प्रजातन्त्र डेली

काठमाडौं :  इसाइ धर्मावलम्बीहरुको पर्व क्रिसमसको अवसरमा राष्ट्रिय प्रजातन्त्र पार्टीका अध्यक्ष राजेन्द्र लिङदेन र वरीष्ठ उपाध्यक्ष रवीन्द्र मिश्रले शुभकामना व्यक्त गरेका छन् । लिङ्देनले सामाजिक सञ्जालमा लेखेका छन्, ‘क्रिसमसको अवसरमा सम्पूर्ण क्रिस्चियन धर्मावलम्बीहरूमा हार्दिक शुभकामना व्यक्त गर्दछु ।’ वरिष्ठ उपाध्यक्ष मिश्रले पनि क्रिस्चियनहरूलाई क्रिसमसको शुभकामना दिएका छन् । सामाजिक सञ्जालमा उनले लेखेका छन्, ‘क्रिसमसको अवसरमा देश–विदेशमा रहनुभएका सम्पूर्ण क्रिस्चियन धर्मावलम्बीहरूमा हार्दिक शुभकामना व्यक्त गर्दछु । सबैले सबैलाई सम्मान गरौँ । ईश्वरले सबैको भलाइ गरून् !’

पोखरा :  पोखराको वीरेन्द्र चोकमा मध्यराति स्व.राजा वीरेन्द्रको सालिक ठड्याइएको छ । सालिक पुनःस्थापना समितिले राति पौने २ बजेतिर सालिक ठड्याइएको हो ।करिब २५ लाख लागतमा सालिक निर्माण गरिएको राप्रपा कास्कीका प्रवक्ता अरुण गिरीले जानकारी दिए । सुरुमा २०५९ सालमा क्षेत्रबहादुर केसीले राखेको सालिक २०६२–०६३ को जनआन्दोलनको क्रममा फालिएको थियो ।पोखरा-१०, रामबजारको चोकमा २०६९ सालमा राजा वीरेन्द्रको सालिक स्थापना गरी चोकलाई नै वीरेन्द्रचोक नामकरण गरिएको थियो ।

काठमाडौं : सिन्धुलीमा बसले मोटरसाइकललाई ठक्कर दिँदा भएको दुर्घटनामा मृत्यु भएका दुवै जनाको सनाखत भएकाे छ ।आज बिहान सुनकोसी गाउँपालिका–३ बोहोरेटारस्थित विपि राजमार्गमा भएको दुर्घटनामा दुई जनाको घटनास्थलमै मृत्यु भएको थियो ।मृत्यु हुनेमा मोटरसाइकल चालक खोटाङ हलेसी तुवाचुङ नगरपालिका २ का २० वर्षीय सुसन राई र मोटरसाइकल पछाडि सवार सोही नगरपालिका १० की १८ वर्षीया मुनाकला राई भएको जिल्ला प्रहरी कार्यालय सिन्धुलीका प्रहरी प्रवक्ता चिरन्जीवी दाहालले जानकारी दिए ।बागमती प्रदेश ०१००६ ख ४५९३ नम्बरको बसले बा ६० प ३५४५ नम्बरका मोटरसाइकललाई ठक्कर दिएको हो । बसका चालक रामेछाप मन्थलीका रुपेश अधिकारीलाई नियन्त्रणमा लिइएको प्रहरीले जनाएको छ ।स्थानीय ले बस चालकको…

काठमाडौँ : प्रदेश लोक सेवा आयोग बागमती प्रदेश हेटौँडाले रिक्त पदपूर्तिका लागि दरखास्त आह्वान गरेको छ । आयोगको हेटौँडास्थित कार्यालयले आज एक सूचना जारी गर्दै प्रदेश तथा स्थानीय तहका विभिन्न सेवा समूहका अप्राविधिक, प्राविधिक र स्वास्थ्य सेवातर्फ ज्येष्ठता र कार्य सम्पादनको मूल्यांकनबाट हुने बढुवा तथा खुलातर्फको दरखास्त आह्वान गरिएको छ । नवौं, सातौं र आठौं तहका पदहरूमा आवेदन माग गरिएको हो । हेर्नुस् सूचना :

विराटनगर : विराटनगरस्थित मोरङ कारागारमा कैद भुक्तान गर्दै आएका एक जना कैदीको मृत्यु भएको छ । लेनदेन ठगी मुद्दामा कैद भुक्तान गर्दै आएका विराटनगर (१० का ४८ वर्षीय चण्डेश्वर सहनीको आज बिहान ६ः४५ बजे कोशी अस्पतालमा उपचारको क्रममा मृत्यु भएको हो । पेट पोल्ने र श्वासप्रश्वासमा समस्या भएपछि कारागार प्रशासनले उनलाई पुस ७ः ३० बजे अस्पतालमा भर्ना गराएको मोरङ कारागारका निमित्त जेलर कृष्णहरि न्यौपानेले जानकारी दिए । उपचारको क्रममा उनको मृत्यु भएको हस्पिटलले जनाएको छ । मृतकका आफन्तहरूले भने समयमै जानकारी नदिएको उपचारमा लापरबाही भएको भन्दै अहिले अस्पताल परिसरमा नाराबाजी सुरु गरेका छन् ।

नवलपुर :  नवलपुरमा बाघको आक्रमणबाट दुईजनाको मृत्यु भएको छ ।नवलपुर बिनयी त्रिवेणि गाउँ पालिका-१ पुरानो बस्तीका एकै घरका सासु बुहारीको बाघको आक्रमणबाट ज्यान गएको छ ।  साथीहरुसँग घाँस काट्न गएका उनीहरुको घटनास्थलमै मृत्यु भएको प्रहरीले जनाएको छ ।घाँस दाउरा लिन आइतवार दिउँसो जंगल गएका उनिहरू अवेरसम्म पनि घर नफर्केपछि खोजी गर्ने क्रममा बाघको आक्रमणमा परेको अवस्थामा भेटिएको थियो ।मृत्यु हुनेमा सासु ५९ वर्षकी मनादेवी पौडेल र बुहारी २८ वर्षकी बिष्णु पौडेल छन् । घटनामा थप अनुसन्धान भैरहेको नवलपुर प्रहरीले जनाएको छ ।उनीहरुको शव सडकबाट एक किलोमिटर भित्र विनयी सामुदायीक वनमा फेला परेको हो । गाउँले र प्रहरीको सहयोगमा राती खोजी…

पाल्पा : सिद्धार्थ राजमार्ग अन्तर्गतको पाल्पा-बुटवल सडकखण्ड यही पुस १६ गतेदेखि एक सय दिनसम्म दैनिक ६ घण्टा बन्द हुने भएको छ । जिल्ला प्रशासन कार्यालयका अनुसार राति १० बजेदेखि बिहान ४ बजेसम्म अत्यावश्यक बाहेकका सवारीसाधनलाई सन्चालनमा रोक लगाइने भएको हो । जिल्ला प्रशासन कार्यालयमा बसेको राजमार्ग सुरक्षा समितिको बैठकको निर्णय अनुसार पुस १६ गतेदेखि एक सय दिनसम्म सवारी साधनको आउ-जाउ बन्द गरेर सुरुङमार्ग निर्माणको काम गर्न लागिएको पाल्पाका प्रमुख जिल्ला अधिकारी आनन्द काफ्लेले जानकारी दिए ।

सिन्धुली : वीपी राजमार्गको झाँगाझोली रातमाटा खण्डमा यात्रुवाहक बस र मोटरसाइकल एक आपसमा ठोक्किँदा २ जनाको घटनास्थलमै मृत्यु भएको छ । जिल्ला प्रहरी कार्यालय सिन्धुलीका अनुसार मोटरसाइकलमा सवार एक महिला र एक पुरुषको मृत्यु भएको हो । मृतकको सनाखत हुने क्रममा रहेकाले राजमार्ग अवरुद्ध छ । वागमती प्रदेश ०१ ००६ ख ४५९३ नम्बरको बसको भित्र पसेको मोइटरसाइकलका चालक र पछि बसेका दुवैजनाको मृत्यु भएको प्रहरीले जनाएको छ । यो भयंकर दुर्घटनापछि राजमार्गमा सवारी आवागमन रोकिएको छ । शवको सनाखतपछि राजमार्ग खुल्ने प्रहरीले जनाएको छ ।

काभ्रे : नाबालिग छात्रालाई बलात्कार गरेको आरोपमा काभ्रेको पाँचखालबाट प्रधानाध्यापकसहित दुई शिक्षक पक्राउ परेका छन्। आफ्नै विद्यालयमा कक्षा ९ मा अध्ययनरत छात्रामाथि बलात्कार गरेको आरोपमा पाँचखाल नगरपालिका–६ स्थित जोरपाटी माध्यमिक विद्यालयका प्रधानाध्यापक गणेशमान गुरूङ र विज्ञान शिक्षक मच्छेनारायण श्रेष्ठ पक्राउ परेका हुन्। आइतबार पीडित बालिकाको सामाजिक सञ्जालमार्फत घटना बाहिरिएपछि जनप्रतिनिधिहरु विद्यालयमा पुगेर दुवै शिक्षकलाई प्रहरीको जिम्मा लगाएका थिए ।शिक्षक श्रेष्ठले दसैं तिहारको बीचको बिदामा बालिकालाई ललाइफकाइ बनेपा लगेर बलात्कार गरेको खुलेको छ। त्यसपछि विद्यालयका प्रधानाध्यापकसहित अन्य शिक्षकहरूले पनि बालिकालाई सामाजिक सञ्जालमार्फत अश्लील र आपत्तिजनक म्यासेज पठाउने गरेको देखिएको स्थानीय जनप्रतिनिधिले बताएका छन्।पक्राउ परेका दुवै शिक्षकलाई जिल्ला प्रहरी कार्यालय काभ्रे लगिएको…

काठमाडाैं : रुसी सेनामा भर्ना भएका एक अर्का नेपाली सम्पर्कविहीन रहेको पाइएको छ । रुसी सेनामा भर्ना भएका धनुषाको मिथिलाका नगरपालिका–७ केमलीपुरका विमलकुमार गजमेर हाल परिवारको सम्पर्कमा नरहेका हुन् । रोजगारीको शिलशिलामा दुबई पुगेका उनी भदौ २० गते त्यहीँबाट रुस गएका थिए । दुबईमा खासै कमाई नभएका कारण उनी आफ्ना दाईसँग पैसा मागेर रुस गएको आमा सौमाया विश्वकर्माले बताइन् । विमलका बुवा तिलकबहादुर विश्वकर्माका अनुसार रुस पुगेको एक महिनासम्म कुराकानी गरेको छोरा हाल सम्पर्कविहीन रहेका छन् ।रूसी सेनामा गएका नेपालीहरुको मृत्यु भएको तथा युक्रेनमा बन्दी बनाइएका समाचार आइरहेका बला विमलको परिवार चिन्तित छ । उनीहरूले छोराको खोजीका लागि सरकारलाई आग्रह…