प्रजातन्त्र डेली

चितवन : नारायणगढ–मुग्लिन सडकखण्डको तुइन खोलामा पुल बनाउन सवारीसाधन रोकेर भित्तो काट्ने काम अन्तिम चरणमा पुगेको छ । विष्फोट गराउनका लागि प्रक्रिया अगाडि बढाइरहेका बेला अन्तिम प्रयासका रुपमा थालिएको भित्तो काट्ने काम अन्तिम चरणमा पुगेको हो । सवारीसाधन दैनिक चार घण्टा रोकेर गत पुस ७ गतेदेखि काम भएको छ । मध्याह्न १२ बजेदेखि अपराह्न ४ बजेसम्म सवारीसाधन रोकेर काम गरिँदै आइएको छ । नागढुङ्गा–मुग्लिन सडक आयोजना पश्चिम खण्ड (नारायणगढ–मुग्लिन) का सूचना अधिकारी ई.कृष्ण आचार्यका अनुसार ६० मिटर अग्लो भित्तोको एकातर्फको भाग ११ मिटर र अर्कोतर्फ १४ मिटर तल झरेको छ । उनका अनुसार मुग्लिनतर्फ १४ मिटर बाँकी छ भने खोलातर्फ…

काठमाडौँ : नेपाली बजारमा तीन दिनदेखि सुनचाँदीको मूल्य स्थिर रहेको छ । अघिल्लो बिहीबार प्रतितोला १ लाख १८ हजार रुपैयाँमा कारोबार भएको छापावाला सुनको मूल्य शुक्रवार र आज आइतबार पनि सोही कायम भएको हो । यस्तै तेजाबी सुनको मूल्य पनि अघिल्लो बिहीबारकै मूल्यमा प्रतितोला १ लाख १७ हजार ४५० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । यता चाँदीको मूल्य पनि गत बिहीबारकै मूल्य प्रतितोला १ हजार ४ सय रुपैयाँमा कारोबार भइरहेको महासङ्घले जनाएको छ ।

काठमाडाैं : धरानका मेयर हर्क साम्पाङ फिल्ममा देखिने भएका छन् । उनी फिल्म ‘खजुरे ब्रो’ मा विशेष भूमिकामा देखिँदैछन् । फिल्ममा उनको एक मिनेट लामो दृश्य छायांकन गरिएको निर्माण टिमले जानकारी दिए ।सुरज सुनुवारले निर्देशन गरिरहेको फिल्ममा नवीन मानन्धर र सुरज सुनुवारको लगानी छ । कमेडी जनरामा बन्ने फिल्मको लेखक पनि निर्देशक सुनुवार नै हुन् ।डायमण्ड उप्रेती कार्यकारी निर्माता रहेको फिल्ममा शिशिर विसंखेको छायांकन, अनमोल गुरुङको संगीत रहेको छ। यो फिल्म अगामी वर्ष जेठमा प्रदर्शन गर्ने निर्माण टिमको योजना छ ।

काठमाडौं : भारतको हरियाणास्थित सोनीपतको मामा भञ्जा चोकमा बहलगढबाट जाँदै गरेको फोर्ड इको स्पोर्ट्स कारले साइकल र स्कुटरमा घर फर्किएका पाँच नेपाललाई ठक्कर दिँदा ४ जनाको मृत्यु भएको छ । दुर्घटनामा ४ युवाको घटनास्थलमै मृत्यु भएको छ भने १ जना गम्भीर घाइते भएका छन् । कारमा सवार तीन युवक पनि गम्भीर घाइते भएका छन् । दुर्घटनामा ज्यान गुमाएका युवाको सनाखत भएको छ। मृत्यु हुनेमा अमर मगर र कमलबहादुर खत्री रहेका छन् । उनीहरु नेपालको ओखलढुंगाको मोलुङ गाउँपालिका ४ का हुन्। दुइ मृतक दलबहादुर रायमाझी अर्घाखाँची र अर्जुन सुनुवार सर्लाहीका हुन्। उनीहरुका एक साथी दिलबहादुर गम्भीर घाइते भएका छन् । उनी…

चितवन : चितवनमा गाडीको ठक्करबाट मोटरसाइकल चालकको मृत्यु भएको छ । शनिरबार बेलुका शरणपुरबाट नारायणगढ आउँदै गरेको बाप्र ०३-००१ च ११९७ नम्बरको बोलेरो गाडीले बाप्र ०३००३ प ८६२४ नम्बरको मोटरसाइकललाई भरतपुर महानगरपालिका–१६ शिवघाटमा ठक्कर दिएको थियो। गाडीको ठक्करबाट मोटरसाइकल चालक स्थानीय ४१ वर्षीय मधुसुदन खत्री र उनकी छोरी १५ वर्षीया अपेक्षा खत्री गम्भीर घाइते भएका थिए । उनीहरू दुवैलाई उपचारका लागि नयाँ मेडिकल कलेज भरतपुर लगिएको शनिबार बेलुका साढे ८ बजे बुवाको मृत्यु भएको प्रहरीले जनाएको छ। छोरीको उपचार जारी रहेको चितवन प्रहरीले जनाएको छ ।

काठमाडौं :आज विश्व कुष्ठरोग दिवस नेपालमा पनि विभिन्न जनचेतना मुलक कार्यक्रम गरी मनाइँदै छ। हरेक वर्ष जनवरी महिनाको अन्तिम आइतबार विश्व कुष्ठरोग दिवस मनाउने गरिन्छ। कुष्ठरोगविरूद्ध जनचेतना फैलाउने उद्देश्यले सन् १९५४ देखि यो दिवस विश्वभर मनाउन थालिएको हो। नेपालमा सन् २०१० मै कुष्ठरोग निवारण भएको घोषणा गरिए पनि प्रत्येक वर्ष तीन हजारभन्दा बढी नयाँ बिरामी थपिने गरेको सरकारी तथ्यांक छ। कुष्ठरोग आँखाले देख्न नसकिने माइक्राे ब्याक्टेरियम लेप्रे नामको सूक्ष्म किटाणुबाट लाग्ने गर्छ। यस रोगले खास गरेर छाला र नसामा असर गर्ने चिकित्सकहरुको भनाइ छ। कुष्ठरोगले छालामा असर गर्दा शरीरमा नचिलाउने, छुँदा थाहा नहुने दाग देखिने, छाला बाक्लो हुने, गिर्खाहरू देखा…

काठमाडौं  : प्रधानमन्त्री पुष्पकमल दाहाल ‘प्रचण्ड’ले स्थानीय तहले बुझाएको कार्यविस्तृतिकरण प्रतिवेदनको परिमार्जनका लागि उच्चस्तरीय छलफल बोलाएका छन् । छलफलका लागि उनले आइतवार दिउँसो २ बजे प्रधानमन्त्री कार्यालय सिंहदरबारमा दलका प्रतिनिधिदेखि विज्ञसम्मलाई बोलाएका हुन् । उक्त छलफलमा मन्त्रीहरू, राजनीतिक दलका प्रतिनिधिहरू, राष्ट्रियसभा र प्रतिनिधिसभाका विषयगत समितिका सभापतिहरू र विषय विज्ञहरू उपस्थित हुने छन् । यसअघि स्थानीय तहले कार्यविस्तृतीकरण परिमार्जनसम्बन्धी बनेको सुझाव प्रतिवेदन सरकारलाई बुझाएको थियो ।

काठमाडाैं : शुक्रबार माओवादी केन्द्रको सुदूरपश्चिम प्रदेश सभा संसदीय दलको नेताबाट खगराज भट्टलाई हटाएर बहुमतको निर्णयले मानबहादुर धामीलाई दलको नेता बनाएसँगै पार्टीको किचलो छताछुल्ल भएको छ। एक पक्षले प्रदेश संसदीय दलको नेता परिवर्तन गरे लगत्तै उक्त निर्णय तत्काल सच्याउन प्रदेश कमिटीले निर्देशन दिएको छ। देश अध्यक्ष हरिराम चौधरी(उत्सव) को अध्यक्षतामा बसेको माओवादी केन्द्र सुदूरपश्चिम प्रदेश कमिटी पदाधिकारी बैठकले दलको नेता परिवर्तन गर्ने निर्णय सच्याउन संसदीय दललाई निर्देशन दिएको हो। सुदूरपश्चिम प्रदेशका सबै जिल्ला संयोजक र इन्चार्जलाई पदाधिकारी बैठकले गरेको निर्णय समेत परिपत्र गरिएको छ। परिपत्रमा संसदीय दलको नेता खगराज भट्टको जानकारी विना उपनेता अक्कल बहादुर रावलको अध्यक्षतामा बसेको बैठकले दलको…

काठमाडौं : नेपाल दूरसञ्चार प्राधिकरणको अध्यक्ष पदमा आवेदन माग भएको छ। सञ्चार तथा सूचना प्रविधि मन्त्रालयले आज सूचना प्रकाशित गर्दै आवेदन माग गरेको हो। सूचनाअनुसार ३० वर्ष पूरा भइ ६५ वर्ष ननाघेकालाई आवेदन दिन भनिएको छ। सूचना प्रकाशित भएको मितिले सातौँ दिनसम्म आवेदन दिन मन्त्रालयले भनेको छ। एमडीएमएस र टेरामक्सलगायतका प्रणाली खरिदमा अनियमितता भएको प्रश्न उठेपछि पुरुषोत्तम खनालले प्राधिकरणको अध्यक्ष पदबाट राजीनामा दिएका थिए।

काठमाडौं : भिजिट भिसाको सेटिङका लागि त्रिभुवन अन्तर्राष्ट्रिय विमानस्थलस्थित अध्यागमन कार्यालयमा संगठित रूपमै लागेको पाइएको छ । प्रहरीको अनुसन्धानमा संगठित रुपमै विमानस्थलमा कार्यरत अध्यागमनका कर्मचारीहरु लागेको पुष्टी भएपछि थप ७ अधिकृतविरुद्ध माघ ९ मा काठमाडौं जिल्ला अदालतबाट पक्राउ पूर्जी लिई खोजी गरिरहेको छ । यसअघि सोही प्रकरणमा पक्राउ परेका अध्यागमन अधिकृत नरवीर खड्का र बिचौलियाहरुसँगको सोधपुछ र छानबिनपछि थप कर्मचारीको पनि संलग्नता रहेको खुलेको छ । प्रहरीले सो प्रकरणमा संलग्न भएका थप ७ अध्यागमन अधिकृतविरुद्ध पक्राउ काठमाडौं जिल्ला अदालतबाट पक्राउ पूर्जी लिएर खोजी गरिरहेको छ । प्रहरी स्रोतका अनुसार अध्यागमन अधिकृतहरू कुशल बराल, शैलेन्द्र ढकाल, विमल पौडेल, विष्णु अर्याल, विकास…