प्रजातन्त्र डेली

काठमाडौं :  परराष्ट्रमन्त्री एनपी साउदले रुसी सेनामा करिब दुई सय जना नेपाली भर्ना भएको दाबी गरेका छन् । अध्ययन र भ्रमण भिसामा गएका उनीहरू रुसी सेनामा भर्ना भएको सरकारको प्रारम्भिक अनुसन्धानबाट खुलेको उनले बताए । उनले कम्तिमा सय जना नेपाली हराइरहेको बताए। ‘करिब दुई स यजना काम गर्न, अध्ययन र भ्रमण भिसामा रुस गएका नेपाली युवा त्यहाँको सेनामा भर्ना भएको खुलेको छ। त्यसभन्दा केही बढी भर्ना भएको हुनुपर्छ भन्ने हो । किनभने सयजना हाराहारीमा हराइरहेका र घाइते भएकाको उजुरी मन्त्रालयमा आएको छ,’ उनले भने ।उनले युक्रेनमा बन्दी रहेका नेपालीको रिहाईका लागि त्यहाँको सरकासँग निरन्तर सम्बाद भइरहेको बताए । ‘युक्रेन हेर्ने…

सिन्धुली:  सिन्धुलीको कमलामाई नगरपालिका–४ मा एक महिलालाई पोलमा बाँधेर निर्घात कुटपिट गरेको आरोपमा उनका श्रीमानसहित ७ जना पक्राउ परेका छन् । लेनदेनको विषयलाई लिएर शारदा थापालाई बिजुलीको पोलमा बाँधेर कुटपिट भइरहेको भन्ने जानकारी प्रहरीले आइतबार पाएको थियो । त्यसपछि प्रहरीको टोली पुगेर उनका श्रीमान सन्तोष थापासहित सात जनालाई पक्राउ गरिएको जिल्ला प्रहरी कार्यालय प्रमुख एसपी सिलवालले बताए । आइतबार अपराह्न साढे ४ बजे घटनास्थलमा पुगेर प्रहरीले शारदाको पनि उद्धार गरेको हो ।थापाले गाउँका केही व्यक्तिहरुसँग ऋण लिएका थिए । पहिले जग्गाको कारोबार गर्ने उनको पछिल्लो समय कारोबारमा समस्या आएको थियो । त्यहीबेला श्रीमती शारदाले पनि डिभोर्स गर्नलाई अदालतसम्म पुगेकी थिइन्…

जुम्ला: जुम्लाबाट हुने उडानका लागि कोटा प्रणालीमार्फत टिकट दिइने भएको छ । निजी हवाई कम्पनीले मनपरी टिकट बाँडेको र फोनको भरमा आफ्नालाई टिकट वितरण गरिने गुनासोपछि सो निर्णय भएको हो । आइतबार बसेको सर्वपक्षीय बैठकले कोटा प्रणाली लागु गर्ने सहमति गरेको प्रमुख जिल्ला अधिकारी जयकुमार घिमिरेले जनाए । गुनासो बढेपछि जिल्ला प्रशासन कार्यालयमा बसेको सर्वपक्षीय बैठकले सो निर्णय गरेको उनले बताए । बैठकबाट विमानस्थलमा टिकट वितरण प्रक्रिया पारदर्शी हुनुपर्ने, प्रत्येक वायुसेवा कम्पनीले आपसमा सहकार्य गरेर टिकट वितरण सहज बनाउनुपर्ने, हरेक विमान कम्पनीले १० सिट सर्वसाधारणका लागि उपलब्ध गराउनुपर्ने निर्णय बैठकबाट गरिएको प्रजिअ घिमिरेले बताए । अबदेखि प्रत्येक उडानमा बिरामी, अशक्त…

तनहुँ – तनहुँमा भएको जिप दुर्घटनामा चालकसहित ५ जना घाइते भएका छन् ।मंगलबार बिहान आबुखैरेनी गाउँपालिका वडा नम्बर ४ पावर हावसस्थित पृथ्वी राजमार्ग सडकखण्डमा बा १७ च ७९६० नम्बरको बोलेरो जीप सडकबाट करिब १५० मिटर तल खसेर दुर्घटना भएको हो । आबुखैरेनी तर्फबाट मुग्लीङतर्फ जाँदै गरेको सो जिपमा सवार घाइतेहरुलाई ईलाका प्रहरी कार्यालय आबुखैरेनी र नेपाली सेना समेतको संयुक्त टोलीले उद्दार अस्पताल पठाएको जिल्ला प्रहरी कार्यालय तनहुँले जनाएको छ ।घाइतेमा जिप चालक कैलालीका दयाराम रानासहित यात्रुहरु सुर्खेतका थानेश्वर भट्टराई, निबस खत्री, दार्चुलाका राकेश भट्ट र कैलालीका खगेन्द्रराज पनेरु रहेका छन् । घाइतेमध्ये ४ जनाको स्थानीय अस्पतालका साथै १ जनाको भरतपुरमा…

काठमाडौं : सरकारले थप विभिन्न आठ देशसँग श्रम सम्झौताको तयारी थालेको छ । श्रम, रोजगार तथा सामाजिक सुरक्षा मन्त्रालयले हालसम्म १२ देशसँग श्रम सम्झौता गरेको सरकारले सन् २०२४ भित्रमा थप आठ देशसँग श्रम सम्झौताको तयारी भएको जानकारी दिएको हो । नेपालले सन् २०२४ मा कुवेत, ओमान, साउदी अरेबिया, पोर्चुगल, पोल्यान्ड, युक्रेन, माल्टा र टर्कीसँग श्रम सम्झौता गर्न लागेको हो । त्यसका लागि मन्त्रालयबाट सम्झौताको मस्यौदा तयार पारी सम्बन्धित देशलाई पठाइएको छ । ती देशबाट मस्यौदाबारे धारणा आएपछि सम्झौताको प्रक्रिया अघि बढ्ने छ । सरकारले युरोपका विभिन्न मुलुकसँग श्रम सम्झौतालाई प्राथमिकता दिएको छ । सरकारले हालै रोमानिया र जर्मनीसँग श्रम सम्झौता…

काठमाडौं : काठमाडौं मेडिकल कलेज फोक्सोमा जमेको पीप अप्रेशन नगरीकन नै निकाल्न सफल भएको छ । भिडियो एसिस्टेड थोराकोस्कोपिक सर्जरी प्रविधीबाट छातीमा सानो प्वाल बनाएर फोक्सोमा जमेको पीप निकालिएको हो । काठमाडौं मेडिकल कलेजका बालरोग शल्यचिकित्सक डा. आशिषलाल श्रेष्ठले यो सर्जरी नेपालमा भने पहिलो पटक प्रयोगमा ल्याइएकोे बताए । उनले यसअघि छाती चिरेर अप्रेशन गर्नुपर्ने भए पनि यसपटक भने नेपालमै पहिलो पल्ट बिना अप्रेशन भिडियो एसिस्टेन्ट थोरास्पोकिक सर्जरीबाट पीप बाहिर निकालिएको बताए । अप्रेशन गर्दा बिरामीलाई ठीक हुन लामो समय लाग्ने तर यस सर्जरीले भने ठीक हुन पनि समय कम लाग्ने र बिरामीलाई कम दुःख हुने बताए यस सर्जरीको सेवा…

काठमाडौं : कास्कीको पोखरामा कारको ठक्करबाट दुई पैदलयात्रीको मृत्यु भएको छ। पोखरा महानगरपालिका ५ प्रस्याङमा बा १३ च ३७२१ नम्बरको कारले गएराती ठक्कर दिँदा दुई जनाको मृत्यु भएको हो। कारको ठक्करबाट बागलुङका २० वर्षीय ढालेन्द्र छन्त्याल र अर्का नाम नखुलेका पुरुषको मृत्यु भएको जिल्ला प्रहरी कार्यालय कास्कीका सूचना अधिकारी डिएसपी श्रवणकुमार विकले जानकारी दिए। ठक्करबाट गम्भीर घाइते दुवै जनाको उपचारको क्रममा गण्डकी अस्पतालमा मृत्यु हो। ठक्कर दिने कारलाई नियन्त्रणमा लिइएको र कार चालक फरार रहेको प्रहरीले जनाएको छ।

काठमाडौं : प्रधानमन्त्री पुष्पकमल दाहाल ‘प्रचण्ड’ले आज (मंगलबार) साँझ पाँच बजे राष्ट्रका नाममा सम्बोधन गर्ने भएका छन्। तेस्रोपटक प्रधानमन्त्री बनेका प्रचण्डले आफ्नो कार्यकाल एक वर्ष पूरा गरेको यो पहिलोपटक हो। प्रधानमन्त्री प्रचण्डले सरकारको एक वर्षे उपलब्धिसहित राष्ट्रका नाममा सम्बोधन गर्न लागेका हुन्। प्रधानमन्त्रीका प्रेस सल्लाहकार गोविन्द आचार्यले सरकार एक वर्ष पुगेको अवसरमा प्रधानमन्त्री प्रचण्डले मंगलबार राष्ट्रको नाममा सम्बोधन गर्न लागेको बताए। यसअघिका कार्यकालमा उनले नौ/नौ महिनामात्रै सरकारको नेतृत्व गरेका थिए।

पाँचखाल : गाई काटेको अभियोगमा काभ्रेको पाँचखाल नगरपालिका-१ बाट तीनजना पक्राउ परेका छन् ।आइतबार दिउँसो गाई काटेको सूचना पाएपछि पुगेको प्रहरी टोलीले पाँचखाल-१ घुमाउने चौरबाट तीनजनालाई पक्राउ गरेको हो ।पक्राउ पर्नेमा पाँचखाल-१ का वर्ष ३४ का मिनबहादुर तामाङ, वर्ष ३० को सन्तबहादुर तामाङ र सिन्धुलीको घ्याङलेक गाउँपालिका २ बस्ने वर्ष २७ को अर्जुन लामा थिङ रहेका छन् ।उनीहरूको साथबाट गाईको ८५ किलो मासुसमेत बरामद भएको छ ।पक्राउ परेकाहरूलाई इलाका प्रहरी कार्यालय बनेपामा राखी थप अनुसन्धान भइरहेको जिल्ला प्रहरी कार्यालय काभ्रेले जनाएको छ ।

इजरायल:  हमास युद्धमा मृत्यु हुने प्यालेस्टाइनीको संख्या हालसम्म २० हजार २८५ पुगेको छ । ७ अक्टोबरमा हमासले गरेको आक्रमणको जवाफमा आफ्नो सैन्य कारबाही सुरु गरेको इजरायलले निरन्तर युद्ध जारी राखेको छ । गाजापट्टीमा इजरायली आक्रमणबाट प्यालेस्टाइनीको मृत्यु हुनेको संख्या हालसम्म २० हजार २८५ पुगेको छ भने ५३ हजार ६८८  अन्य घाइते भएका छन् । १.९ मिलियन प्यालेस्टिनी बासिन्दाहरू अर्थात् गाजा जनसंख्याको लगभग ८५ प्रतिशत विस्थापित भएका छन् । यसैबीच, इजरायली नाकाबन्दीका कारण गाजावासीहरू बिजुली, खाद्यान्न, चिकित्सा आपूर्ति र आश्रयस्थलको अभावबाट पीडित छन् ।