प्रजातन्त्र डेली

काठमाडौं : विशेष अदालतले सम्पत्ति शुद्धीकरण सम्बन्धी मुद्दामा प्रमोद जयसवाललाई ८ वर्ष कैद र ८३ करोड ३ लाख ३८ हजार ८५० रुपैयाँ जरिवाना गरेको छ । विशेष अदालतका सूचना अधिकारी धनबहादुर कार्कीका अनुसार सोही मुद्दामा अर्का प्रतिवादी पप्पु ठाकुरलाई ५ वर्ष कैद र ७ करोड ३४ लाख २८ हजार रुपैयाँ जरिवाना भएको छ । विशेष अदालतका अध्यक्ष न्यायाधीश टेकनारायण कुँवर तथा सदस्य न्यायाधीशहरू रामबहादुर थापा र मुरारीबाबु श्रेष्ठको इजलासले कैद तथा जरिवानाको फैसला गरेको हो ।नक्कली कागजात खडा गरी कम्पनी दर्ता गरी नेपाली रुपैयाँलाई भारतीय रुपैयाँमा रुपान्तरण गरी सम्पत्ति शुद्धीकरण गरेको भन्दै उनीहरुमाथि मुद्दा चलेको थियो । उनीहरुले हुण्डीको समेत…

काठमाडौं : सोमबार देशैभरका अधिकांश सरकारी वेबसाइटका सर्भरहरु बन्द भएका छन् । राष्ट्रिय सूचना प्रविधि केन्द्रका अनुसार सोमबारबिहान १० बजेदेखि नै अधिकांश सरकारी वेबसाइटहरु सञ्चालनमा आएका छैनन् ।’साइबर हमला’का कारण बिहानैदेखि सरकारी वेबसाइट डाउन भएको बताइएकाे छ । राष्ट्रिय सूचना प्रविधि केन्द्रका प्राविधिकहरू समस्या सुल्झाउन खटिएका छन् ।सरकारी  वेबसाइट डाउन हुँदा सेवाग्राहीले सास्ती भाेगिरहेका छन् ।

काठमाडौं : सत्तारुढ दल कांग्रेसका महामन्त्री गगन थापाले भौतिक पूर्वाधार तथा यातायातमन्त्री प्रकाश ज्वालाको लापरबाहीले ललितपुरको बालकुमारी दुईजना युवाको मृत्यु भएको बताएका छन् । सोमबार राज्य व्यवस्था तथा सुशासन समितिको बैठकमा महामन्त्री थापाले मन्त्रीले उक्त घटनाका बेला चरम लापरबाही गरेको बताए ।‘त्यो जबरजस्ती गर्ने काम भएको छ मन्त्रीबाट’ उनले भने, ‘मन्त्रीकै लापरबाहीकै कारणले ठूलो दुर्घटना भयो । दुई जना ज्यान गयो ।’ उनले लापरबाही गर्ने मन्त्रीलाई कारबाही हुनुपर्ने बताए।शुक्रबार भएको घटनामा दुई सुजन राउत र वीरेन्द्र शाहको ज्यान गएको थियो । साथै थापाले माइतीघरको निषेधित क्षेत्र तत्काल हटाउन माग गरेका छन् । माइतीघर मानिसहरुले आफ्नो कुरा राख्ने, सरकार र संसदलाई…

काठमाडौं : निषेधित क्षेत्रमा ‘राष्ट्रिय धोती दिवस’ मनाउन खोजेपछि जनमत पार्टीका अध्यक्ष तथा सांसद सीके राउतसँगै संघीय मामिला तथा सामान्य प्रशासनमन्त्री अनिता देवी पनि पक्राउ परेकी छिन् । निषेधित क्षेत्र तोडेको भन्दै प्रहरीले उनीसहित कार्यकर्तालाई पक्राउ गरेको थियो । प्रहरीले सबैलाई नेपाल पुलिस क्लब भृकुटीमण्डपमा राखेको छ ।

मोरङ : मोरङको सुन्दरहरैंचास्थित सामुदायिक वनमा एउटा जंगली हात्ती मृत फेला परेको छ ।सुन्दरहरैंचा नगरपालिका–१० स्थित जनजागरण सामुदायिक वनमा १० देखि १२ वर्ष उमेरको जंगली हात्ती मृत फेला परेको हो ।सामुदायिक वनमा गोली लागेर मृत्यु भएको अवस्थामा भाले हात्ती फेला परेको स्थानीयले बताएका छन् । तर, डिभिजन वन कार्यालय मोरङका प्रमुख विष्णु घिमिरेले पोस्टमार्टम गरेपछि मात्र गोली लागे नलागेको थाहा हुने बताए ।घटनायसबारे अनुसन्धान भइरहेको जिल्ला प्रहरी कार्यालय मोरङले जनाएको छ ।

काठमाडौं : राज्यका सम्पूर्ण संरचनामा सुधारको घोषणा गरेको सरकारले आजदेखि मन्त्रिपरिषद् बैठकको खाजा खर्च कटौती गरेको छ । प्रधानमन्त्री पुष्पकमल दाहाल ‘प्रचण्ड’ले आज बिहान सिंहदरबारमा बसेको मन्त्रिपरिषद् बैठकमा स–साना विषयबाट सुधारको थालनी गर्नुपर्ने भन्दै बैठकको खाजा कटौती गरिएको जानकारी गराउनुभएको प्रधानमन्त्रीको सचिवालयले जनाएको छ । खाजा बापत प्रत्येक मन्त्रिपरिषद् बैठकमा करिब रु ६० हजार खर्च हुने गरेको प्रधानमन्त्री कार्यालयले जनाएको छ । वर्षमा एक सयभन्दा बढी मन्त्रिपरिषद् बैठक हुने गरेका छन् । मन्त्रिपरिषद्मा हुने खाजा कटौती भएसँगै वार्षिक करिब रु ६० लाख जोगिएको प्रधानमन्त्री दाहालका प्रेस सल्लाहकार गोविन्द आचार्यले जानकारी दिए । मन्त्रिपरिषद् बैठकमा सामान्य खाजा खुवाउन सुरु गरिएको छ…

काठमाडौं : सांसद चित्रबहादुर केसीले पीडितलाई १० लाख दिएर समस्या समाधान नहुने बताएका छन् । सोमबार संसदीय समितिको बैठकमा उनले परिवारलाई राज्यले रेखदेख गर्नुपर्ने बताएका हुन् । उनले युवालाई रोजगारी दिन नसक्नु राज्यको कमजोरी भएको उल्लेख गर्दैं गणतन्त्र, लोकतन्त्रप्रति प्रहार भइरहेको कारणबारे अध्ययन गर्नु आवश्यक भएको बताएका छन् ।

काठमाडौं : सांसद राजेन्द्र राईले उपप्रधान तथा गृहमन्त्री नारायणकाजी श्रेष्ठलाई नैतिकताको आधारमा राजीनामा दिन सुझाव दिएका छन् । सोमबार राज्यव्यवस्था तथा सुशासन समितिको बैठकमा सांसदले छानबिन समितिलाई निष्पक्ष ढंगले काम गर्ने वातावरण बनाउनका लागि मन्त्री श्रेष्ठलाई राजीनामा दिन भनेका हुन् । ‘ठाउँको ठाउँ गोली हानेर मार्न मिल्छ ? उनले प्रश्न गर्दै भने, ‘छानबिन र तलका मानिसलाई कारबाही पनि गरियो । तपाई शालीन व्यक्ति, अब तपाई राजीनामा दिनुस् ।’

काठमाडौं : नेपाल प्रहरीका महानिरीक्षक (आइजीपी) बसन्तबहादुर कुँवरले मन्त्रीको सुरक्षाको निम्ति प्रहरीले बल प्रयोग गरेको बताएका छन् । सोमबार संसद्को राज्य व्यवस्था तथा सुशासन समितिमा जवाफ दिँदै उनले घटनास्थलको अवस्थाको बारेमा मन्त्रीको पीएसओले समेत समन्वय नगरेको बताए । उनले मन्त्रीको गाडी त्यहाँ नपुगेको भए घटना नहुने उल्लेख जिकिर गरे । ‘मन्त्रीको ज्यान तलमाथि पर्छ भनेर प्रहरी बल प्रयोग भएको हो । बल प्रयोगमा आठजना प्रहरी घाइते भएका छन्’ उनले भने, ‘मन्त्रीको गाडी जलाउन लाग्यो भनेपछि अलिकति प्रहरीको आवेश देखिन्छ ।’ उनले प्रदर्शन कुनै पनि नेतृत्वमा नभएका कारण सोचेभन्दा फरक अवस्था रहेको प्रष्टिकरण दिएका छन् ।

काठमाडौं : पप्रधानमन्त्री तथा गृहमन्त्री नारायणकाजी श्रेष्ठले ललितपुरका प्रमुख जिल्ला अधिकारीले गोली नचलाउनू भनेर आदेश दिँदादिँदै गोली चलेको बताएका छन्। सोमबार संसद्को राज्यव्यवस्था तथा सुशासन समितिको बैठकमा भएको छलफलमा गृहमन्त्री श्रेष्ठले बालकुमारी घटनामा सुरक्षा कमजोरी भएको स्वीकार गर्दै ईपीएस कार्यालय प्रमुखको भूमिका पनि सकारात्मक नभएको बताए । सुरक्षा कमजोरी भएको उल्लेख गर्दै मन्त्री श्रेष्ठले वास्तविक अवस्था पत्ता लगाउन जाँचबुझ आयोग गठन गरिएको जानकारी दिए । उनले  भौतिक योजना तथा यातायात व्यवस्था मन्त्री प्रकाश ज्वालाको प्रदर्शनकारीबाट घेराबन्दीमा परेपछि गोली प्रहार भएको बताएका छन् । शुक्रबार ललितपुरको बालकुमारीमा भएको प्रदर्शाका क्रममा अछाम र दैलेखका दुई जना युवाको मृत्यु भएको थियो ।