतो घाइते भएका छन् ।सांसद साहको सुरुमा बयलबासस्थित अमृत हेल्थ केयरमा उपचार गरेर काठमाडौँमा रिफर गरिएको…

सिड्नी- अष्ट्रेलियाको सिड्नीमा हालै एक मलमा भएको चक्कु प्रहारको घटनामा आक्रमणकारीको निशाना महिला नै भएको देखिएको प्रहरीले बताएको छ । ४० वर्षीय जोएल काउशीले शनिबार भिडभाड धेरै भएको वेस्टफिल्ड बोन्डी जंक्शन कम्प्लेक्समा चक्कु प्रहार गरेका थिए । यस आक्रमणमा मारिएका ६ जनामध्ये ५ जना महिला छन् । यस आक्रमणमा एक बालिका सहित धेरै जना घाइते भएका छन् ।न्यु साउथ वेल्सका प्रहरी आयुक्तले एबीसी न्यूजलाई भने, ‘स्पष्ट रूपमा काउचीले महिलाहरूलाई लक्षित गरेको थियो ।’उक्त हमलामा ३० वर्षीय सुरक्षा गार्ड फराज ताहिरको पनि मृत्यु भएको थियो। फराज ताहिरले आक्रमणकारीलाई रोक्न खोजेका थिए ।फराज ताहिर एक शरणार्थी थिए र उनी अष्ट्रेलिया आएको धेरै…

अछाम :  अछाममा आगलागी हुँदा २ जना नाबालकको मृत्यु भएको छ । जिल्लाको मेल्लेख गाउँपालिका वडा ६ षोडशामा छानामा आगलागी हुँदा २ जना नाबालकको मृत्यु भएको हो ।स्थानीय दीपक बोहराको छोरी अन्दाजी ८ वर्षीय भावना बोहरा र रमेश बोहराको छोरा अन्दाजी ६ वर्षीय गोपाल बोहराको आगलागीमा परि मृत्यु भएको वडा अध्यक्ष तिलक कडायतले जानकारी दिए । उनका अनुसार सोमबार बिहान खरले छाएको कच्ची छानामा अचानक सल्केको आगोले स्याउला समेत जलेपछि सोही आगोमा परि ती नाबालकको मृत्यु भएको हो । घटनाबारे थप अनुसन्धानका लागी मेल्लेख प्रहरी चौकीबाट प्रहरी सहायक निरीक्षक नरेन्द्र बहादुर खड्काको नेतृत्वमा टोली खटिएको छ ।

काठमाडौं : राष्ट्रिय प्रजातन्त्र पार्टी (राप्रपा) को आन्दोलनमा घाइते भएका एकजनाको उपचारको क्रममा निधन भएको छ । राप्रपा बर्दियाको मधुवन नगर कार्यसमितिका अध्यक्ष ठाकुर प्रसाद डॅागीको उपचारका क्रममा सोमबार बिहान ४ बजे निधन भएको राप्रपाका प्रवक्ता मोहन श्रेष्ठले जानकारी दिए । डाँगी राप्रपाले गत चैत २७ गते काठमाडौंमा गरेको प्रदर्शनमा सहभागी थिए। प्रवक्ता श्रेष्ठका अनुसार प्रदर्शनमा सहभागी उनलाई प्रहरीले प्रहार गरेको अश्रुग्यास लागेको थियो । डॅागीको पार्थिव शरीर अन्तिम श्रद्धाञ्जलीका लागि मध्याह्न १२ बजेदेखि राप्रपा केन्द्रीय कार्यालय चाबहिलमा राखिने र त्यसपछि अन्तिम संस्कारका लागि बर्दिया नै लगिने श्रेष्ठले बताए ।

काठमाडौं : इन्डियन प्रिमियर लिग आइपीएल क्रिकेटमा आज २ खेल हुँदैछन् । पहिलो खेलमा कोलकोता नाइट राइडर्स र लखनऊ सुपर जाइन्टस आमने सामने हुनेछन् । इडेन गार्डेनमा यो खेल अपरान्ह्र पौने ४ बजे सुरु हुनेछ । कोलकाता ६ अंकसहित दोस्रो स्थानमा रहेको छ भने लखनऊ पनि समान ६ अंकसहित चौथो स्थानमा छ । यस्तै, राति पौने ८ बजे मुम्बई इन्डियन्स र चेन्नाई सुपरकिंग्स भिड्ने छन् । चेन्नाइ तेस्रो तथा मुम्बई तालिकाको सातौं स्थानमा रहेको छ ।

कैलाली : सुदूरपश्चिम प्रदेश सरकारको मुख्यमन्त्रीमा कांग्रेससहितको समर्थनमा नागरिक उन्मुक्ति पार्टी (नाउपा)का लक्ष्मण किशोर चौधरीले दाबी पेस गरेका छन् । नेपाली कांग्रेस संसदीय दलका नेता कमलबहादुर शाह, नागरिक उन्मुक्ति पार्टी संसदीय दलका नेता घनश्याम चौधरी र एकीकृत समाजवादी संसदीय दलका नेता दीर्घ सोडारीको हस्ताक्षरसहित चौधरीले मुख्यमन्त्रीमा दाबी पेश गरेका हुन् । चौधरीले आइतबार दिउँसो प्रदेश प्रमुख नजीर मियाँलाई कांग्रेसका १८, नागरिक उन्मुक्ति पार्टीका ७ र एकीकृत समाजवादीका ४ जनाको समर्थन रहेको दाबीसहित मुख्यमन्त्री नियुक्त गर्न पत्र दिएका हुन् । प्रदेश प्रमुख मियाले भने नागरिक उन्मुक्ति पार्टी संसदीय दलका नेता घनश्याम चौधरीलाई निलम्बन गरेको जानकारीसहितको पत्र प्रदेशसभाबाट प्राप्त भएकाले आफूले कानुनी…

काठमाडाैं :  प्रतिनिधिसभाको १० भन्दा बढी बैठकमा लगतार अनुपस्थित हुने सांसदहरूको संख्या तीन जना रहेको सभामुख देवराज घिमिरेले जानकारी दिएका छन् । सांसद वसन्त कुमार नेम्वाङ १७ माघ २०८० देखि २ वैशाख २०८१ सम्म १२ वटा बैठकमा अनुपस्थित भएका छन् । उनी बिरामीका कारण अनुपस्थित भएका हुन् । यस्तै सांसद मनोरमा शेरचन २९ फागुन २०८० देखि २ वैशाख २०८१ सम्म १३ वटा बैठकमा अनुपस्थित भएकी छन् । उनको थेरापी चलिरहेकाले अनुपस्थित भएको जनाइएको छ । त्यस्तै सांसद सोनु मुर्मु पनि १४ फागुन २०८० देखि ७ चैत २०८० सम्मका १० वटा बैठकमा उनी अनुपस्थित भएकी थिइन् । आमा र श्रीमानको उपचारका…