प्रजातन्त्र डेली

काठमाडौं : उच्च अदालतका पूर्व न्यायाधीश शेखर पौडेलको संयोजकत्वमा सरकारले ललितपुरको बालकुमारीमा दुई जनाको ज्यान जाने गरी भएको घटनाको अनुसन्धान गर्न उच्चस्तरीय छानबिन समिति गठन गरेको छ । आज बिहान बसेको मन्त्रिपरिषद बैठकले पूर्व न्यायाधीश पौडेलको संयोजकत्वमा ३ सदस्यीय समिति गठन गरेको सञ्चार मन्त्री रेखा शर्माले जानकारी दिइन् । आयोगमा पूर्व एआईजी अरुण बीसी र गृह मन्त्रालयका सहसचिव नारायण प्रसाद भट्टराई सदस्य छन् । आयोगलाई एक महिनाको कार्यअवधि दिइएको छ । घटनाको मानवीय तथा भौतिक क्षतिको अध्ययन विश्लेषण गर्ने, सुरक्षामा भएको कमजोरीबारे अध्ययन गर्ने र दोषी देखिएका जोकोहीलाई पनि कारबाहीको सिफारिस गर्ने टीओआर तोकिएको पनि मन्त्री शर्माले जानकारी दिइन् ।

काठमाडौं : आज ‘धोती दिवस’ मनाउन भन्दै माइतीघरमा भेला भएकाहरुलाई प्रहरीले हस्तक्षेप गरेको छ । बिहान मधेशी समुदायका केही व्यक्तिहरु सेतो धोती लगाएर ‘धोती दिवस’ लेखिएको ब्यानरसहित माइतीघरमा भेला भएका थिए । निषेधित क्षेत्रमा प्रदर्शन गरेको भन्दै प्रहरीले उनीहरुलाई हटाउन खोजेकोमा धकेलाधकेल भएको छ । आज अङ्ग्रेजी नयाँ वर्ष सन् २०२४ को पहिलो दिन राष्ट्रिय पोसाक तथा टोपी दिवस मनाइँदैछ ।

काठमाडौं : नेपाली सांगीतिक क्षेत्रकी लोकप्रिय गायिका समिक्षा अधिकारीले आफ्नो जिन्दगी आफ्नो स्वभावले बताएकी छिन् । अहिले मेला महोत्सवमा व्यस्त अधिकारीले शनिबार एक तस्वीरमा क्याप्सन लेख्दै भनेकी छिन्, ‘न कसैको अभावमा बाँच्छु,न कसैको प्रभावमा बाँच्छु,यो जिन्दगी आफ्नो हो, म आफ्नै स्वभावमा बाँच्छु ।’ सुमधुर स्वरका कारण लोकप्रिय रहेको समिक्षाका दर्जनौं गीतहरू हिट छन् । मेला महोत्सवमा उनको माग पनि बढ्दो छ। उनी दिनहुँजसो स्टेज कार्यक्रममा पुगेर दर्शकका अगाडि सांगीतिक प्रस्तुति दिइरहेकी भेटिन्छिन् ।

धनगढी : नेपाल खेलकुद महासंघ सुदूुरपश्चिम प्रदेश कमिटि, धनगढीले कपिलवस्तुमा गाडी दुर्घनामा निधन भएका उसु खेलाडीको परिवारलाई क्षतिपूर्ति र घाइते भएका खेलाडीको उपचारको लागि आवश्यक सहयोग गरिदिन आग्रह गरेको छ। आइतबार एक विज्ञप्ती जारी गर्दै महासंघले घटनाका मृतक परिवारलाई उचित क्षतिपूर्ति र घाइतेहरुको उपचारको लागि आवश्यक सहयोग गरिदिन सुदूरपश्चिम प्रदेश सरकारसँग आग्रह गरेको हो। अध्यक्ष प्रकाशकुमार चन्दद्धारा हस्ताक्षरित विज्ञप्तीमा भनिएको छ, ‘मकवानपुर जिल्ला उसु संघ, हेटौडा, मकवानपुरको आयोजनामा पुस ११ र १२ गते सञ्चालित अन्तर प्रदेश स्तरीय राष्ट्रिय उसु प्रतियोगितामा सुदूरपश्चिम प्रदेशवाट सहभागी भएका खेलाडी सवार बस पौष १३ गते राती दुई बजेको समयमा कपिलवस्तु जिल्लाको चन्द्रौटाबाट १५ किलोमिटर टाढा…

ललितपुर : शुक्रबार बालकुमारीमा भएको प्रदर्शनमा पक्राउ परेका ७३ जनालाई प्रहरीले रिहा गरेको छ।रोजगार अनुमति प्रणाली (इपिएस) मार्फत कोरिया जान भाषा परीक्षाको आवेदन भर्न पाउनुपर्ने माग राख्दै भएको प्रदर्शनका क्रममा पक्राउ परेका उनीहरुलाई छाडिएको केन्द्रीय प्रहरी प्रवक्ता तथा प्रहरी नायब महानिरीक्षक कुवेर कडायतले जानकारी दिए। उनका अनुसार सो प्रदर्शनका क्रममा थुनामा रहेका सबै रिहा भएका हुन्।उनले भने, ‘प्रदर्शनका क्रममा पक्राउ परेका सबैलाई छोडिएको छ र उनीहरुलाई मुद्दा नचलाउने निर्णय भएको छ।’ भौतिक पूर्वाधार तथा यातायातमन्त्री प्रकाश ज्वाला चढ्ने गाडीमा आगजनी गरी भौतिक सम्पत्तिमा समेत तोडफोड गरेको आरोपमा प्रहरीले उनीहरुलाई पक्राउ गरी थुनामा राखेको थियो।उक्त प्रदर्शनका क्रममा दैलेखको महाबु गाउँपालिका–६ का…

काठमाडौँ : कर्मचारीलाई सामाजिक सञ्जाल चलाउनमा रोक लगाइएको छ । स्वास्थ्य बिमा बोर्डका कर्मचारीहरूलाई कार्यालयमा सामाजिक सञ्जाल चलाउनमा रोक लगाइएको हो ।बोर्डको बैठकले सामाजिक सञ्जाल चलाउन नपाइने आचारसंहिता लागु गरेको हो । दाबी व्यवस्थापन र सूचना प्रविधि शाखाका कर्मचारीले कार्यालयभित्र रहँदा व्यक्तिगत मोबाइल समेत प्रयोग गर्न नपाइने व्यवस्था बोर्डले गरेको छ ।सम्बन्धित विषयको अधिकारीको अनुमतिपछि मात्रै बिमा कार्यक्रम र बिमा बोर्डका बारेमा सार्वजनिक धारणा राख्न पाउनेसहित बैठकले १० बुँदे आचारसंहिता लागु गरेको छ ।

काठमाडौँ : संस्कृति, पर्यटन तथा नागरिक उड्डयनमन्त्री सुदन किरातीले नेपाल वायुसेवा निगम (नेवानि)ले त्रिभुवन विमानस्थलमा गरिरहेको ग्राउन्ड ह्यान्डलिङ सेवा नखोसिने स्पष्ट पारेका छन् । आइतबार नेपाल नागरिक उड्डयन नागरिक प्राधिकरणको २५ औँ वार्षिकोत्सवका अवसरमा बोल्दै उनले पटक-पटक निगमको यो सेवा खोस्ने कोसिस नगर्न प्राधिकरणलाई चेतावनी दिए । ‘राज्यले तपाईंहरुलाई जे जिम्मेवारी दिएको छ, त्यो जिम्मेवारीपूर्वक गर्नुहोस्, नेवानिले पाएको अधिकार खोस्ने कुरा पटक(पटक नगर्नुहोस्,’ उनले भने, ‘म चेतावनी दिन चाहन्छु,अब यो कुरा उठेमा त्यो राज्यको नीति माथि नै प्रश्न हुनेछ ।’ उनले नेवानि सच्चिनु पर्ने अवस्था रहेको भन्दै त्यसमा सरकारले काम गरिरहेको समेत बताए ।

काठमाडौं : सत्ता गठबन्धनका शीर्ष नेताहरूको बैठक बालुवाटारमा जारी छ । राष्ट्रियसभा निर्वाचनलगायत पछिल्ला समसामयिक राजनीतिक घटनाक्रमबारे छलफल गर्नको लागि बैठक बसेको हो । बैठकमा प्रधानमन्त्री पुष्पकमल दाहाल ‘प्रचण्ड’, कांग्रेसका सभापति शेरबहादुर देउवा, उपसभापति तथा उपप्रधानमन्त्री पूर्णबहादुर खड्का, नेता रमेश लेखक र नेकपा एसका अध्यक्ष माधव नेपाललगायत नेता सहभागी छन् । हिजोमात्रै टुंगिएको कांग्रेसको केन्द्रीय समितिको बैठकले राष्ट्रियसभामा गठबन्धन गरेर जाने निर्णय गरेको छ । गठबन्धन दलहरू एकजुट भएर जान तयार भएपनि सीटको भागबन्डा अझै टुंगिएको छैन ।

बझाङ: बझाङमा आन्तरिक रक्तश्रावका कारण एक गर्भवतीको मृत्यु भएको छ । जिल्ला अस्पताल बझाङमा केदारस्युँ गाउँपालिका–६ सिङराल्लीका ३५ वर्षीय गौबडीदेवी धामीको ज्यान गएको हो । उनको विगत ३ महिनादेखि नियमित गर्भ जाँच नगराएका कारण बच्चा खेर गइसकेको र आन्तरिक रक्तश्रावका कारण शनिबार दिउँसो मृत्यु भएको जिल्ला अस्पताल बझाङले जनाएको छ । रगत दिएर आइसियूमा राखिएकी उनलाई बचाउन अस्पताल निकै प्रयास गरे पनि नसकिएको बताइएको छ । बेहोस अवस्थामा जिल्ला अस्पताल ल्याइएकी उनको थप उपचारका लागि हेलिकप्टर व्यवस्थापन गरिरहेका बेला धामीको मृत्यु भएको हो ।

दाङ : दाङमा पिकनिकका लागि आएका यात्रु बोकेको बस दुर्घटना भएको छ। आज बिहान ७ बजे बर्दियाबाट दंगीशरण –३ स्थित थारु संग्रहालय रहेको चखौरामा पिकनिकका लागि आउँदै गरेको भे १ ख २०४१ नम्बरको बस राप्ती राजमार्ग अन्तर्गत झञ्ज्याङ नजिकै दुर्घटनामा परेको दाङका प्रहरी प्रमुख एसपी रामबहादुर केसीले जानकारी दिए। घटनास्थल पुगेका इलाका प्रहरी कार्यालय तुलसीपुरका प्रवक्ता प्रहरी निरीक्षक नवचन्द्र मल्लले २५ जना घाइतेको उद्धार गरी तुलसीपुरस्थित राप्ती प्रादेशिक अस्पताल र ४/५ जनालाई कोहलपुर पठाइएको जानकारी दिए। तीमध्ये तीन जना गम्भीर भएको उनले बताए। बसमा करिब ४० जना सवार रहेको उनले बताए।